طريقة النقل من وزارة التربية

السلام عليكم بنات

انا مدرسة رياضيات ماصار لي سنه بالتدريس
و خريجة كلية العلوم و حدي زهقانه و بنتقل من وزارة التربية إلى أي وزارة ثانيه

بس حبت أسأل في وحده عندها فكرة عن طريقة التقل او الطلبات ؟
لاني كلمت ادارة المدرسة و المنطقة التعليمية و محد فادني بشي و قالولي لازم اراجع الوزارة
و الصراحه ماودي اروح هناك و ارجع بدون فايدة
لأني كل مره اراجعهم بشي محد يساعدني لا لهم خلق كل واحد يقطج عالثاني

بليييييييز بنات إلي عندها فكرة عن هالموضوع تقولي ؟؟

الله ايسر امرج وتنتقلين
بس اللي خابرته ان اللي تخصص تربية صعبة تنقل
موفقة

هلا أختي رياح الشيشان أنا تخصصي إحصاء مو تربية
وأقدر أحول عادي بدون مشاكل بس بعرف الطريقة
و مشكوره على مرورج

ما ألومج اذا بتنحاشين كل الى اطلعو من التربية يقولون انا حياتهم تغيرت 180 درجة والنفسية تعدلت وراااااااااااحة بال و ما يشيلون هم مثل التدريس , انشالله نقلتج تكون سهلة لان شهادتج مو تربية الى شهادتهم تربية متوهقين ما اطول عليج اذا عندج واسطة تيبين كتاب من الوزارة الى تبينها لا مانع انا يبونج بعدين يسوون كتاب حق التربية طلب نقل خدمات واهني يبيلج واسطة قوية عشان يوقعون لا مانع واخلاء الطرف واذا ما عندج واسطة بالمرة ما لج غير الاستقاله وتقدمين على الديوان بس لاتحطين برغباتج تربية و ما يقطونج بالتربية لان شهادتج علوم وصلي استخارة وفكري عدل وشوري اهلج وشوفي شنو الاحسن , موفقة