|
|
هذي اول مشاركة لي معاكم وطلبتكم لاتبخلون علي في الاجابة
عندي بنتين تؤام في الصف السابع كل سنة تقديرهم جيد جدا
والمدرسات يحبونهم والكل يشهد لهم في ترتيب وأخلاق
لكن هذي السنة مادري شصار لهم وحدة 4 مواد ضعيفة والثانية مادتين
ولاانا قادرة عليهم ما يتحملون مني كلمة مادري شنو صار نفسيتهم تغيرت
وبسرعة يزعلون ويبكون الوحدة تمسك الكتاب ساعة ماتفهم شي حطينا مدرسات خصوصي راحت الفلوس
كلها على المدرسين ولا ينفع مثل الماي بالملح
تكفون طا لبتكم وشلون طريقة التدريس مع اعيالكم ذبحني ابوهم كلة يحط الوم علي
وتعبت مع بناتي لاتبخلون علي انطر الرد
جعلة اللة في ميزان حسناتكم
بعدين بالنسبة للدراسة انا بعد عندى ولدى بالصف الثامن وهمن مثل بناتج صاير عصبى ويتنرفز بسرعة وبس يبى يصارخ ويدور المشاكل لكن هذا شى طبيعى فى هذا السن لكن انتى اخذى الامور بهداوة وريلاكس وكل شى يبونة قولى لهم حاضر وطنشى اذا كان شى انتى مو راضية فية وامشى معاهم بالحيلة ولا تجبرينهم على شى خلى كل شى بالمحايل وصدقينى راح تاخذين منهم كل اللى تبين من غير ما يحسون والله يعينى ويعينج على التربية
والدراسه يبيلها مجابل يوم بيوم
بس يخلصون الواجبات يبدون يحضرون دروس باجر
التحضير يساعد الطلبه وايد حق المشاركه بالصف وفهم الماده
ويحاولون يدرسون حق الامتحانات قبل بوقت مو نفس اليوم علشان يستوعبون المعلومات
وقت الدراسه خلج حواليهم حق اي سؤال استفسار
وعسى الله يوفق كل حبايبنا
انتو مع المدرس الخصوصي راح تعلمون عيالكم على الاتكاليه واذا كثرتو من المدرس الخصوصي راح
يتعودون مايعرفون يدرسون الا بمدرس حتى لو الابله زينه وتشرح عدل
وبتعلمون اذا صارلتلهم اي مشكله ما يصلحون المشكله علطول يدورون البديل
وبيتعلمون مايعتمدون على نفسهم كلا على الغير
انا ابله ويبين في الصف اللي حاطه مدرس واللي تدرس بروحها واللي امها تدرسها من طريقة الحل من اسلوبها بالحل
دايما اللي حاطه مدرس حتى لو تنجح ماتتفوفق بالماده حدها جيد ولا جيدجدا
بالنسبه لطريقة التدريس
_ اول شي نظمي وقتهم
_ وافضل يدرسون عقب مايقعدون من نومة العصر
حتى تركيزهم يكون نشيط وfresh
_وخليهم يبدون يدرسون المادة العصبه لي الاسهل يعني يبدوب بالمادة الاصعب تتدرج لي الاسهل
لان تركيزهم عقب النوم نشيط وعلشان مع الوقت بيتعبون وبتظل عآخر شي المادة السهل ومايتعثرون معاه
_اذا تعبو من الدراسه او المادة اللي يدرسونا كانت ثقيله عليهم خليهم ياخذون بريك حتى لو دقايق
_ديريبالج على اكلهم وخليه يكون صحي عطيهم وقت الدراسه عصاير مثل البرتقال كوكتيل
_خلي العشا اكل صحي مفيد فيه كل العناصر الغذائيه
مثل شوربا مادام الجو بارد سلطات اجبان استيك سوتيه … هالسوالف
_ولا تعطينهم نسكافيه وموكا وقهوه هالسوالف لانها منبهات يسهرهم
والصبح بيداومون واهما موشبعانين نوم وما رح يقدرون يركزون بالمدرسه ومالهم خلق يدرسون ويشاركون في الصف
لاني ابلة درياضيات بقولج شلون ندرس رياضيات
اول شي تبطل الكتاب
اذا في قانون تفهمه لا تحفظ ممنوع الحفظ في الرياضيات اذا بتحفظ بتنسى
تقرا السؤال عدل مر مرتين وتفهم وتعرف شنو المطلوب بالمسأله اهم شي تعرف المطلوب وتفهم السؤال
بعدين تغطي الحل تحط ورقة او دفتر وتحل المسأله بروحها من غير ماتطالعها
بعدين تجيك على الحل اذا صح
تنتقل للمسأله الثانيه
اذا غلط تشوف الغلط وين وتفهم روحها ليش هالخطوه انحلت بهالطريقه وليش غلطت
علشان بالامتحان ما تكررر الغلط
بعدين ترد تحلها مره ثانيه لحد ماتحلها حتى لو تحلها عشر مرات المهم تحلها صح بدون ماتطالع الحل
الله يوفق عيالكم
|
المشاركة الأصلية كتبت بواسطة النمساويه
 حبيبتى بناتج فى سن المراهقة واذا ما بلغوا فراح يبلغون فى الايام القادمة فاشرحيلهم امور الدورة واشلون يستعدون لها هذا اول شى
بعدين بالنسبة للدراسة انا بعد عندى ولدى بالصف الثامن وهمن مثل بناتج صاير عصبى ويتنرفز بسرعة وبس يبى يصارخ ويدور المشاكل لكن هذا شى طبيعى فى هذا السن لكن انتى اخذى الامور بهداوة وريلاكس وكل شى يبونة قولى لهم حاضر وطنشى اذا كان شى انتى مو راضية فية وامشى معاهم بالحيلة ولا تجبرينهم على شى خلى كل شى بالمحايل وصدقينى راح تاخذين منهم كل اللى تبين من غير ما يحسون والله يعينى ويعينج على التربية |
تسلمين حبيبتي على ردك امشي معاهم بالحيلة لكن ماينسون يحنون (الله يعيننا على التربية)
|
المشاركة الأصلية كتبت بواسطة السنعة2
هالعمر وايد صعب بدو يكبرون عامليهم على انهم كبار ويفهمون مصلحتهم
والدراسه يبيلها مجابل يوم بيوم بس يخلصون الواجبات يبدون يحضرون دروس باجر التحضير يساعد الطلبه وايد حق المشاركه بالصف وفهم الماده ويحاولون يدرسون حق الامتحانات قبل بوقت مو نفس اليوم علشان يستوعبون المعلومات |
مشكورة حياتي على المرور صج كلامج ها العمر وايدصعب اذا طلبتهم يدرسون قالوا خلصنا
درس خلصنا تحضير وهم لاخلصوا ولاشي طاقينها سوالف ونجرة
الله يكون بالعووون
يعطيج العافية يا ابلة على الطريقة
حتى بنتي استانست تقول صج يمة حلوة الطريقة
تسلمين ياقلبي
|
المشاركة الأصلية كتبت بواسطة (كويتيه عسل)
والله نصيحه المدرس الخصوصي يزيد المشكله ما يصلحها
انتو مع المدرس الخصوصي راح تعلمون عيالكم على الاتكاليه واذا كثرتو من المدرس الخصوصي راح يتعودون مايعرفون يدرسون الا بمدرس حتى لو الابله زينه وتشرح عدل وبتعلمون اذا صارلتلهم اي مشكله ما يصلحون المشكله علطول يدورون البديل وبيتعلمون مايعتمدون على نفسهم كلا على الغير انا ابله ويبين في الصف اللي حاطه مدرس واللي تدرس بروحها واللي امها تدرسها من طريقة الحل من اسلوبها بالحل دايما اللي حاطه مدرس حتى لو تنجح ماتتفوفق بالماده حدها جيد ولا جيدجدا بالنسبه لطريقة التدريس _ اول شي نظمي وقتهم _ وافضل يدرسون عقب مايقعدون من نومة العصر حتى تركيزهم يكون نشيط وfresh _وخليهم يبدون يدرسون المادة العصبه لي الاسهل يعني يبدوب بالمادة الاصعب تتدرج لي الاسهل لان تركيزهم عقب النوم نشيط وعلشان مع الوقت بيتعبون وبتظل عآخر شي المادة السهل ومايتعثرون معاه _اذا تعبو من الدراسه او المادة اللي يدرسونا كانت ثقيله عليهم خليهم ياخذون بريك حتى لو دقايق _ديريبالج على اكلهم وخليه يكون صحي عطيهم وقت الدراسه عصاير مثل البرتقال كوكتيل _خلي العشا اكل صحي مفيد فيه كل العناصر الغذائيه مثل شوربا مادام الجو بارد سلطات اجبان استيك سوتيه … هالسوالف _ولا تعطينهم نسكافيه وموكا وقهوه هالسوالف لانها منبهات يسهرهم والصبح بيداومون واهما موشبعانين نوم وما رح يقدرون يركزون بالمدرسه ومالهم خلق يدرسون ويشاركون في الصف لاني ابلة درياضيات بقولج شلون ندرس رياضيات اول شي تبطل الكتاب اذا في قانون تفهمه لا تحفظ ممنوع الحفظ في الرياضيات اذا بتحفظ بتنسى تقرا السؤال عدل مر مرتين وتفهم وتعرف شنو المطلوب بالمسأله اهم شي تعرف المطلوب وتفهم السؤال بعدين تغطي الحل تحط ورقة او دفتر وتحل المسأله بروحها من غير ماتطالعها بعدين تجيك على الحل اذا صح تنتقل للمسأله الثانيه اذا غلط تشوف الغلط وين وتفهم روحها ليش هالخطوه انحلت بهالطريقه وليش غلطت علشان بالامتحان ما تكررر الغلط بعدين ترد تحلها مره ثانيه لحد ماتحلها حتى لو تحلها عشر مرات المهم تحلها صح بدون ماتطالع الحل الله يوفق عيالكم |
جزاج الله ألف خير وفي ميزان أعمالج وياليت تزيدين النصايح وسامحينا