|
|
السلام عليكم..اخواتي العزيزات الي دايم تساعدوني وماتقصرون معي الله يوفقكم جميع انشالله
بنات انا حيل متضايقه وابي اشكي وافضفض يمكن القى وحده مثلكم تعاني من الشي هذا مثلي
ابي اشكي للاسف من اختي الي اكبر مني بسنتين
اختي احبها وهي تحبني ومابينا مشاكل بس المشله الوحيده انها تحب نفسها وايد
لدرجة اذا كنت محتاجه لها تطنشني كذا مره سوتها فيني وانا ازعل واتضايق واصارحها بس مافيه فايده اهم شي بحايتها نفسها وولدها وزوجها
والله يابنات انها اذا طلبتني اي حاجه حتى لوغاليه ماعمري رفضت والمصيبه ماترجعها لي واسكت
وولدها كل يوم تخليه عندي اذا داومت ولااقول شي هذا وانا متزوجه وزوجي يبي غدا وبيتي يبيله تنظيف بس مستحيل اقولها شي لانها اختي ومالها غيري
المهم امس تهاوشت معاها هوشه كبيره وتافهه في نفس الوقت…. بس مره اثرت فيني
تلاقيت انا وياها امس بعزيمه وكنت كاشخه ورجعت معي البيت وسهرنا سوا
قالت لبسج روووعه ابيه الاسبوع هذا عشان عندي مناسبه
قلت لها وانا بعد ابيه بس ماعليج بعطيج ياه
تخيلوااااااااااااااا شنو قالت لي
قالت انتي دايم اطلبج وماتعطيني واذا عطيتني من غير نفس وانا نص اغراضي عندج وانا ماقولج شي
بنات عصبت عصبت وولعت
قلت كل هذا وتقولين ماعطيج((((( وطلعت كل شي بخااااااااااااااااااااااااااااااطري عنهااااااااااااا))))
بعدها راحت وهي متضايقه مني واليوم مايابت ولدها لي ولا كلمتني
بنات ايش اسوي معاها انا غلطت والا لا؟؟؟؟؟؟؟؟
تنصحوني ارسلها رساله اقول فيها>>>>> خلي ولدج يجيني بوكره لاني مشتاقه له
والا احقرها يومين عشان تحس بالي تسويه معاي.. وتحس بقيمتي
مبين حيل شايله عليهاا
تراها أختج وليش تجمعين بقلبج عليها
صرااحه مالومها ماجابت ولدها اكيد عايرتيها بهالشي
ياليت عندي اخت كبيرة او كبري 
تراا بهالزمن مالج الا اختج وامج نصييييييييييييييحه لاتخلين الشيطان يكبرها بينكم الحين دقي عليهاااا وتصالحووا انتواا خواات
ولاتجمعين بقلبج عليها انتي واختج واحد
وصدقيني السالفه ماتسوى
دزيلها المسج وقوليلها انا مشتاقه لولدج مو لج لووووووووول
وبيطيح الحطب عادي
وموفقه خير حبيبيتي
وهذي اختج وان شااء الله الله لايفرقكم عن بعض والشيطان شاطر يبي يخرب مابينكم
يمكن هي غلطت معاج بس انتي فهمتيها غلطها شنو والحين خلص طاح الحطب
كلميها تجيب ولدهااا وان كان هذي اختج من لحمج ودمج
روحي لها وتفاهمي معاها وقولي لها لوما اهي غاليه عليج ما ييتيها
وقولي لها اللي بخاطرج بدون هواش
والله يهديكم
وانا فعلا دزيت لها مسج وان شالله..بس ماعبرتني
يالله اهم شي ارتحت
تلقينها بخاطرها ودها ترد عليج بس للحين ابليس الله ينعله قاعد يلعب بافكارها
ترى مافي احسن من الاخت بهالزمن …
والله يخليكم لبعض
واعذريها اكيد الماده عندها مو شي وانتي احسن منهاا بشي عشاان جذي تسلف منج من اغرااض
ويكفي انكم خوات ترا الامر مايستاهل خير شر
والله يهديكم لبعض يارب
واضح انج كنتي مضغوطه وعقستي الدنيا الله يهديج
عموما خليها يومين جذي لين تهدى الامور عقب طرشيلها مسج قوليلها هاتي ولدج باجر ولهت عليه
اذا تقدرين اتحملين يومين بس اذا ماتقدرين دزي من الحين
انا عن نفسي ماصبر عن اختي دقيقه وحده
الله لا يحرمني منها ان شاءالله
نصيحة راضيها ومو زين تجمعين وتشيلين على اختج
ترا اعيد مالج الا اختج اذا شدت عليج الدنيا ,,