|
|
دعواتكم حق ولدي بالشفاء وانشاللله اتم العمليه بنجاح من غير مضاعفات 
يالله ياكريم
بالبدايه اكتشفت دكتورتي وانا حامل بولدي انه فيه ضيق بالحالب بالكليه اليمين (عيب خلقي) والحمدالله على كل حال ولما انولد مع الاشعه والسونار ثبت هالشي وعطووه كل ثلاث اشهر متابعه على امل انه هالضيق يتوسع بس مرت سنه ولا اكو نتيجه فقرر الدكتور يسوي له عمليه اهني بالكويت بس ريلي قال بياخذ اوراقه بره يخاف يلعبون بحسبة الياهل اهني وخصوصا عمره سنه وشهرين
الي عنده خبره بهالموضوع او تعرفون اي احد مسويها ارجوكم افيدوني ودعواتكم عسى الله يفرجها ومشكورين
بس دعواتي لولدج انه تتم عمليته بنجاح
وعسى ربي يشفيه وتفرحين فيه
وتشوفينه معرس يارب
إن شاء الله العملية سهله ..
والله حبيت أفيدج بس مأأعندي خبره حبوبه ..
الله يعينجـ ,,
تطمني فديتجـ هالعمليأأت موخطره .. لو خطره جأأن مأأسووهأأ وخأصه أهو بهالعمر ..
لأأزم تكون مضمونه نفس طقة عمليأأت التجميل ..
لأأتخلينـ أي دكتور يسويله .. سئلي قبل
وربي قلبي معأأج .. قوليلنأأ شصير ,,
..
تقبلي مروريـّ~ * . *
ماقصرتو كافي دعواتكم وردكم يجزاكم الله خيرر
الافضل تستشيرين اكثر من طبيب
روحى لاكثر من طبيب متخصص واستشيريه دكتور كامل الرشيد عيادته بالجابريه وااايد زين ودكتور خليل العوضى
ماادرى وين عيادته بس كانت اول بمجمع الاطباء بحولى وراء ريبلا وكلهم استشاريين متخصصين ,,
وان امكن دزوا تقاريره بره عن طريق اى مكتب وراح يردون عليك بكل الاحتمالات والاسعار وشوفوا المانيا
وشوفوا رائيهم !! والله يشافى ويحفظ لكم
بنت عمى مسويتها
وكنت مثلج ميته خوف عليه وبغيت اوديه بره اعالجه ,وخصوصا انه كان عمره شهرين
وبفظل رب العالمين سويتها بالكويت بعد ماطمنوني ان هالنوع من العمليات تتسوا عادي
عندنا وفعلا لما دخلت ولدي المستشفى لقيت نص الجناح نفس حاله ولدي(زراعه حالب)!
والحمد لله نجحت العمليه …….. بس للامانه قالولي انه في بعض الحالات تستجيب للعلاج
وفي حالات لا … وكان اسم الدكتور سليمان البدر …. الله يسهل امورج
لقيت موضوعج و انا ادور بالقوقل ولدي نفس الحالة
شنو صار على ولدج وو ين سويتي العملية هني و لا برا
و العملية سهلة ولا صعبة و منو سواها لج
يآحي يآقيوم ، يآذآ الجلآل وآلآكرآم ، آسآلك بآسمك آلآعظم آلمبآرك آتشفي آبنهآ
وتفرج همهآ يآشآفي يآمعآفي ، لك آلحمد ولك آلشكر ، آنك علىآ كل شيء قدير ،
يآحي يآقيوم يآذآ الجلآل وآلآكرام ، اسآلك بآسمك آلآعظم المبآرك آن
تشفي آبنهآ ، وتفرج همهآ ، وآلحمدلله علىآ كل حآآآآآل ،،
امي عندها نفس المشكله ضيق بالحالب وصار جنه مسدود فقرروا الاطباء انه يسووون لها عمليه قطع الجزء المسدود او الضيق في الحالب وتركيب جزء يقصوونه من الامعاء الغليظه وراح يخلوونه للابد … فخاايفه وايد …
والمشكله التانيه انه امي عندها بعد فتحه في أعلى الحالب يتسرب منه البول ففي نفس العمليه بعد مايخيطون الجزء اللي من الامعاء على الحالب راح يركبون دعامه من الكلى مرورا بالحالب الي المثانه هاي الدعامه بتم فتره ثلاث شهور لين تتسكر الفتحه اللي في اعلى الحالب …
دعواتكم خواتي انه عمليتها تنجح حددوا يوم الاحد العمليه ….
فسؤالي هاالعمليه هذي سويتها بالكويت لاني مضطره اسوي حق امي بالدوحه قاعده احاول اوديها الهند بس الكل يقولي انها عمليه سهله ويسونها بالخليج … والله اني خايفه ومتوتره وايد ….