|
|
اضغط هنا
مرحبا حبيباتي
الدوام قريب وضميري يأنبني
مابقا لدوامي الا اسبووعين واداوم من بعد اجازة امومه ست شهور حاولت اجيب خدامه بس ماجتني وشكلها مطوله سالفتي المهم انا ساكنه مع حمولتي وكل اللي بالبيت دوام ماكو الا خدامتين وحده تنظيف ووحده طبخ وانا ما إعتمدت عليهم بشي من ناحية بنتي وعمتي طيبوبه بس تنام الصبح مو معقوله كل يوم بقعدها الساعه ست عشان اخليها بس تشرف على بنتي ووحده من الخدمات تمسكها لان استحي منها وما احب اطلب منها وحتى لو بقول هم ماراح ارتاح لان انا قايمه ابنتي ومحد يعرف لها غيري لان ماعتمدت على احد مشكلتي بنات وابي بس تعطوني فكره او طريقه اروح فيها لدوام وانا مطمنه ببدا بسالفتي<—– كل هذا ومابديتي .gif "Eh S(6)")
اسمعوني احس اني ببجي 
وانا اكتب لابدا دوامي شسوي ابنتي اخاف الحفاظه ماتغير لها بوقتها اخاف تكون الحليبه مسويتها وتشربها بارده اخاف اتهز بالكرسي حيل بس عشان تسكت اخاف تصرخ عليها مو هذي مو امها عشان تحن عليها انا اقصد الخدم ولاعمتي ماتحجيت عنها عشان ماتاكلوني المهم بكمل لاتقولون حطيها بحظانه اخاف تفكر عمتي بشي وتقول هالخدم وانا وقاطتها بحظانه وثاني شي مالي خلق كل صبح البسها واكشخها وهي مالها خلق واشيل قشها واوديها الحظانه ..
والطامه الكبرى لما ارد من الدوام اكيد بنام من التعب بس اكيد بيقولون امها ردت تمسكها واانا وين وهي وين
بنات بسألكم شسوي فرجو همي والله احس اني شايله همها ليل نهار
والمشكله الاكبر بعد وابي كل ام ترد علي وخاصتن الموظفه اشلون تهتمين بعيالج 
وانتي عندج دوام يعني تروحين اصبح تردين الظهر تنامين من التعب وتقعدين المغرب مالج خلق منهد حيلج اشلون يحس الجاهل بإمه احس اني راح اظلمها ماتشوفني نص يوم من بعد ماتشوفني يومين وكل وقت..انتم شتسووين انا اللي خلاني اقول جذي شفت ولد اخوي امه مدرسته تقوم الصبح وترد الظهر وتنام وتقعد تحضر طول الوقت والجاهل مع الخدامه كسر خاطري يبجي تشيله يجوع توكله يتضايق تضحكه واانا لاشفته جذي اخنقتني العبره وتذكرت بنتي لان بنتي متعوده علي وبنتي عصبيه محد يعرف لها غيري ونفسيتها خايسه وماتحب شي وكله تبجي والله محد يصبر عليها من عصبيتها
هذي مشكلتي شسوي يابخت اللى تريح قلبي وترد علي برد يبرد القلب والله ما انسى لها فزعتها
وشكرا 
والظهر اجي تعبانة وانام لاني اسهر عليها
واللة هذا حال الدنيا والاغلبية جذي
ولاتحاتين حطي كميرات اذا جبتي خدامة وخلاص
اول شي المفروض انج جايبه خدامه ومعلمتها على بنتج وطريقتج في تلبيسها وتنويمها وكل شي يخصها
ثاني شي عادي خليها عند خامة عمتج ووصي عمتج عليها وخلي اسلوبج حلو مع الخدامه واهديها عشان تستانس وتدير بالها على بنتج ومع الوقت لما تردين من الدوام راح تعرفين اذا الخدامه زينه واللا لا من نظافة بنتج واهتمامها فيها
وانتي اذا رديتي اخذي بنج ونوميها وياج الظهر ومو شرط تنامين للمغرب اذا صحت قومي معها
ووسوي شغلج وهي قاعده يمج اتوقه عمرها 6 شهور تلهى اذا حطيتي لها العاب
واتمنى اني فدتج بهالموضوع وسلامتج
حبوبة الله يعينج و يمكن هالافكار اتساعدج
قطيها عند اهلج امج اختج خالتج اي احد اقريب منج
او وديها حضانه في وايد يستقبلون من 6 اشهر و افيد لها
او اتيبين خدامة مؤقته ارفيجتي كانت حاطة وحده تمسك اعيالها ليما اترد من الدوام بعدين اتروح بس سافرت الحين و قامت اتقط واحد عند امها و واحد بالحضانه
الله يعينج ووفقج
انا اول ماولدت الصراحه قلبي كان يعورني وماكنت اخلي خدامتي تمسكها كلش بس تغسل ملابسها بعدين امي زفتني لمن كنت بالاربعيين قالتلي اذا ماعودتي الياهل عالخدامه الحين متى بتعودينها قبل لاداومين باسبوع
يا انج تاخذين وحده من خدم خالتج بشكل مؤقت وتعلمينها عالبنية على ماتييبين خدامه
او انج تيبيين خدامه مسترجعه ونفس الشي تعلمينها عالبنيه (بس ما انصحج بالمسترجعه لاني ماحبهم)
وطبعا الخدم يقعدون تحت عند خالتج عشان تطمنين عليها والتلفون يكون يمهم وكل شغل البنيه يمهم
او انج ادخلينها حضانة ولاتحاتين ما اتوقع خالتج تقول شي
ونصيحة اول ماتييلج خدامه حاولي تاخذين اجازة وتعلمينها على بنتج عشان ترتاحين شوي وانتي بالدوام
انتي الحين حطيها مؤقت عند خالتج وعلمي خدامه البيت ع تبديل البمبرز والحليب بس مؤقت لحد ماتجي خدامتج واذا جيتي من الدوام اخذي بنتج ونوميها عندج واذا قعدتي ضبطي لج جو يعني تقهوي ولامور كلها سهلات هي بس بالبدايه تعب وبعدها تتعودين ياقلبي
و كل شوي دقي تطمني عليها
بس انا احب اقوولج توكلي ع رب العباد و ان شاء الله ماكو الا الخير انا نفسج دوام بس انا غير انا طالبة بكلية مرات اخذ مواد لي الساعة 5 تخيلي!!!
يعني اداوم من 6 و نص اطلع من البيت عشان الزحمة و ارد البيت 5 و نص يعني تقريبا11 ساعة و انا برا البيت بس شسوي هذا كله عشان بنتي و اذا كان خاطرها بشي و الا شي بااجر اقدر اشتريه من فلووسي
مع ذلك انا ناوية ان شاء الله اذا تخرجت اقعد عند بنتي و ما اتوظف لان اهم ما علي بنتي
اقوولج شي خلي خالتج تقعد من النوم مو معقولة تنام الصبح كلللللللللللللللله اذا ما تقعد عشان البنوتة تقعد عشان منو؟؟
والخدم راح تلوع جبدهم يوم يومين ليه متى يجاملونج
محد يتحمل عيال غيره
مافيها شي تودينها حضانه وخالتج المفروض تتفهم لانه انتى تقولين انها تنام الصبح
حضانه وبس
وليش تقوم الصبح تكشخينها
الحضانه لهم لبس موحد يونيفورم
واذا تحت السنه وعمرها بالاشهر تودينها بجامتها
يعنى مايحتاج تقومينها
من نومها
ولما ترجعين خلى وحده من الخدم تمسكها وانتى ارتاحي ليه 6 مثلا
او انج تنومينها معاج
وترى فتره وتعدي من يصير عمرها سنه يتعدل نومها
انشالله
وسهالات
انا اروح الجامعة ولدي عند خالتي ام ريلي ومارد من الجامعة الا بحدود الساعة 5 او 3 العصر والله قلبي يعورني شلون اخلي ولدي طول هالفترة ..
نفس حالتج..