ضـــــــايق خلـقي

سيــــدة بدرعم عنـدكم .. ابـــي افضـفض ولا بمــــــوت من الضيــــج
قبل كنت اتــــــــونس بالتجمـــــــع الي شالووووه ..

مــــــافي حد اكلـمه .. ومـافي حد اقـعد معـــــاه.. لا بيتــــــنا.. ولا اهل
زوج.. وزوجـــــــي لااتصــلت فيــــــه .. يــا مــــــايرد او يكلــمني دقيقة
ويسكــــر.. احــس نفـــسي تـــايهة .. كرهت العيـــــشة جذي يـــا تنظيف
يــا اعابل ببنـــــتي.. او راقدة .. ولا يى من الدواام همه يدور الوقت الي
ينزل فيه مع بيتـهم .. مـــــع ان انــــــا موب نكــــدية .. اتعطـــــر واتزيـــــن
له .. المكـان نظيــــــف احـاول الطف لــه الجو .. وفوق هذا احســــه
موب حاب القعدة معاي احسـه يجـامل.. حتى كلمة احبج مااحسها من قلبـــــه
وغيــــر هذا..
مـــادري اشك فيــــــه ولا لا.. بيـــــــن فترة وفتـــــرة اشـوف فيــــــه مضة
مــا بوس.. في امـكان غلط يا ارقبته او صدره .. واهـو راجـع من الدواام ..
امــس رابع مرة اشـــــوف فيـــــــه .. ويحــلف لي مايدري من شــــنو يقول
يمـكن فرصة من صبي..
انــــا موب داخل مخــــي.. احـس بشــــــي موترني.. ضـــــايج خلـــقي..
مو عارفة كوعي من بـوعي .. لــــم اتصـل فيـــــه اشـوف انتـظار ويطـول في المكالمة
انـا ريلي ما يحب يطـول تلفـــــون.. انــــــا عنـــدي رقـــمه القبــــلي..
وفــــي رقـــم كـــل يسوون رنـــــات او يطرشــــون مسجــــات فيـها
ارقــام موبايلات .. يقـول لي هذي خدامة من زمـــــان مـاخذة ارقـــــام
ربـعه كلـهم من تلـفون واحد وتســــوي لهــم رنــــات..

خـــــاصة انــه اعترف لي ان عنــتده مـــاضي اسود..الصـــــراحة نفسيـــــتي
تعبـــانة .. والدورة مـادري اشفــــيها يومين وانقطــــعت..الم بس مـافيدم
مــع ان انا مهتمة بنفســــي .. سفوف وشاي اعشاب واتدفـى..

احـس نفسي مخـــــنوقة يابنات .. الاستغفار يوميا استغفر.. احس نفسي ابي
اتراجـع عن حياتي كلــــها ابي انسحــــب.. ضــــاقت فيني الدنــــيا ابي ارجع
عزوبية .. ابـــــي احس براحة قبل.. احس نفسي بستخف.. مــــــاعندي سيــــارة
اطلع .. ريلي من 6 الى 6 في الدوام .. مـــــاما ماتقعد في البيت .. كل مشاغل
وتدرس.. ومــــا عندي خوات فاضيين كلن ودواماتهم .. انــــا مااقدر اشتغل بنتي
محد بيودها.. ربعي يدرسون موب فاضيين .. الوحـــــدة كريــــــهة .. بس لو ريلي يحس فيني
كــانت نفسيتي احسن .. دااايما لو يقعد معاي باله موب معاي دايما شارد ويفكر..
مادري بشنو .. من تزوجت وانا عذااااااااب نفسي.. اخ بس ابي حـــــــل حتى
هواااايااااتي مع كثرها مليييييت منها ابي ناس ابي اتكلم .. حتى صوتي يبوح من كثر
ماان ماحد وياي .. اكلـمه.. مليت من الوحـــدة ابي حد يحس فيني .. حد يحبني صج
لا قعد معاي يحب يسمعــــــني.. موب يقول لي تكلمي ولا تكلمت اتكلم بروحي ..
حتى مايدري شقووووووول.. تعــــــبت .. تعبـــــــــت والله العظـــــيم ..
استغــفر اللــــه العظيـم واتـوب اليــــــــه..استغفـــــر اللـه العظيـم واتوب اليه
ولو مـا فهمتــــو شي يــا بنـــــــات حبيت اتكــــلم وحد يسمعــــني ويمــــــكن
يفهمــــني حد .. ويفهـــــم احتيـــــاجــــاتي..

تعوذي من ابليس ..واذكري الله ..

المره الشاطره هي اللي تعرف شلون تسحب زوجها من اي وحده وترده البيت بارادته مو غصب عنه ..

مدام هو عنده علاقات مو يعني ان فيج شي غلط لا يمكن طبعه غلطتج او غلطة كل البنات ان بس يخون الزوج اوووف شنو فيني مو مقصره ..

ويبين عليها احساس انعدام ثقه اهني زوج بس خلاص لقيتها والعب فيها لعب … لا خلج قويه قولي لنفسج دايم انا قويه انا حلوه انا مافي مني ..

زوجي يسوي هسوالف مو عشان ناقصني شي لاعشان طبعه او يحب يجرب ..

اشغلي نفسج عنه لاتراقبينه ..دوريلج شي لابد في مخرج ان تطلعين تشتركين بدورات او حتي بالنت اقري كتب ..

تقربي من ربج مالج الا الله ..

وااى الله يعينج اختي
الله يكون بعونج ان شاء الله ويفرجها عليييج

بعد كل كرب فرج بأذن الله

تزوجــــــت وعمــري 17 سنة .. والحـــــين صـار لي
3 سنين .. صـار عمري 20 سنة وانا ما حسيت بعمري..
بكرا ادخل 40 وانا على نفس الحاااااال

تــــســــلــــــمون حبيبـــــاتي .. لقيت لي حد يسمعـني على الاقل

ضـاق الخـــــلق ومـحد حـس او درى ..
بكـرة اللـه يـاخذ من عمــري مـــــا
بقــــى..لا حـد بيفـقدنــــي لا عمــــري
قضــى ..

حبيبتي لاتظنين انتي بروحج تعانين من هالشي
صدقيني ملايين البنات نفسج بس الكل ساكت
ولو شفتي حواليج تلقين نفسج بالضبط او انتي احسن منهم
حبيبتي اشغلي نفسج سوالف مع رفيجات ماسنجر فون اطلعي اشتغلي جيبي خدامه تساعدج
احمدي ربج ع الاقل عندج بنت ماشاء الله تتسلين معاها غيرج لازوج ولا ضنا ولا اهل
والله حياتج حلوة بس يبيلها تضيفيلها نكهات وانتي وشطارتج
وزوجج ادعي ان ربج يهديه صارحيه كلميه ابجي ع صدرة لا تقولين ماراح يهتم مافي انسان ماعنده احساس ممكن يكتم يطنش بس يحس وراح يرجع لج
بس يبيلج شوية صبر وجلسه مصارحه حلوة وبعدها راح ترتاحين بس اهم شي لا تياسين وحاولي ولوخذلج حاولي
وحنا كلنا صديقاتج فديتج

شقـــول لكــــم اصـــلا من الفراغ غصـــبا عـــلي.. افكر واحلل
انـــــا واثقة فيـــــــه.. لكن ..من شــــــنو هذا الي قاعدة اشــوفه
وليش يطول مكالمات واهو ما يطول.. اكثــــر الاوقات انتـظار لاتصلت له
.. ويطوووول.. غيــــر ان عنده جينـــز في السيــــارة ..
لا بغى يطلـــع يعني عنده ثياب .. لان ثياب دوامه شورت ..
الحين اتصــــل يقـول لي بتاخر.. اشلة يقـــــول عنده شغل واهو مو
من عوايده يخبي علي شي..

حاســــه فيــــج وربـــــــي

وكـــل هالمـــلل والقمتـــــــــه والشكوك اللـــي مو بمحــلها واللــي بتتعبيـــن نفسيــاً أكثـــر إذا تميتي على هالحال
وتدريـــن شنـــو سبب اللـــي إنتــي فيـــه؟:

الفـــــــــررااااااااااغ
– اللــي إنتـــي فيـــه-

وأتوقــع لو كنـــتي موظفــــه او طالبــــه مننتظمـــــه ماصار هالشعور المحبط معاج!

الحــــل:

إذا كنتـــي مؤهـــله للعمـــل طبقــاً لقوانيــن الدولــه:
قدمــــي بأي فــرص عمـــل وحاولـــي تلتحقين بأحد الوزارات أفضـــل لج, وبالنسبــه لبنتج- الله يحفظهـــا – مو مشكــله
لو غبتي عنها فترة دوامج – بوجود خادمـــه – حتى إتابعها, كحــال جميــــــــع الموظفـــات.

الــله يشــرج خاطرج,,,

حبيبتي انتي ولله حاسه فيييج يبه غيري روتينج لا تعلقين مصيرج على ريلج او اهلج شوفيلج صديقات جيران روحيلهم غيري جوو وبعدين ريلج لو عنده سوالف كيفه صدقيني الله بيحاسبه ودام انتي عنده كافي وتذكري مصيره بيخاف ربه لو عنده شي يعني ولاتخربين بيتج بالوسواس يمكن ماعنده شي وحتى لو عنده كسبيه صووبج واذا مافاد كيفه بس لاتحرين نفسج بتموتين ناقصه عمر ولله خليها على الله واستانسي بحياتج لا تنكدين على روحج بينيله انج مستانسه ومفرفشه

بسم الله عليج من ضيقة الصدر ……….. تعوذي من ابليس وانظري للجانب المشرق الحمد لله انتي بعافيه وبنوتج بخير عَنْ ابْنِ عَبَّاسٍ رَضِيَ اللَّهُ عَنْهُمَا قَالَ : قَالَ النَّبِيُّ صَلَّى اللَّهُ عَلَيْهِ وَسَلَّمَ : ((نِعْمَتَانِ مَغْبُونٌ فِيهِمَا كَثِيرٌ مِنْ النَّاسِ الصِّحَّةُ وَالْفَرَاغُ )) .( رواه البخاري )
فياحبيبتي استغلي فراغج بشي مفيد وأنا متأكده اللي منغص عليج الشك ياحلو المصارحه والله بترتاحين وتهدأ نفسج اخذي من زوجك موعد أشكره قوليله أبي منك موعد وبروحنا طلعي بمكان هادي تمشو أو أجروا شاليه ويك اند أو مزرعه من أهلكم أو مخيم ربعه محد بس انتي وهو وفضفضي كل اللي بقبلج ياحلاة الوضوح والصراحه لأن الوسواس يكدر العيشه وابليس يرررررردح بعقلج .
وصدقيني لي تطمنتي من ناحية الخيانه بتشوفين ريلج بعين ثانيه واذا في جدامج فرصه للدراسه أو الوظيفه لاتتأخرين والبنوته سجليها بحضانه تكونين متطمنه عليها أكثر من قعدتها مع الخادمه أو وديها عند خالتج مع خادمتها او اذا عندج حماة كبيره أو عمه شوفي حواليج مره كبيره من أهلكم تمونين عليها ولها رغبه تراقب بنتج .
واشغلي نفسج والأهم واللي دايم أنصح فيه مارسي الرياااااضه لو المشي ساعه باليوم سبحان الله الهرمونات السعيده ترتفع بالجسم مع ممارسة الرياضه , وربي يسعدج.

كفووو ووفوووا

عسالله يفرج همج ويسخرلج زوجج يااارب

عادي بس هاذا شي نفسي
اذا قلتي انا متظايقا راح تتظايقين
قلتي انا مهموما راح تحسين بهم
واذا قلتي انا مستانسا وحياتي احلا حياااه حياتج راح تتغر للاحسن وكلا مدحي نفسج بقلبج
وحسي كل شي علا كيفج
وحسي ان عندج كل شي
بتستانسين
وويهج راح يحلوووو
ونفسيتج تتغير
وبيتج بيصير حلوو وبتحببيناا
وزوجج راح تئثرين في ايجابيااا

فراشه جيكي على الحاص ورديلي ضروري ابنتساعد
ناطره ردج

الله يسخره لج