|
|
السلام عليكم ورحمة الله وبركاته
بنات انا صار لي يومين وانااحس بدوخه وصداع وكنت اقول ما كو شي ان شاء الله يمكن مال التعب والحمل ( شي عادي يعني )
المهم امس سوو علي حمله امي وريلي الا تروحين الطبيب وقمت بالغصب ورحت معاهم والا دكتوري الي اراجع عنده مسافر
بغيتها من الله قلت ارد البيت امي قالت لي امشي الولاده مؤقت لين ايي 
قلت لها اوكي وانا حاطه ببالي ان ما كو شي وان الي عندي ارهاق مثل كل مره
لما رحت وانا رايحه ولاااااااااااااايعه جبدي ماحب الحكومه
والا تقول لي الدكتوره ضغطج عالي 140 على 90
وانا هم متنحه مادري شالسالفه
المهم قالت لي سوي تحاليل سويتهم برا عشان الوقت لان تدرون التحاليل بالحكومه تاخذ وقت
ويوم يابو التحاليل
.gif "Eh S(2)")
قالت لي لازم دخول مستشفا انا عيوني جذي على طوووووووووووووووووول
قالت لها امي ليش
جان تقول ضغطها وايد عالي
امي قالت لها اوكي المهم جان اقول حق ريلي ما يدخلوني الا بعقد زواج امش نصور عقد الزواج وانرد لهم مشينا انا وريلي وامي
واتنحر قلت لهم ماااااااااااااااااادش مستشفا وامي وريلي من امس يخرعوني ويقولون لي سوالف بس انا ما بي اروح
ولي الحين مابي اروح
بس ابي الي مرت بالتجربه تقول لي شنو سوو لها المستشفا وانا اسويه بالبيت وافتك ماحب دخلة المستشفا
ادري طولت السالفه وهي قصيره بس مابي ادش المستشفا خصوصا الحكومه انا اساسا اخاف منهم من غير شي وماحبهم
تكفون ردو علي بأاقرب وقت
مابي اخرعج بس انبهج ع شان ضروري تروحين المستشفى
المضاعفات ارتفاع ضغط الدم اثناء الحمل
الدماغ : تسمم الحمل و نزيف في الدماغ
الشبكية: انفصال في الشبكية , نزف في الشبكية و احتباس سوائل في الشبكية
القلب: فشل أو قصور في القلب
الرئة: التهاب شعبي رئوي و خراج الرئة
الكبد: كدمه دموية تحت الغلاف المحيط بالكبد أو HELLP Syndrome
وتتميز تكسر في خلايا الدم وارتفاع في إنزيمات الكبد وقلة في عدد الصفائح الدموية
الكلى: فشل في الكلى و الغدة الكظرية
المعدة: قرحه
الرحم: نزيف
المشيمة: موت في المشيمة يؤدي إلى تأخر في نمو الجنين وقد يؤدي إلى وفاة الجنين
ولادة مبكرة
مضاعفات مستمرة كاستمرار الضغط المرتفع بعد الحمل
طبعا كل هذا اذا سكتي بس انتي لاااااااااااااااا تسكتين روحي المستشفى
مابي اضيق خلقج ضروري تدشين المستشفى
انا قبل اسبوعين كان ضغطي مرتفع وانا مدري عن نفسي كنت
رايحه العدان عشان مراجعتي بالمجلس الطبي وعلى طول سوولي
دخول مستشفى
تخيلي دخلوني جناح الولاده على طول وانا لاحظي كنت بالسادس
حطولي تخطيط وسونار وخلوني خمس ساعات تقريبا لين
مانزل ضغطي بعدين صعدوني الجناح تنومت ايام
عطوني ابرة الرئة حق البيبي لان الضغط يسوي ولاده مبكرة
وسوولي فخوصات عندهم وتكرمين يسوون تجميع للبول
لمده ساعه بعدين يحللونه يتأكدون من نسبة الزلال والبروتين
نصيحتي لج تروحين الضغط كلش موزين لالج ولا للبيبي
تحملي عاد قولي عشان البيبي كل شي يهون
تنومت 5ايام
ويسوون لج تجميع للبول لمدة 24 ساعه
هالشغلة تضر البيبي خافي عليييه
وماتشوفين شر ان شالله
والنتيجه لانى ما اهتميت ولدت باخر السادس قيصري
الياهل صار عنده نقص اكسجين نتيجه ارتفاع الضغط
حطوه بالحاضنه شهر ونص
الحين بنتى عمرها 3 سنين بس فيها نقص نمو يعنى حركاتها مو حركات اللى بعمرها
نقص الاكسجين اثر على عضلات ريولها ما كانت تمشى والحين كل يوم عند العلاج الطبيعي
عشان تمشى مثل اللى بعمرها
فنصيحه وقت الحمال لا تجازفين ابدا ابدا
وترى مستشفى الصباح وايد زينين انا باخر ولاده ولدت عندهم حولنى دكتورى اللى بالخاص لهم بعد ما شاف
حالتى قالى هناك احسن للبيبي من الخاص والله اهتموا فينى نفس الخاص ما حسيت باختلاف الا الكشخه
اذا تبين دكتور وايد زين يشرحلج كل شئ بامانه روحى الدكتور مدحت الشربينى بمستشفى الراشد
بعيد الشر الله لايقول ترا البيبي يموت مايتحمل الضغط
روحي حبيبتي لاتسكتين عله رووحج
مرت اخوي ارتفع ضغطها واهيا نايمة … حتى ماحسينا فيها الااااااااا والدم طالع من خشمها تخيلي وسيده طلبنا لها الاسعاف وعلى طول ولدوووها قيصري بس كانت بالثامن … والسبب الضغط كان مرتفع عندها
لاااااا اتجازفين بالبيبي لي ولدتى كيفج يرتفع ينزل على راحتج اهم شي البيبي لانه بذمتج الحين …
اذا انتي مو خايفه على نفسج خافي على اللي ابطنج