ضروري تشوفين هالموضوع 

السلام عليكم ورحمه الله وبركاته

كل عام وانتو بخير وعسى تكون السنه اليديده سنه خير وخاليه من المشاكل الاجتماعيه والدوليه والمنزليه

شوفو يا محفوظات السلامه

هالكلام الي بقوله اعتبروه مجرد فضفضه مني بما اني مشرفه القسم ومتابعته ،،

والي خلاني اكتب هالموضوع على قولت المثل

طفح الكيل /:

مو منكم لا والله حشى الي طفح كيلي بعض ردود وبعض رسايل وبعض نغزات

كل ما ادخل اشوف على الاقل من اربع الى سبع رسايل شكاوي او طلبات ،

اوكي من عيوني البي طلباتكم وهم الي اقدر عليه بسويه اما الشكاوي الي مقدور عليها بسويهاا

بس في كذا رساله تتشكى عن رد او موضوع وتقعد تحاسبني وتحسسني انه بينخصم من معاشي اذا ما كنت موجوده عشان احذف لها رد او اعدله

ترى احنا هم عندنا بيت وعيال ومشاغل ومو كل وقتنا بالنت .، اذا ما تواجدنا اعذرونا مو سيده وينهم وشحقه ولون ما لون :/

خلو هذاا

بتكلم عن موضوع مثلاا وحده حطت موضوع شوي جريء وتبي حل

في عضوات ربي يجزاهم خير ينصحون وفي لااا !

يشككون بالعضوه ويكتبون رد يغث البنت او يشككون بموضوعها ويطلعونها ولد والي يقرون ردها سيده يأيدونهاا !!

اوكي انتي تشوفين المشكله تافهه وسخيفه او جريئه بس اهي تشوفها عويصه ومأزمتهاا وتبي حل

في بنات الله يعلم بحالهم ويبون حلول وحالتهم تعبانه تيين انتي بردج تعبينها زياده !!

انتي مرتاحه بحياتج وتعرفين تتحكمين فيها مو كل الناس مثلج ولا مثل طبعج وبعد ترى والله المنتدى اسلامي والبنات عقولهم بمخهم يعرفون الدين والاسلام ،،، تيي عضوه تكتب رد محتواه بعيد عن الموضوع وتحط فيه فتوى وايات وحديث ومادري شنو تحسس انه البنت كافره او اجنبيه :/ اوكي كتبي ماقلنا شي بس بشي عن الموضوع مو عن صورتها ولا توقيعها ولا شي ثاني وهم ارد واقول جزاج ربي خير عالتذكير بس بسلوب حلو او برساله خاصه لها

يااا اختي النت والمنتدى والمواقع انحطت عشان تفيد الناس وتساعدهم والي تحط موضوع يا انها تبي تفيد او تستفيد وتستشير وماخاب من استشار وياما بنات تعدلت حياتهم وصارت للأحسن بفضل الله اولاا ونصيحتج ثانياا

وبعدين اذا انتي مو عاجبج موضوع لا تكتبين رد فيه او اكتفي بكلمه استغفر الله او الله يهديج او يساعدج منها تاخذين اجر وتزيدين مشاركه

احسن ما انج تاخذين سيئه او تغثين البنت وينقلب الموضوع جرحى وقتلى واقتباسات وتيي وحده تدور جنازه وتشبع فيها لطم وتصب الغاز عالبانزين ويا بتبوت حذفي الموضوع عشان كلمه او رد

وعلى فكره بعد حبيت انوه انه الي تنزل موضوع ترى والله ورب الكعبه نزل موضوعج بالقسم بس بنتظار انه يتوافق عليه لا تكررين الموضوع اربع خمس مرات وجيكو على مواضيعكم مو كلها ارد عليها لاني اكون داشه سريع واشوف واوافق واطلع من غير رد واذا تأخرت عليكم بلغوني برساله وانا مارح اقصر لانه هم مرات يروح الصفحات الي ورا …

واذا بعد شفتي رد مخالف او موضوع بلغوني وانا برسم الخدمه اعدله او اشوف شنو الدبره معاه والي يعافيكم يعني لا تتناقشون برد يكون مخالف ويخترب موضوع البنت وتطلعون عن محتواه

نبي القسم يكون احسن وارتب والمناقشات تكون فيه بأسلوب ارقى من جذي

وان شاء الله ما اكون ضايقتكم بكلامي بس كانت تقرقع بقلبي وحبيت افضفضها.

يشرفني اني ارد عليج اول وحدة و كلامج كله عين العقل اي والله في بعضهم يعقدون البنات و لا يستهزؤن

يعني بتعطي جو للموضوع مادري غصب بتضحك الناس عليها

و زين سويتي يالحلوة و مشكورة واايد

الله يعينج بتبوت

مهمتكم صعبه

الله يعطيكم العافيه

يازينج ويازين اسلوبج بتبوت وحاااااضر وتامرين يامشرفتنا الغالية

اى والله كلامج عين العقل بعض العضوات بس يدخلون يشككون بالبنت ويطلعون ولى بعدها على
طول تستلم ويتحول من نقاش الى اهواش .. مشكورة والله يعطيج العافية بتبوتة.

المنتدى نقول فية الشىء اللى ما نقدر نقولة وهو السبيل للفضفضة بس اللى ترد وبس لا خلونا خوات نفيد ونستفيد مو كل وحدة عندها الصدر اللى بيحتوى همها واحزانها واللى مرتاحة وما شافت يوم اغبر لا تفلسف قولى كلمة طيبة واسى وقولى تجاربك بالحياة بكل صدق يمكن تلقى عندك حل لمشكلة او دعوة صادقة

شمسهركم هاا < سألي روحج بلأول

حياتي تسلمين الشرف لي ياقلبي بمرورج ومشاركتج وهالله هالل يختي اسم الله << تضحكني

مو المهمه المستحيله بس والله شفتي شلون الموظف الي يشتغل بذمه وضمير انا احس روحي جذي واحس بتأنيب وضمير اذا دشيت وما شفت المواضيع اقول الحين وحده محتاجه نصيحه ضروريه او حذف بسرعه اساعدهاا وبعدها ارتاح بس الي يقهرني الي مايقدرني عرفتي ياقلبي

ياقلبي تسلمين وما يأمر عليج عدو فديتج

الله يعافيج حياتي تقريبا هالشي صار بأغلب المواضيع لو بس ما يتهاوشون القسم يصير بخير

كلامج صح و انا توني يديدة بالمنتدى و حسيت فكرته حلوه وايد منا ما عنده احد يشكيله او ممكن اذا شكينا حق اهلنا او اهل الزوج المشكلة تكبر ما تصغر … في خوات صج ردودهم تبرد القلب و في خوات الله يهديهم دايما حطوا نفسكم مكان الناس و عاملوهم مثل ما تحبون انهم يعاملونكم .. الله يعينج انشاء الله ويجزيج خير و جد حبيت المنتدى

و الله الجو العام يحسسج بالألفة و انج مو بروحج تعانين كلمن عنده مشاكله بس ما يتكلمون بالصج الكل يبتسم و لا كأنه في شي بس لما تصير عندهم الفرصة انهم ينخشون و را الشاشة و يفضفضون نكتشف ان كلنا نفس الشي و نحس براحة حتى لو ما توافر الحل بس فكرة انج اتطلعين اللي بقلبج تخفف من المشكلة و ان احد يقرى و يدعيلج و يحاول ان يساعدج و يخفف عنج شي رائع ..

صدرج وسيع ماشاءلله عليج

الله يعطيج اللللف عافيه صراحه

الله يعطيك العافيه وكلامك صحيح
تصدقين ما ناقص عليهم الا يدخو يديهم مع الشاشه ويمسكو يشعور بعض

الله يهديهم ومشكوره يالغلا …..

يزاج الله خير والله يعطيج العافية على جهودج

يعطيج العافيه حبيبتي

الله يعطيج العافيه