|
|
السلام عليكم ورحمة الله وبركاته :
مساء الخير / كويتيات/اليوم ثاني يوم دوره لي ومعاي ضعف خفيف للتبويض واكشفت علي الدكتوره
وعطتني حبوب كلوميد مرتين باليوم لمدة خمس ايام و عطتني ابره لمدة خمس ايام تنشيط
كنت متردده وخايفه من الابر بس شريتهم احترت يا بنات 
وواعدتني 7يوم دوره اجيها وبتعطيني ابر قصدها ابر شنو ؟
الحين عفيه
اللي طقت الابر تقولي عنهم و شنو نتايجهم لها اضرار
ولازم اطق الابره بنفس الوقت يعني مثلا الخميس العصر الجمعهةالعصر السبت العصر
الا عادي باي وقت
.gif "Eh S(2)")
أتمنى تردون علي اليوم والله يرزقنا جميعا
ربي لاتذرني فردا وانت خير الوارثين
وبعدين اتوقع بعد الابر بتعطيك ابره تفجيريه وبس اسال اللله لك بالحمل
لكن الابر التفجيريه كم مره
والله يرزقنا
ما أخرني الا الكلوميد سنه كامله
سببلي كيس
رحت لوحده اسمها ام فيصل و خذيت عسلها
و اعشابها
و رب الكعبه بنفس الشهر اشوف الكيس طاح
لحمه كبيرررررره
و بنفس الشهر حملت
يعني جيتها و حملت علئ طول
لكن اجهضته و ان شاء الله بروحلها لما تجيني دوره
و اقري عنها بالنت وايد حملوا عندها
كتبي : ام فيصل جابر العلي
و الله يرزقج الذريه الصالحه
حسافه
ام فيصل اخت رفيجتي عالجت عندها وتقول مافادتني ان شاءالله افكر اروح لها الله يرزقنا .
عطاني كلوميد بعدين ابر تنشيط
وبعدها ابره تفجيريه
انا كنت اخذهم بنفس الوقت احتياط
والابره التفجيريه الدكتور يحدد اي ساعه بالضبط
ويحدد لج متى يصير الجماع
اذا افدتج ادعيلي الله يرزقني فبنوته
تقبلي مروري
يعني تلخبط عليك الدوره بكثرها وقلتها والمها ..انا كنت اطقها باي ووقت بس هم يقولون نفس الساعه لازم
ايوه ابره وحده التفجيريه …. اما الباقي ماعرف لاني ماعمري طقيتها
بس غريبه كلوميد وابر نفس الوقت المفروض شي واحد منهم
انا كان معاي ضعف اخذ ابر بروحهم وسوو تضخم لانهم قويات
تجربتي
عطتني كلوميد من ثاني يوم للسادس
واليوم السابع الثامن راحة
التاسع العاشر الحادي عشر ابرة.
وكنت مو منتظمة بالوقت مره عصر مره ليل وهكذا
اليوم ال١٢ راحة
اليوم ال١٣ سونار داخلي تشوف حجم البويضه
لمارحت اشوف حجمها تفاجئت حجمها ٨ مل
يعني استجابتي ضعيفة للمنشط
قامت الدكتورة زادت لي الابر
اخذتها ١٣ و١٤ و١٥
و١٦ موعد سونار
ورحت لها بموعد السونار
قالت فيه بويضه وحدة حجمها مناسب
وعطتني ابرة تفجيرية بنفس اليوم
وحددت لي ايام الجماع
والحمد ع كل حال ماحصل حمل
ولعلها خيرة
والله يناولك كل خير
نصيحتي لك ما تستخدمي الابر لان لها تاثيرات سلبية في المستقبل
انا قريت مشكلتك عندي لك دواء طبيعي اجيبه لك من عمان وبعت هالدواء في دول الخليج والحمد لله كانت النتايج ايجابيه بفضل الله وتم الحمل بعد
ابيع الدواء ب 400 دينار وانا اجيبها لك شخصيا اذا تبين وخلال 45 يوم تتخلصي من المشكلة وتحملي بعد باذن الله الاحد
وعندي ناس يجون من الكويت ياخذوا العلاج من عندي والحمد لله تعالجوا بالدواء وبدون الابر
انا شخصيا انزل الكويت هالاسبوع لان عندي علاج 3 اشخاص اوصل لهم الدواء اذا حبيتي تاخذي الدواء بامكانك التواصل معي بالمنتدى فالخاص
ووايد رخيص 400>>حبيبتي منو قالج لاقين فلوسنا بالشارع
بس حرام في ناس تتاجر بصحتنا على حساب مصالحها
يستغلون ضعفنا وانكسارنا لسالفة الحمل !!
انتـي دام ضعفج بسيط ان شـاء الله مافيج الا العافيـة ,, و الدكتـورة أخبـر منـا
وخلي املج بالله مو بعباده
واصفتها
وانشاء الله يبين الحمل من اول الشهر
واذا مو الاول انشاء الله الثاني