ضروري بنات الحقوق والإعلام تكفون

مساء الخير بنات ..

بنات آنا ثاني سنة بجامعة الكويت وهذا ثاني كورس لي وماخذه مادتين على أساس الكورس الياي إن شاء الله أتخصص إعلام

بس فجأة آنا قبل ماأتخصص إعلام كان معدلي يدخلني حقوق والكل كان يقولي دشي وتطلعين الوظيفة زاهبه ومستقبلج موجود

بالقانون بالمحاماة وكل مكان يبونج وآنا قلت أبي أعلام لأن كان بالنسبة لي طموح ورغبه وآنا من النوع إللي ماحبيت الشي

ماقدر أدرس ولا أبدع فيه ..

بس الحين قاعده أشوف الكل حقوق والكل يقول مضمونه الوظيفه وآنا يمكن اقتنعت قاعده أقول إذا كملت بالإعلام

وين راح أروح وبنفس الوقت أقول يمكن خيرة أتوظف بمكان أرتاح فيه أكثر من إذا كنت بالحقوق ..

مادري شرايكم آنا معدلي الحين يدخلني تنصحوني أوقف قيدي هالكورس وعلى الكورس الياي أخذ مواد حقوق

وأحول على السنة اليديدة وبجذي راحوا مني سنتين بس أرتاح بعدها بالوظيفه

ولا أظل بالإعلام وأتوكل على الله يمكن أقدر أبدع فيه والله يفتح لي باب الوظيفة ..

تكفون شرايكم ؟

انا بصراحه من رايي الشخصي اتوقع ان الحقوق احلى والله .. وصج يعني مستقبل ووظيفة .. تضمنين نفسج يعني فيها ..

وموفقه اختي وين ماكنتي

اممم شوفي حبيبتي انا من راايي اهتمي بالوظيفه والمستقبل بااجر !!

خلي الدرااسه كلهاا جم سنه وتقولين بـآإي بـآإي ..

بس الوظيفه اللي تستمر معـآإج لفترره طوييله .. والكل يعرررف الحقووق مستقبلهاا قوووي

وحتى يكفيج المسمى انج خررييجه حقووق ..

اناا الحين مستجده بالحقووق بس تبين الصرااحه ..؟؟

مااكنت افكرر بالحقووق خير شرر والحين احس بديت اتقبلهاا

كنت احب الانجليزي وامنيتي يا مدرسه انجليزي يا مترجمه ..!!

بس ولا وحده فيهم حلووه بالمقاارنه مع مستقبل الحقووق ..!!

انتي استخيري وشووفي اللي ينااسبج وماعليج بالنااس انتي اللي بتدرسين وتتعبين وتتوظفين مو النااس !!

بس مو حرام سنتين يروحون من عمري ؟
ومنو عنده فكره إذا يعادلون لي مواد ولا لا …

آنا تحسفت ليش مادخلت من البداية القرار متأخر

لا حبيبتي ما يعادلون لج مواد غير الاختياري العربي والانجليزي

أنزين شرايكم تقولولي أكمل وأتوكل على الله بالإعلام ؟
لأن سنتين مو شويه يضيعوون

حبيتيمو احنا الي نقولج انتي قعدي بينج وبين نفسج

وصلي استخااااااره وشوفي الي ترتاحين له وحطي مميزات وسلبيات بكل تخصص والتخصص الي تحسين مميزاته اكثثررر توكلي على الله ودخليه

واذا انتي حابه الحقووق دشيها وتوكلي على الله والحقووق حلووو مستقبلهاااا

على الله يعطيكم العافيه

بس أنتوا لو كنتوا مكاني شنو راح تختارون وراح تضيعون سنتين ولا لا ؟

انتي شكلج واايد محتااره وتبين تروحين بنفس الوقت ماتبين تضيعين السنين اللي راحت عليج ..!!

شووفي سووي اللي يريحج مالج شغل بس اهم شي تكونين مرتااحه !!

وايد تصير فيني هالحاله ابي اسووي شي بخاطري بس احس بتأنيب ضمير ..

وترى عادي في ناس محوله للحقوق وضاعت عليهم سنه بس سوو اللي يبونه

انتي شوفي نفسج صج مو عاجبتج الاعلام .!و صج صج تبين الحقووق ؟

وتتحملين صعوبتها ودراسه اول باول اذا اي توكلي على الله

وشاوري اهلج بعد بيفيدونج اهم يعرفون مصلحتج !!

ومووفقه