|
|
انا مدرسه صارلي سنه وحابه اقدم استقالتي ان شاء الله شهر 7 في العطله وحابه اعرف الإجراءات وهل يحتاج امر المدرسه بعد الإجازه ولا الوزاره ترسلهم ملف استقالتي وشكرا
قدمتي استقالتك على المديرة
وهي بتقوم برفع اوراقك للجهات المختصه
وهي بتقوم برفع اوراقك للجهات المختصه
مشكوه بس انا إن شاء الله بقدمها في الإجازه يعني المديره بتكون في اجازه فبقدمها للمنطقه
وي حسافه ليش
والله يكتبلج الخير
بس ﻻزم ادفعين معاش شهر 7 و8 اتوقع سالي فيها
حبيبتي تقدرين اتقدمينها هلشهر ماكو مشكله, وما ياخذون منج لا معاش 7 ولا 8 من قال؟؟؟ هذول من حقج دام انج كملتي سنه دراسيه كاااامله وانزلوا لج بحسابج وأصلآ شهر 7 و 8 عطله ومن حقج, الاجراءات بتروحين السكرتيره ابمدرستج تطلبين منها ورقة استقاله اتوقعينها من المديره و بعدين وديها ابنفسج الوزاره, وراح يكون لها رقم لأن كل طلب استقاله له رقم فلازم تحفظين رقم ورقتج, بعد جم يوم ايوقعونها لج الوزاره من كذا مسؤول و تروحين لهم يطلبون منج تاخذينها تتوقع من كذا قسم عندهم, وعقب جم يوم ايدقون عليج بعدين وتروحينلهم يعطونج ورقة اخلاء طرف اتوقعينها من مدرستج وتردينها الوزاره, وبعد جم يوم ثانيين ايدقون عليج علشان اتروحين المحاسبه لأنه لازم ايوقعون استقالتج مرفقه مع ورقه فيها يخصمون عليج ايام المرضيات والغياب, ما أدري اذا يحسبون العرضي بعد مو متأكده بس راح يخصمون عليج مبلغ حق المرضيات والغياب هذا أكيد فلازم تدفعين المبلغ لهم, تالي يدقون عليج عقب جم يوم ايسلمونج استقالتج واتودينها مدرستج, بس تخلصين كلش اذا تبين تقدرين تروحين التأمينات وتاخذين حقوقج منهم (يعني المبلغ اللي كانوا يخصمونه عليج كل شهر من معاشج طول سنة شغلج) بس ماراح يحسبونلج اياها كسنة خبره اشتغلتيها بلديوان اذا ابتاخذين افلوسج من التأمينات, يعني استقالتج تقريبآ راح تاخذلها اسبوعين اذا راكضتي عليها بنفسج اول باول ولعلمج لازم اتداومين ابمدرستج هلأسبوعين لين يطلع قرار استقالتج النهائي, يعني لين يختمونها لج انج 100% مستقيله, حتى لو صكت مدرستج حق العطله وماطلع قرار الاستقاله الا عقب مو مشكله, اتداومين لين تصك, وبس يطلع القرار اهمه الوزاره راح ايودونه مدرستج بس يبدا الدوام ابشهر 9 انشالله, وعلشان تتأكدين من كلامي نصيحتي روحي وزارة التربيه باجر او بأسرع وقت ممكن, و سأليهم وتأكدي بعد من سالفة معاش 7 و 8 انهم من حقج, رغم اني متأكده 100% انهم لج دام انج كملتي سنه دراسيه كااامله وقوليلنا شيصير معاج, موفقه انشالله 