ضحية القيل والقال

قوة بنات

حنا حريم بطبعنا الغيرة وبعضهن لدرجة المرض لمن تقومين يبدأ الحش فيج

المهم مالكن بالطويلة

هاذي رفيجتي متزوجة بقول قصتها

البنت جتني مهمومة ومتضايقة وندمانة كلش

قلت شفيج فلانة

قالت بقولج سالفتي واتمنى ان تعظين منها اخاف يصير لج اللي صار فيني

قلت خرعتيني شالسالفة قالت ياطويلة العمر انا من خذيت زوجي ثنتين من حريم حمويني اشتغل علي بالحش عن حمولتي تقول بطبعي سكت وماتكلمت ومن خذيت زوجي كله ساكتة انزل من شقتي اسكت ولا اسولف جم سالفة عادية واسكت
ماعمري حشيت او فتنت على احد سنتين من اخذت زوجي ماطلعت مني الكلمة المهم صارت سالفة مع وحدة من حريم حمويني اللي يحشون بحمولتي عني وانه طلع الحجي من حمواتي المهم دقيت على حماتي قلت شالسالفة قالت شفيج قلت فلانة انتي قلتي عني حجي قالت جذابة انا بدق عليهاوصار مسجات بيني وبينها مرت حماي وسبحان الله مامسحتهم المهم جت حماتي قالت انتي ليش تقولين عنا جذي قلت شالسالفة قالت تقول فلانة اللي اهي مرت حماي اصلا هي جذابة (عن رفيجتي ) وانت اصلا خايفات منها تقول رفيجتي انا طقتني البوهة انصدمت وتنرفزت تقول قلت لحماتي انا ماراح اتحجى هاج المسجات واقريها المهم تقول كبرت السالفة وبطن الجربة تقول قالو سوالف عن حريم حمويني عني تقول انصدمت لانها صحيحة لان شفت المعاملة من حمولتي فجأة تغيرت مني قبل لا تصير السوالف وانقهرت وبجيت وتقول ماكنت بوعي جان ابط الجربة واطلع السوالف عنهن المهم تقول صعدت غرفتي وندمت اشد الندم اني بطيت الجربة تقول شسوي من الصدمة ماكنت بوعي تقول من باجر حاولت الطف الجو وجت مرت حماي سويت روحي طبيعية ومن باجر العجوز راحت لها قالت انتي قلتي قلتي قالت مرت حماي جذابة انا ماقلت جذي وؤراحت دشت غرفتها وماطلعت الا لابسة عبايتها وانحاشت بيت اهلها والزوارة مااحد جا لا اهي ولا الثانية

المهم الزبدة

تقوووول ندمااااااااااااااااااااااااااااااانة على قد شعري ويالتني ماتهورت لان بطريقتي بخلي حمولتي تكرهني و بطلع هم غلطانة وصارت مشاكل بسبب القيل والقال التافه وموعارفة شنو راح يصير ياليت الزمن يرجع ورا ولا صار الي صار
يالتني قلت الله يسامحهن

بنات رفيجتي فيها هم كبير وندمانة ادعو الله يفرج همها

وانا الحين جا دوري

لهالدرجة اكو حريم جذي وياترى اكو ضحايا القيل والقال

اكيد في

الله يبعدنا عن المشاكل

الله يستر

تقريبا مريت بهالموقف ونصيحتي لكل زوجه أبدا ماعليج حمولتج خالتج وحمواتج ولاتجاملين حريم حموينج وتسمعين وتسكتين ترا من حكي لج حكي فيج

بنات ادعو لها

عسى الله يفرج همها ويبعدها عن المشاكل

البنت حبوبة

والانسان مو معصوم عن الغلط

امانة لا تنسونها بالدعاء

الله يفرج همها يااارب

في وايد الله يكفينا شرهم

صاجة
من حكى لك حكى بك

اللهم امين

الله يهدي السر ويفرج همها

ليش ندمانة هي ماسوت شئ خطا
هي دافعت عن نفسة تبين الخطا يركبها وتسكت!!
شوفي لو ماسوت جذية كان تمادن حريم الحموان
وقلبوا السالفة ضدها وهي الي راح تروح بيت اهلها
وكلمة الله يسامحها واسكت ماعاداتفيد لان ماعاد
فية احد طيب عشان يرد الطيب

صحيح دافعت عن حقها

بس تقول قام حريم حمويني مايزرون حمولتي
وزدت الكره زيادة

صج ساكت عن الحق شيطان اخرس

بس هم ماحلوة تسوي مشاكل

مانقول الا حسبي الله ونعم الوكيل

اللهم امين

حريم الحمى يفاجئونج

تقولين شرايك مو حريم حمى

تدرين انا مرت حماي
مطلعه علي ان رايحه الجيران وسابه ام زوجي وياليت عاد سبه تسوى تعتبر اني ماقلت شي
وانا بحياتي ما اطب مكان الا بعلم زوجي واغلب وقتي بالشقه او رايحه مع السايق اشتري اغراض مطلوبه علي بالجامعه او تصوير
واروح اجيل البيت او موعد طبيب

الله يعين
ما ادري شنو راح يستفيدون