ضاقت فيني الوسيعه

سلام عليكم يابنات :
انا عندي مشكله ولاني قادر القى لها حل وراح اقولكم مشكلتي الحين وانا حبيت واحد وقعدت معاه سنه تقريبا وبعدها دريت انه متزوج @@ وقررت اني اتركه و لا قدرت لانه فكل مكان كان يطلع لي فيه وستمريت معاه 3 سنين من عمري وقالي ابي اجي اخطبيج من اهلج وانا كنت رافضه لانه متزوج وعنده اعيال ويوم بعد يوم اتعلق فيه وبعدها وافقت اني اخذه واكون ثانيه وقتله مو مشكله اكون ثانيه جان يقولي انطرني اشوي وبعدين حسيت من كلامه انه مراح ياخذني ويضحك على وبعدها جاه نصيبي وقتله فيه واحد خطبني قتله اشرايك وتبيني والا لا جان يقولي انطرني قتله ما اقدر لانه اهلي يبوني اتزوج والمهم تزوجت ولما تزوجت قام يطلع لي من مكان وثانيه ويقولي احبج ولاني قادر انساج وابيج تتطلقين وانا اخذج وفعلا تتطلق بس مو عشانه وبس لا عشان طلقي كان بخيل ويشك بكل شي وكان يسمعني كلام جارح وكل شي عنده حرام حتى تلفزيون يعني حاولت انسى حبي قديم ولاقدرت وفعلا تتطلقت ورجعت حق حبيبي وقتله انا الحين مطلقه متى تجي وتتخطبني ويوم وبعد يوم قولي انشالله انطرني اشوي وتهاوشت معاه قتله انت شنو تضحك عليه ولا شنو بضبط تبيني والا لا قولي بصراحه المهم جاب اهله وخطبني من اهلي وبعدها صارت ملجتي وبطلعت روح بعد ما طلعت عيني @@@@ والحين يوم صرت زوجته تغيررر على ولا قام يسال على بالمره ولا يدق واذا دقيت مايرد واذا دزيت مسج اهم ما يرد على واذا كلمني قالي اشوي وادق وطبعا طاف لا يدق ولاشي وكله عند امرته واعيال يابنات انا تعبانه وصارت ايامي كل بجي بجي وصرت نفس مجنونه وسال نفسي انا شسويت عشان يعاملني جذي قمت اكلم نفسي كل يوم وما في احد حاس فيني واهلي مستنسين عشان بتزوج واهو شكله بيصدمني واتوقع راح يطلقني قوللي شسوي ابي ادز له مسج بس مااعرف اعبر اكثر من للي قتله ساعدوني تكفون الله يخليكممممممممم

والله مادري شقووولج
الله يعينج ويهديه
حاولي تدقين عليه او تدزينله مسج كلمني ضروري
وتفاهمي معاه بهدووووء
وشووفي اهو شنو ناوي عليه

حاولت من امس وانا ادق ولا يرد على من ساعه وادز مسجات ولايرد ما ادري سشوي تعباااااااااااااااااااانه

والله يااختي ماادري شقول لج

الله يعينج حبيبتي

شوفي انت المفروض تتوقعين هالشي لأنج اختي كزوجه ثانيه وخاصة عنده عيال يعني صج هو يحبج بس ماوده يظلم زوجته وعياله

شوفي حبيبتي انت لما يجيج قولي له انا ودي اطلع معاك بقول لك شي

ترى الريال مايحب الزن وايد يعني انت خليه على راحته وخاصة انت تحبينه

لما تطلعون حاولوا تغيرون جو وتذكروا ايامكم الحلوه ويعني كلام الحب

شوي شوي انت لاحظيه بتشوفينه ينحرج من روحه لأنه مقصر معاج وبعدين قولي له وحشني كلامك وحشتني قعدتك معاي

انا ماودي ولا ابيك تظن اني باخذك من زوجتك لا بالعكس هو لهم حق فيك مثلي بس لا تنساني

لا تنسى قلب يحبك

جوفي حبيبتي انت جربي هالطريقه بطريقه غير مباشره وربي يسخره لج ويهدي نفوسكم

مالج الا تواجهينه !!

حطي حد حق كل هالحجي يا يستمر وياج صح ولا يطلقج وضحي له انج مو لعبه خصوصا ان طلاقج الاول كان بقرارج مو عشانه .. خل كل هالنقاش بهدووء ومزاج حلو ذكريه بحبكم رسميله احلامكم اللي رسمتوها … وكل شي قسمه ونصيب بس حطي في بالج اذا تطلقتي تذكري انه ماكان نصيبج … والله يكون بعونج قلبي

وكوني غامضه وثقيله شكله زوجج من هالنوع يحب المره الثقيله لاتدقين ولا شي خليه على راحته

الصبر مفتاح الفرج وخلج ثقيله لا تدقين وشوفي اشلون انتي من النوع الرقيق اللي تقطين نفسج عليه لاااااااااااااااااااااااااااااا اثقلي لا تفكرين بالطلاق انتي الحين تحبينه وتموتين عليه شنو الللي غيرج

الله يعينج حبيبتي البنات كفوا ووفوا
رفععععع

حبيبتي الله يكون بعونك بقول لك شي واسالك بالله ماتزعلين لانك والله مثل اختي ولو اختي من امي وابوي هذي مشكلتها راح اقول لها الكلام اللي راح اقوله لكي الحين00يابعد عيني مابني ع باطل فهو باطل ولو صدق حبك كان يوم واحد ماقدر يعيشه دونك ودخل البيت من بابه لكن هدفه بنت هوئ يعني زوجته هي راس المال بس محتاج حنان مجرد نزوه والدليل لما صرتي حلاله صار يعوفك وبيمللك منه عشان تجي منك مو منه ياقلبي استغفري وادعي اللي ارحم عليك من امك ان يكتب لك الخير واقري سورة البقره وصدقيني ارحم الراحمين مابيردك وادري انك تعبانه وتلومين حظك بس احمدي الله وشوفي اللي اتعس منك وخليك قويه وارسلي له مسج بكل حزم وقولي له انت رجال تنعدل وتعاملني باللي الله اوجبه عليك ولاانا بطريق وانت بطريق والرجال ماتغلئ عليه الاالمراه العزيزه واذا بتصبرين كم يوم احقريه وعامليه مثل مايعاملك وكوني قويه ولاترمين نفسك عليه وبعد ماتشوفين ردة فعله ارسلي المسج واشغلي نفسك عنه ولاتجلسين وحدك مع اهلك صديقاتك ادخلي دورات تعزز ثقتك بنفسك والقران لاتنسينه00الله يربط ع قلبك ويصبرك وبشرينا بالاخبار الزينه وسامحيني اذا مااعجبك كلامي

يعطيكم العافيه يابنات :: هموسه انا الحين بيت اهلي يعني لحد الحين ما سويت عرس وصارلي اسبوعين من ملجتي يعني وين اشوف اذا قاعده ادق ولا يرد على بالمره حاولت ادز مسج وذكره بالايامي للي رحت وسويتها عشان بس ماكو فايده ولايرد

يعني للحين ما عرستي اجل شوفي مايته شنهي واعرفيه علي حقيقته اذا ما يبيك وافتكي

مشكورره حبيبتي على هالكلام ولاني مضايقه من كلامكم لي انا بس ابي احد يحس فيني ويقولي شسوي مع حظي هذاااااااااااااا

حبيبتي
متى الرجل يفقد اهتمامه بالمرأة
لمن تتنازل عن حياتها عشانه
هو خطبك زين الحمدلله
الحين انتي اشتغلي على نفسك
شيليه من دائرة اهتمامك
عيشي حياتك لك انتي مو له
اذا جاك خليه يشوف وحده ثانية حمال واهتمام وابتسام
لا تشكين من شئ ابد
وفي الناحية الثانية .. ابني نفسك
ادرسي او اشتغلي سوي لك رصيد بالبنك بالحلال
العبي دورك في الحياة صح
لا تلعبين دور الضحية ذي حياتك خليك بطله
خليه ثاني اهتمامتك
وعامليه معاملة العيشقة … يعنى حبيه لكن حبي نفسك اكثر
ولا تفكرين بالطلاق مرة ثانية
لا تدقين عليه .. خليه هو اللي يدورك
ارسلي مسج …. بكلام مختصر … وبس
واذا دق لا تركضين وتردين ..اثقلي
اذا تذكرت شئ برد اقول لك
ترى هالكلام من دورة اخذتها عند ناعمة الهاشمي

بنات ابي اسلوب اكتبله مسج تكفووووووووووووون عقلي وقف ولاني قادر اعبر ساعدوني شنو اكتب له عشان يرد على تكفوووووووووووون ساعدونننييييييييي

حبيبتي

لاااااازم تتحملين من الحين

لان مو بس لج

عنده مسؤوليات ثانيه

عنده زوجته واعياله

وانتي اهم شي انج مريحته وانه يحبج واثبت لج هالشي

جاج واخطبج بعد ماتطلقتي

يعني لو واااحد ثاني كان من تزوجتي وهو ناسيج

اذا دق لاتعاتبينه ولاتتغلين ثم تتخلين

لا

رحبي فيه وقولي له مشتاقتلك حيييل

قولي كلام حب

بس لاتزودينها وياه عشان مايمل

والله يسخره لج ويوفقكم