ضاعت بطاقتي الجامعية وباقي بطاقاتي شسوي :(

السلام عليكم بنات شلونكم شخباركم .. ان شاء الله أحسن مني …

بنات كنا مسافرين واول امس ردينا .. انصدمت ان بوكي مو موجود مادري شسوي فيه كل بطاقاتي بطاقتي البنك والبطاقه المدنية الأصلية وبطاقة الجامعه … شسوي اذا قلت حق امي بتذبحني

احنا كنا مسافرين حق اهل امي بالبحرين وقعدنا في بيت خالتي شرايكم ابدي اطلع بدل فاقد حق كل شي انزين وين اسويهم وشلون؟؟ اهم شي بطاقة الجامعه اخاف احتاجها اول الكورس

بنات عفيه الي تعرف قولولي لازم اطلع بدل فاقد؟ منو صار فيها نفس الموقف ؟؟ وين اجدد باقي البطاقات

اي حبيبتي عادي .. بس تاكدي انها مو عند اهلج بالبحرين ؟؟

واذا لا عادي .. اخذي جنسيتج او جوازج معاج وطلعي بدل فاقد اتوقع اتوقع بالخالديه ..

رفيجتي ضيعت بطاقتها وطلعولها نفس البطاقه حتى نفس الصوره مع انها ماتبي الصوره ههههههه تبي تغيرها بس طلعولها نفسها ..

وبطاقة البنك روحيلهم باجر العصر وطلعي غيرها عادي ..

المدنيه هههههه قصه مادري قولي لبوج ولا اخوج بينج وبينها ..

سهالات ان شاءالله ..

وعلى فكره ترى مانحتاج البطاقه الجامعيه واجد نحتاج رقمها بس ..

اللي 20611**** هذا تحتاجيله بكل وقت واذا ماتعرفينها ادخلي السستم واحفظيه واذا مستجده تلقينه بكشف الحضور والغياب عند الدكاتره انسخيه منهم لين يطلع بدل فاقد ..

(مـــســـ(مطير)ــــــك)

مشكوووره ياقلبي تسلمين .. كل الكليات بالخالديه ؟ انا شريعه البنك والجامعه تهون المدنيه اهيا الي الله يستر منهاا ..

اي صح مانحتاج البطاقه الجامعيه بس اخاف اول الكورس السكيورتي الي عند الباب يسألنا عنهاا .. الحمدلله حافظه رقمي..

جزاج الله الف خير بس ماتعرفين الخالديه وين ؟ يعني وين اروح؟

الهوية الجامعية تحتاجينها حق التصويت في الانتخابات فقططط
ما عدا ذلك اذا انتي حافظة رقمج الجامعي ماراح تحتاجينها
ممم يمكن تحتاجينها اذا كنتي متفوقة و يبون يطلعولج تصريح عشان تصفطين في مواقف المتفوقين
و بعد تحتاجينها اذا بتطلعين بطاقة استعارة من المكتبة ( اذا ما سويتيلج وحدة ليلحين)
بالامتحانات يطلبون انا تيبينها معاج بس و لااااااااااااااا مرة احد طلب نوريه اياها

اي نسيت لا اقولج تطلعين بدل فاقد من الخالدية ادارة الامن و السلامة
و رقمهم : 24811188 داخلي 5551
اذا تبين تتصلين و تاخذي وصف المكان عدل
روحي هاليومين احسنلج قبل الدوام

من الخالديه ادارة الامن والسلامه انا ضاعت مالتي وطلعوو لي بنفس الوقت بس قالتلي طبعي جدولج ويبيه مادري ليش .. وبس

مشكووووووره حبيبتي .. يوووووووو بعد توني اتذكر الليسن ياربي شهالمصيبه ..

الليسن من المرور صح؟يووو لايكون لازم امتحن من يديد؟؟

ياربي ساعدني

لا وين قاعدين مايسألج ؟

انتي مستجده ؟؟

الشريعه بكيفان .. وفي كليات بالخالديه وفي بالشويخ وفي بالعديليه وفي بكيفان خخخخ مطشره جامعتنا ..

وخلاص دامج حااافظه رقمج .. كل شي يهون ((:

مادري والله وين بالضبط بس انتي اول يوم اداومين اسئلي التوجيه والارشاد الي بكليتج .. قوليلهم وين اروح عشان ماتعنين عالفاضي .

لااا مو مستجده … اي الحين البنات قالولي وان شاء الله خير الله يعييني ياربي .. هههههههههههههههه خايفه من امي الحين بتقعد لصلاة الفجر ادعولي

اييييي صح .. بادرة الامن ههههههههه بالمباحث ..

صج عاد بالمباحث؟؟ ليش؟؟ ليكون بعد في قضية خخخخخخخخخخخخخخخ وناسه عشان اهلي كل يوم يوصلوني الجامعه
بعد الزف والحنه الله يستر