صور العرس بعد الطلاق

يعطيكم العافية حبايبي
اليوم انا وايد متضايقة ومادري شلون اتصرف فقلت مالي الا خواتي بالمنتدى يساعدوني ويشورون علي ……. السالفة ومافيها ان اخوي خطب وحدة وصار نصيب وسووا حفلة ملجة وطبعا 90% من الحاضرات كانوا اهلنا المهم طبعا عقب اسبوعين انفصلوا وانا وايد احاتي الصور لان استغفر الله طلعوا ناس رخاص وبانوا على حقيقتهم وطبعا ادق على الام ما ترد علي فكلمت المصورة وقلت لها انا اخذ صورنا واحاسبج عليهم وكيفهم ياخذون اهم صورهم فقالت لازم اقول حق العروسة واردلج خبر وعقبها دقت وقالت انا كلمت العروس وقلت لها بس عصبت وقالت ان العقد بيننا وبينج ويت بسرعة خذت الصور وراحت وانا ادق عالام ما ترد ودزيت لها مسج وطنشتني

شورو علي شسوي مع هالناس اللي ماتخاف ربنا مادري ليش حاطين صورنا عندهم

والله شي يضيق الخلق لمن تسمعين ان احد تطلق عقب الملجه وينكم قبل وين ماسالتو عنهم قبل المهم ماعليه اللي صار صار وعالصور انسي بدامها خذتهم يعني ماتبي تعطيكم اياهم ولاتحاجين الام لانهم بدام مثل ماقلتي ناس واطيه يعني اكيد بتسمعيلج كلمتين منها وماتسوا عليج تنقثين من هالاشكال فخلي الصور عندهم شبيسون يعني واذا صار وسووو شي مالكم الا المخفر عشان يعرفون يتأدبون وشرف وسمعه البنات مولعبه

خطيبها يكلم ابو البنت ويقول نبي صورنا
وبسرعه انتبهو الله يعينكم

انا الي اشوفه انكم ادخلون الريايل بالموضوع .. لان في حريم الله يهداهم يتصرفون مثل اليهال

هذي صور .. يعني عرض وشرف .. والله يكون بعونكم ..

وعليكم بالدعاء

خلي اخوج يروح لأبوها ويطلب صوركم لاتسكتوووون

معاها بكل كلمه

خلو السالفه بيد الرياييل وطلعوا منها يالحريم
ماراح يدور بينكم غير الصراخ والشتايم
واذا رياييلهم ترللي المخفر مايقول شي
الصور صورنا ونبيهم واخذوا عليهم تعهد ان اي صوره تطلع راح تتسجل عليهم قضيه
وبس
في ناس تخاف وماتستحي

انا رايي من راي خواتي بدوره و البندري ,

اهم شي هذول وين ضميرهم صج ناس ما تستحي
انا اقولج بعد دخلوا الريايل بالسالفه شنو هذي في شرف وسمعه
حسبي الله عليهم من ناس

صج تخلف شنو هالناس الغريبه

انزين شلها بصوركم شنو بتبروزهم وتقعد اتنضر فيهم

دام امعندين جذي

خلي اخوج يروح لهم ويكلمهم ويقول لهم نبي صورنا

يمكن يفيد معاهم

سوو مقايضة اذا اهم يبون منكم شي قالو لهم ما في الا لما تعطون الصور

يعطيكم العافية على هالردود وحبيتي شيز كيك احنا سالنا عنهم بس سبحان الله الناس ما تبين الا بالعشرة والبنية بينت اهي شنو وتبون اصدمكم انا اخوي شوي متروس شوفوا الوقاحة قايلة له اخاف انت ما ارتاح معاك بالفراش واذا ما ريحتني انا اشوف نفسي برة بالذمة هذا حجي ينقال بس الحمدالله افتك منها قبل لا يصير شي واذا على سالفة الرياييل لعلمكم ان يوم الملجة انا مسوية لها دزة ولما طلق تخيلوا ردوا الاشياء العادية يعني قمصان النوم والعطور والمكياج اما الدبلة والجنطة والساعة والذهب ماردوها وكنت ادق عالاماية ماترد ولما اخوي كلم الابو قاله خل الموضوع عند الحريم هذي سوالف حريم ما نبي نتدخل فيها فاكيد نفس الحجي بيقولونه عن الصور بس بحاول معاهم واذا ما شفت فايدة بنروح المخفر الصراحة انا ما ودي اكسر باهلي اللي كانوا موجبيننا وكاشخين واخرتها تصير الصور عند هالاشكال

خلي اخوج يكلم اخوها يتراوالي الرياييل اعقل

حبيبتي والله مااارااح ينفعج الااا شرفج بكرااا تصيييروووون علوووج بحلوووج الحريم كلهم ويحطوون البلااا فيكم ولاا اذاا هالااشكاال واااطيه مووو بعيده عليهم يسووون لكم *** وربي لو انا منج اروووح لي بيتهم وامد لساااني واطلع عيووونهم واذا اهما عووووب في اللي اعوووب منهم وربي ان سكتووا بتروووحووون فيهاا قوووم روووحي ولاااتردين على احد هذاا شرف موو لعبه ولاا تدقين روووحي فجأه وهددي يبه كيييييييفكم صوووووووركم اذاا فيهم خير مااايعطووونج

يمكن اهيا خافت منكم على الصور مو بس انتوا خايفين
والله يستر على الجميع