|
|
السلام عليكم
حبيت استفسر منكم عن شغله صارت فيني من فتره ومو عارفه شالسبب
اللي اهي كل ما اكل او اشرب شي يطلع بنهاية الاكل صوت من البلعوم كأنة صوت غرغره او كانه الصوت اللي يطلع بعد ماتشبعين من الاكل << مادري اذا فهمتوني
وهم بعد صوت في بطني اللي اهو الصوت اللي يطلع وانتي جوعانه بس انا يطلع فيني هالصوت بعد الاكل وهالشي مسبب لي احراج .gif "Eh S(2)")
معقوله يكون هوا داخل فيني ؟
وشنو علاجه ؟
انا راجعت مره قالوا لي قالون فا مادري شرايكم ؟
بانتظاركم حبايبي .gif "Eh S(17)")
صوت البطن له عدة اسباب
عزج الله الغازات الي سببها شرب الغازات
وهم يمكن اكلج سريع يعني طريقتج بالاكل سريعه ويدش هوا اثناء الاكل
البقوليات تسبب اصوات في المعده بعد!!!
والله لا يقوله يمكن مشاكل بالقولون العصبي
وقريت مره انه السبب تدخين الشيشه يسبب اصوات بالبطن وان شالله ما تكونين من هالفئه بس ذكرتها كـ معلومه للغير !
بالنسبه للبلعوم
اعتقد انه كذلك هوا من طريقة الاكل اذا كانت سريعه
والله يشافيج
ومشكوره عاالرد
وفعلا انا بعض المرات اكل بطريقه سريعه
لكن الفتره الاخيره قمت انتبه على طريقة اكلي
وصرت اختار الاكل الاكثر فائده
ما اخفي عليج
انا صارلي فتره اكل وجبات سريعه
بحكم العمل
لكن بعد ماصارت فيني هالاعراض
صرت اكثر دقه بأختيار الاكل
ياريت توضحين لي العلاج اذا كان متوفر عندج
والله يشفي الجميع ان شاءالله
والسبب شيين يا قولون يا معدة
انا معدتي مووووشي
الحل روحي طبي باطنية وقوليله واهوا بيجيك عليج ويعطيج اللي يفيدج<< قصدي طبيبة طبعا
انا هم لازم اروح ذكرتيني
ولاهم بعد اكلي ساندوش جبنه بس ولمشروبات الغازية ما احبها
يارب يفرج عني وعنكم يابنات
|
المشاركة الأصلية كتبت بواسطة ReeM ^ Style
 حبيبتي ماقصرتي
ومشكوره عاالرد وفعلا انا بعض المرات اكل بطريقه سريعه لكن الفتره الاخيره قمت انتبه على طريقة اكلي وصرت اختار الاكل الاكثر فائده ما اخفي عليج انا صارلي فتره اكل وجبات سريعه بحكم العمل لكن بعد ماصارت فيني هالاعراض صرت اكثر دقه بأختيار الاكل ياريت توضحين لي العلاج اذا كان متوفر عندج |
السلام عليكم
اسفه على التاخير بالرد اختي توني اشوف ردج
والعفو ما سويت شي
بالنسبه للعلاج ترا متوفر بكل بيت بس لازم شوية اهتمام ومراقبه لطريقة الاكل ونوعيته!
ممكن تشربين يانسون مغلي بمعدل كوب يوميا او نعناع محلا بالسكر او العسل حسب رغبتج يوميا كذلك بمعدل كوب!
قللي من الشغلات اللي ممكن تسببج هالاصوات مثل البقوليات مثل ما ذكرت لج سابقا والاشياء الدسمه
وهم قللي موالح ومخللات ومقالي والشغلات الزيتيه!
اذا تاكلين زهره وفجل وجرجير هم قللي!
ولاتاكلين قبل النوم يعني وانتي نعسانه وتاكلين لا غلط!
وهم ترا البرد يلعب دور حاليا فا حاولي تدفين روحج!
ولا تاكلين وانتي شبعانه على بونه بتجاملين احد هههههههه
وبس ان شالله افدتج.gif "Eh S(7)")
