|
|
بنات منتداي الغالي شلونكم و شخباركم و عساكم بخير بدخل لموضوع مباشره أبي أهدي صديقة عمري هديه بمناسبة نزولها بيت العمر و بصراحه مو عارفه ودي أشتريلها شي مميز بس مو عارفه شنو و ميزانيتي ما تسمح لي إلا ب مبلغ و قدره 50 دينار إهي عندها ولد واحد و حامل و على وشك ولاده يعني بعطيها هدي للبيت و بعد شهر بعطيها للمولود الجديد بس مو عارفه هل أعطيها المبلغ و إهي تتصرف على كيفها و لا أشتريلها كفر و أفك نفسي و لا طقم سفره و لا شنو بالضبط غحترت و إحتار دليلي معاي …
ساعدوني الله يخليكم و بيت مكه بأقرب فرصه يوديكم
او مكوى البخار للملابس المعلقه ..
او ثلاجه صغيره للبوفيه اذا عندها؟؟
والله راح تفجين عنها كربة 
واذا اهي توها توها ماصار لها اسبوع دزي لها بوكيه ورد مجفف عشان يظل معاها طول العمر
وبارك الله لها في بيتها يعطيها خيرة ويكافيها شرة
شرايج بباركسات طقم ولا صخانات الكبار 3 طقم يكونون
ولا ساعه حلوه تكون حق الصاله
ولا ابجوره تكون زاويه يعني راهيه وحلوه
يعني تكملين النواقص للمطبخ – الاسقبال – غرفة النوم … الخ
وموفقة
بصراحه آنا دقيت عليها و قلت لها جان تحلف علي ما اجيب لها أي شي … تقول كل شي جهزته بس ناقصني شوفتج .. قلت لها كل شي كل شي .. قالت والله كل شي و مو ناقصني شي كلش… قلت خلاص أجل اعطيج المبلغ و إنتي تصرفي قالت ما آخذ منج شي .. صراحه ضيقت خلقي … و الله تضايقت قلت لها مستحيل أدخل بيتج و إيدي فاضيه .. قالت لي شوفي آنا كل شي عندي و كل إكسسوارات بيتي خذيتها و مو ناقصني شي … عاد إنتي كيفج .. سألتها عن الصاله الرئيسيه شنو ألانها و شنو لون غرفة نومها ما رضت تقولي ..
تدرون شسوييييت !!!!
..
..
شوقتكم … صح …
رحت أي تو زد…
و قمت أحوس أحوس أحوس أحوس …
لمن طحت على شغله أدري مليون و ثمنتعش بالميه ما شرتها …. هاهاهاهاهاهاهااهاهاهاههاهاها … أنا حسوون الملعوون …
تدرون شنو …
نافورة الكاكاو .. صغنونه و مجكنمه … و شكلها يشوق … و الشوك و القاعده شريتهم برووح ..
وناسه …
غلفتهم … و ضبطتهم … و باجر إنشالله بوديهم لها .. اكيييييد بتتفاجأ … طبعا هالهديه تقدر تستغلها بإستقبال ولادتها …
و جزاكم الله ألف خير يابنات الحلال و الله ما قصرتو…
عليها بالعافيه ان شاء الله ..