صدري يعورني صاير مثل الصخر آآآآآي ساعدوني يا خبيرات الرضاعه

السلام عليكم بنات ادري اسالتي اكثرت

انا اتوني والده و صدري صاير مثل الصخر و يعورني حييل و من العوار ظهري قام يعورني حيل

رضعت ولدي يخف دقايق و يرد مره ثانيه يتيبس و يعورني و من اشفط ما احس في تاثير و حطيت كمادات وماكو فايده

تكفون في حل ولا اروح الطبيب احسن ؟

مافي حل الى انه تكثرين رضاعه وشفط

ولا بتييج صخونه

الطبيب بيشفطونه لج وبس ماراح يسون لج شي او يعطونج حبوب توقف الحليب..

up up

الحل الوحيد الرضاعه اهي الي تخفف
حاولي كثر ماتقدرين ترضعينه ولا تعطينه صناعي او ماي او زهورات وهالخرابيط كلها
خليه بس على صدرج وصدقيني كثر مارضع راح يخف حيل ديري بالج ترى اذا تيبس مده ومارضعتييه ممكن تصخنين

حبيبتي مريوم حمدلله على سلامتج ومبروك ماياج

انا امي تقول اذا سويتي كمادات ماي بارد وسويتي مساج حق صدرج راح يخف بس مساج شوي قوي

جربي أتحطين ورق ملفوف على صدرج مثل الكب ولبسي عليه ملابسج الداخليه وخلج حاطته طول ما أنتي قاعدة راح تشوفين الملفوف يذبل وصدرج يلين حده عجيب وبعد أستخدمي كريم ميبو بكميه كبيره وطول ما بيبيج نايم عشان ما تتشقق الحلمه والحلو في كريم ميبو أن ما يحتاج غسيل إلا بالماي لأن كله مواد طبيعيه وما ضر ولا تستخدمين الصابون لأن يسبب الجفاف مما يزيد الألام وبين فتره والثانيه أخذي دوش ماء دافيء مع تدليك الصدر راح تحسين بالفرق وايد جربي ودعي لي بأن أولد بالسلامه والله يرزقني بطفل سليم وطمنينا عليج

دهني صدرج بزيت زيتون دافي منها تصير لحلمة طرية ومنها يخف الالم
وكثر ما تقدرين رضعيه علشان يرد الرحم مكانه

حبيبتي انا جذي كنت وقت النفاس الله لايوريج يصير كبير اللي ودي انام على بطني مااقدر من كثر مااكبيبر ويعور عوار موطبيعي
كنت اسوي كمادات ماي دافي وبعدين اشفط بشفاط الكهربااا عاد تعالي شوفي جم مميه يعبي من كثر مايكون الصدر وارم
انا لي درجه صوب اباطي يورم بعد

فانتي مثل ماقتلج سوي كمادات ماي دافي وشفطيه عقب الشفط يخف وايد يصير لين بعدين بساعتين تقريبا تحسين انه يرد يعورج ويرد يورم

حبيبتي كمادات دافيه راح تنزل الحليب خلي البيبي يرضه انشالله وبيخف بس اول جم يوم بعدين عادي

حبيبتي سوي كمادات مية دافية واكثري من الرضاعة

خلي البيبي كثر ماتقدرين يرضع افيد له ولج لا تعطينه ماي ولا شي خلج على الحليب لما تتحسن الحاله عندج

لا تحطين ميبو لانه طعمه واااايد قوي راح يكره صدرج الولد حطي كريم بيبانثين واااااااااايد زين وادعيلي

ماقصروا البنات ..

انا صار فيني جذي بعد ماردديت من المستشفى والشفط كان يذبحني وتنجرح الحلمه بس بعدين سويت كمادات ماي حار وحيل قمت اضغط على صدري مثل مساج ليمن قام ينزل الحليب شوي شوي