صدري والحليب المتجمد

السلام عليكم
انا صارلي 23 يوم من ولدت
وارضع طبيعي بس هل يومين احس بصدري اليمين مثل كره صغيره تعور
قلت يكن الحليب متجمد سويت كمادات ماراحت ودلكت صدري هم ماراحت
وخايفه اروح الطبيب
في احد صارله نفسي وشنوقالولكم الدكاتره؟
ردو ضروري*

اتوقع عادي وشفطيه او خلي البيبي يرضع منه واذا ماراح روحي الطبيب

انا ببنتي كان يصير معاي جذي والحل ترضعين او تشفطين لان في حليب واذا تقدرين شور دافي ودلكي الصدر راح تشوفين الحليب ينزل من دون عصر

اشفطي موزين تخلينه يجمد بصدرج

روحي الطبيب احسن

خلي البيبي يرضع منو أكتر من الثاني لين تخف كمية الحليب وحمام دافي مع التدليك الخفيف أو كمادات دافية وما تشوفي شر

ان شاءالله مافيج شي اشفطي الحليب وشوفي

انشالله مافيج شي بس جربي تشفطينه؟مثل ماقالو البنات

اب اب

حبيبتي والله حاسه فيج أنا بنفاسي بولدي صار معاي جذي دقيت ع ريلي يوديني الطبيب يوم وصلت وألا أشوف الزحمه قلت خلاص ردينا نمر صيدليه أخذ مسكن أي شئ المهم وصلنا الصيدليه راح ريلي وعلم الصيدلاني السالفه كلها عشان يعرف ويعطيني الدواء المناسب طيب جاني ريلي بدون دواء قلت وين الدواء قال الصيدلاني سوي هالحركه مرري صدرج بماي دافي مائل للحروره إلي تستحملها جسمك مو تحرقين نفسج وتخذين المشط وكأنك تمشطين شعرج نفس الحركه سويها بصدرج مع الاستمرار يخف التكور إلي تحسين فيه والله أرتحت بعدها وحاولي تخففين الحليب عطي ولدج أو أشفطيه بشفاط خاص بالصدر والله يعافيج يارب

اشفطيه يالغلا وجمديه للبيبي .. ومتى ما بغى عطيه

نصيحتي لج حبيبتي .. تسبحي بماي دافي وخليه ينزل على صدرج واخذي مشط وابتدي من فوق لي تحت ولا تضغطين حيل وسط عشان التكتلات كلها تزل واتمنى اني افدتج وماتشوفين شر يا الغاليه .

دام مافي الم غريب وورم يعني مافي شي يخوف

تلاقين مثل ماقالوو حليب زايد

ماقصروا البنات هذا حليب متجمع اخذي شاور دافي
وبعدها شطفيه .. والحمدالله ع السلامه