|
|
يا اولياء الامور دشوا واقروااا
الله يسلمكم ادري ان العنوان يخرع بس الصراحة ان الشغلة اللي بتكلم عنها تقطع القلب ويعورني قلبي كل يوم لما اروح اخذ بنتي من الروضة …….
انا بنتي بالبلاي جروب ونظامهم ان تروحون وتقولون اسم الطالب واهم اللي اييبونه لي عندكم فتشوفون هالياهل طاير بس يشوف امه والا ابوه يقط روحه بحضنه بس لما ايي الياهل ويلقى الخادمة اهي اللي ناطرته ويشوف اليهال اللي حوله كلهم يلمون اهلهم يقوم اهو بعد يلم الخادمة وطبعا في بعض الخدم اوكي يبادلونهم هالشغلة وفي بعضهم يتلون اليهال ويمشون يعني مستعيلين عشتوا مادري شوراهم … وهذا كله كوم ولما اتيي البنت ومنو اللي مستقبلها بالاحضان ………………………………………….. ………………………………………….. ………………………………………….. ………………………………………….. ………………………………………….. ………………………………………….. ….السايق وطبعا مايصدق تلملم وتبوس فيها يعني من زود المحبة واللي ما انساه ان وحدة شايلها السايق بطريقة شفتوا شلون لما الياهل يبطل ريله ويحطها على خصر اللي شايله جذي..
والله مادري منو اللي مفروض ينلام على هالشي وين الام والابو شدعوة مو قادرين تفضون روحكم نص ساعة تاخذون عيالكم وتودونهم البيت ؟شلون تامنون بهالانسان والا الانسانة اللي ما تعرفون شنو اصلهم ولا فصلهم ولا البيئة اللي يايين منها على ضناكم ؟ما اقول الا حسبي الله ونعم الوكيل بهالاهل اللي اييبون هالعيال ولا يدرون عنهم ….
يقولون ليش معذبة روحج طرشي الخدامة
الله يهداهم
جان زين اتيين جمعية السرة بالويك اند .. اذا تبين قلبج يعورج صج تعالي!!
طلعة المدرسة تهون .. ممكن تكون طلعة الأم و لا الأبو من الدوام صعبة .. بعضهم عندهم شفتات و ممكن يشتغلون ببنوك و لا أي شي .. ممكن تنبلع السالفة
أما ان السايق و الخدامه يطلعون العيال بالويك اند هذا الشي اللي مو قادرة أبلعه كلش
تلاقين الياهل ماسك الخدامة و تحبب فيه و تلعبة .. و السايق يروح يشتريلهم من المطعم و يقعد معاهم ليما ياكلون .. و يدافع عنهم
يا ربي كل ما أشوف هالمنظر تخنقني العبرة .. حراااام عليكم و الله .. عيالكم محتاجينكم انتوا .. ما يبون الحنان و لا الاهتمام من غير امهم أو أبوهم بغض النظر اذا كانوا الخدامة و السايق و لا غيرهم .. مهما كانوا الناس .. ما يغنون عن الأم و الأبو .. عموما الناس ظروف و ما ندري بعد .. لا نظلم الأهل !!
منظر شفته جدام مدرسه اعيالي ولي يومكم الوم نفسي ليش ما خذيت رقم الام وقلتلها عن اللي شفته .. السياره فيها السايق جدام وورا فيها خدامتين لاحظوا خدامتين مو وحده بعد ووياهم ياهل بنيه وينطرون بالسياره عند باب المدرسه ليما ينفتح الباب بالهده والبنيه فيها 3 سنين مو اكثر وامقعدها حسبي الله عليه في حضنه وتلملم وتبوس فيها والبنيه توصل لمرحله انها تأرف منه وتصرخ وهالثنتين اللي ورا طايحيله سوالف وضحك مع بعض ولا لهم شغل !! والله تميت اخزه خز لي حد ما انتبه وهد الياهل .. ياربي الواحد حتى لي قال يبي يتدخل ويقول اللي شافه انا اشدراني الام شنو رده فعلها مو يمكن ما تصدقني بس كان المفروض اسوي اللي يمليه على ضميري واتكلم .
حرام عليهم 
انا عن نفسي اذا انشغلت اقول حق زوجي…
و هم اذا الزوجين مشغولين ما لازم انهم اييبونهم دام انهم مو قادرين لهم و لا حتى فاظين ايوبونهم و يودونهم
حرام عليهم يوم كانت بنتي بالروضه كان ولد ما توديه و تييبه الا الخادمه
كسر خاااااطري
ونحث فيها الامهات على انهم يهتمون بعيالهم00ويبارونهم00بدال الخدم00لعل يصحى فيها ضمير هالامهات؟؟!!!
حطيتها براسي هالحمله !!بس افضى من امتحانات العيال 00واباشر فيها!!
الله المستعان
والله يا خواتي الخدم مهما كان لا يمكنن تكون 100% على الياهل لو شنو
لا احد يقول لي مو كلهم الا كلهم وواحد من كل مليون ممكن تكون زينه .
حرام شذنب عيالنا اللي استانسنا بس قال لنا الدكتور مبروك انت حامل ,,,,وشنو ذنبه لما فرح ابوه فيه وذنبها لما كنت البسها وافتخر فيها وبجمالها واناقتها …
حرام …. الخدم تراهم يعاملونهم معامله محد يدري عنها الا الله.
الف شكر وعسى ربي يدخل بقلوبنا الحنيه علي عيالنا دايم ان شالله