صج رئيسة القسم بس حدها تقعد في المدرسة 6 او 7سنين وبعدين يودونها مدرسة ثانيه؟؟؟؟؟

عندي سؤال عن رئيسة القسم

صج رئيسة القسم بس حدها تقعد في المدرسة 6 او 7 سنين وبعدين يودونها مدرسة ثانيه؟؟؟؟؟

اللي أعرفه من رفيجاتي رئيسات الأقسام إنه ماتنتقل من مدرستها إلا بخط ايدها يعني طالبة نقل لو قاعده في مدرستها 10 سنين

تقدر تقعد بمدرستها عشرين سنه الا اذا الناظره ماتبيها تنقلها أو هي تنتقل برغبتها

اللي اعرفه هالكلام بالنسبه حق الناظرات ان حدها تقعد 5 سنين و يصير تدوير..بس هالكلام سامعته من اول ماتعينت يعني من سنين و مادري اذا فعلا يطبق او لا

لا

ما تنقل الا اذا اهي طالبه او الناظرة ماتبيها

هلا كويتية عاد هالسؤال فعلا كان يشغلني الفترة الي طافت
وسألت أحد الابلات اي صارلهم فترة سنوات بالتدريس
تقول: ان الناظرة اهي الي تتحكم في رئيسة القسم اذا تبيها او لأ..

لالا وعن تجربه تقعد وتبلط وماتنتقل الا بمشكله او نقل تاديبي حتي التدوير حجي ماينفذونه الا علي المغضوب عليهم

ماادري حبوبه ماعندي علم

مشكورين ماقصرتو

وووووووووووويه جـــــــان زيـــن ..

جـان افتــك من الرمــه الي بالمــدرســه ومــالا داعــي انــقل مــدرسـه ثـانيـه

بــس رئيــــسة القســم تــكون ثــابــته بالمــدرســه ليــن تــكتــب نــقل اهي ولا النــاظره تــنــقــلها

جان زين

هلا …
غير صحيح لا تنقل الا برغبتها او نقل اداري من مديرة المدرسه يذكر به المسببات للنقل وان لم تجد مسببات لاتنقل
اما للتدوير على الناظرات بقرار وزاري بعد مرور 10 سنوات فقط

هذا كلام اكيد ومتاكده منه

مو حلوة بحقج تكتبين جذي عن رئيستج بالقسم هالكلمة
ولا اعتقد انتي ترضين هي تقول عنج جذي

شكرا لصاحبة الموضوع بس

ما أتوقع عسووولـه ..
عندنا رئيسه قسم رياضيـات ..
صارلها 8 سنوات .. وقاعده عندنا السنه الجايه بعد

يعني ماكووو فكـه

بارك الله فيج يا عهود الحب لأنا كلنا ما نرضا أحد ينسب بالصورة هذي ….. حتى لو مسؤولتي
الملخص :- جدا مهذبة إنت