صج تو الناس والا انا اتدلع على قولت ريلي ؟؟؟؟؟؟؟؟؟؟

انا حساسه ولا دلوعه ..

ولا معاي حق ..

يمكن انا غلطانه ..

انتو احكموا الحين انا بالشهر الساابع اوكي

وباقي يومين ادش الثامن والى الان ما جهزت شي للبيبي

وكله زوجي شايل ايده

ما عندي الحين .. تو الناس عليج ريضه

اشلون تو الناس انا وين فيني شده على فرارة السوق بعدين

اذا الحين خلصت تجهيز عمري بطلعة الروح وتعبت

لولا امي بعد عمري تفتر فيني وبيني وبينكم تزوغ قلبي على شغلات للبيبي

واشتريها واخشها عند امي علشان لا يشوفها زوجي ويشيل ايده بالمره ما ادري صح اللي سويته

ولا غلط ؟؟ انا مو قادره اقنعه حتى يعطيني مبلغ معين اشتري فيه

ولا راضي يروح معاي يشتري وحجته ما عنده فلوس الحين .. شكوووو؟؟

الله يعيني !!

لا تزعلين مني بس……..
عساه ما ايي معاج
عندي وعندج خير
هذا اللي اسويه الحين اروح مع خواتي ومرت اخوي
وداشه جمعيه وكنت اجمع من بدايه الحمل
والا جان ما قدرت اشتري اللي شريته وكلف ولا 400 دينار
قوليله قرقش الحين قبل باجر

لا معاج حق الصراحه

اذا ماجهزتي الحييين عيل متى بتجهزييييين مابقى عليج شي خلصي شغلج بسرعه وانتي ماتدرين متى راح تولدين

مسكينه كسرتي خاطري انتي بجر ولا عندج عيال

لا بصراحه احنا مانبي نشيشج بس والله بعدين تثقلين انا اول اسبوع بالثامن ومااالي خلق امشي متثيقله الله يعينج على الفراره اذا تبين اماكن او ادليج على اي شي راسليني عالخاص عشان ما تتعبين وتفترين وايد

والله يهديه

انا معاج بهالشي لازم يتعود انه يروح معاك ويصرف على الي في بطنك

حني عليه

كثر الدق يفك اللحام

حاولي معاه يعطيج مبلغ حتى لو مايبي يروح معاج

قوليله كل اللي بخاطرج ولاتسكتين ..

حبيبتي اذا عودتين أنج أنتي تدفعين خلاااااااااااااااااااااااااص طول عمرج أنتي ألي بتدفعين
قولي له شوف أنا خلاص اذا دشيت الثامن أحتمال اولد بأي وقت ولازم اجهز بسرعه ولا تبي البيبي يقعد مفصخ باجر الناس يضحكون علينا
يقولون وين هدوم ولدهم ولا بنتهم ؟؟ قولي له ترى موشرط أولد بتاسع يمكن بثامن (( الله لايقول بس لازم تقصين عليه ههههههههههه ))

وخليه يدقع اذا قال ماعندي قولي له تصرف هذا لولدك او بنتك باجر لا ولدت محد بيتوهق غيرك البيبي ماعنده هدوم كلش منو يروح يشتري ؟
وقولي له هذي أحلا لحظه أنا وياك نطلع نشتري للبيبي ونقي وتصير أحلا ذكريات
قصي عليه بالكلام الحلو p:

um khaled

يا ربي .. ليش احنا مقاريد الحمد لله والشكر

الله يعينج يا قلبي وصج يكلف ..

^noonaa^

تسلمين يا عمري عالرد

والله كريم امري الى الله .. شسوي بعد

ام سالم

شفتي اشلون يا ام خالد والله ما ادري شهالنحاسه

وعلى فكره بجر .. وسبحان الله من تزوجت وانا ما شفت الدلع

3 شهور وحملت ووحام وكله يقولي انتي ترى دلوعه حيل

وما تصبرين

وياليت يا عمري تدليني وين اروح اشتري الله لا يهينج ..

faith1

مشكورة على الدعم حبيبتي يسلمووووو..

جذابه بنت ذيابه

انا انا احن .. والظاهر حنته طلعت اقوى مني

الله يستر من اللي جاي ..وتسلمين عالنصيحه .. يا قلبي

تالي تقديرك

واااااي كلام حلو مو حلو يتعومس والمصيبه

الحين سياسه جديده ان شاء الله حاضر

وماكو شي .. طااااااف

على كل لا تححرمينه هالطله حبيبتي

عاد انا تعودت خلاص وغسلت ايدي بغاز منه
روحي سنتر بوينت واخذي من الاف لي الياي
كل شي تبينه ونوعيه ممتازه
من ملابس وسرير وعدة البيبي
واذا اهو نوعه كريم جذي ………………!!!!!!!
اشتري كل شي عملي ويصلح لي شهور يدام
وحاضره لاي استفسار

لا يا قلبي مو حساسه
معاج حق ميه بالميه
يعني بالثامن والتاسع بتكونين ثقيله وينج ووين التشري
بس يا عمري سايسيه لا تتهاوشون عشان شي المفروض إنه حلو
يعني قولي له ودي أروح معاك ونجهز للبيبي من زمااااان ناطره هاللحظه
وأخاف الله لا يقوله أولد مبجر وما جهزت شي
وخلاص أنا كل مالي وأثقل
يعني بالكلمه الطيبه توصلين للي تبينه إن شاء الله

ام خلود تسلمين يا قلبي

بس مابي اعيش هذا الرعب ..

اني انا اشتري واحط واااااي صج الله يستر

ســـبحــان الــلــــه وبحــــمــــده ســــــبحـــان الـــلــــه الــعـــظــــــيم…………..لاحـــول ولاقــــوة الابالــلــــه

لوووووووووووووول ياكروشه لايضيق خلقج ولاشي كل الريايل جذي نفس الطقه عندهم السوق شي تافهه ومايحبونه

بالعكس مو تو الناس الحين أنسب وقت للتجهيزات باجر لي دشيتي شهرج بتشترين أي شي والسلام بس بتفكين عمرج

تمتعي ياقلبي بتجهيزج

والله يهديه ويصلحه لج

وقولي له ليتك تشوف باجي الحريم مايشترون لين ايفرون اسواق لكويت كلها جان تحمد الله علي

الله يهون عليج ويرزقج هون الطلق وحسن الخلق

اتفضلي يااااااااااااا أحلا كروشه

شنو تسوين بعد ؟
عيل نطري عليه في يوم يمون مزاجه عال العال وكلميه وقوليله شنو يلبس وشنو وشنو ؟
يمكن نظام ريلج الحنه ما تنفع وياه

مرزوقة سيسم

الله يعلم يا عمري اشلون اعامله .. المشكله انه يقووولي

حاضر وان شاء الله ونروح تخيلي نروح علشان نشتري

بعدين يقولي بالسياره والا بالطريج ترى مو جايب فلوس

تنبط مو جبدي مرارتي بعد .. انزين ليش ؟؟؟