|
|
شلووونكم بنااات شخباااركم
انا الحمدلله ولدت بسلامه ويبت بنووته حلوة الله يحفظها لي اهي و اخوها يااارب
وانا ناويه هالمره ارضع بنتي ان شاء الله و كل مايااعت حطيتها على صدري بس ماكو حليب زووود حتى حاولت اشفط طلعو خمس نقط بس!! لاحظتووو اني عاادتهم لوول
المهم اني بهالنفاس واايد متوتره و معصبه و متضااايقه و منقمته لان عندي مسؤوليتين ولدي صغير و بنتي النتفه و احاتي الغيره غير ان ولدي يقوم البح اب اجابله و بنتي تنام بالنهار و اتخصرلي بللييل 
بلييز ااازروووني و قولووولي شاسوي ابي يزيد حليبي هالشي متعب نفسيتي زووود
صج اذا تضاايقت و تنرفزت ينشف حليبي؟؟ و شنو تسوي شلون اهدي نفسيتي و شنو اكل او اشرب عشان الحليب؟؟ توني اليوم بديت بالفيتولات بس مابينت النتيجه طبعا يبيلي وقت
|
المشاركة الأصلية كتبت بواسطة mrs_lonely84
 اهم شي الراحة النفسية والاكل الصحي وكثرة السوائل خاصة الماي
|
أ أيد مسز لونلي بالشغلات إللي ذكرتها ، و إي صج النفسية تأثر عالحليب ، لأن الحليب أنتي تنتجينه ، فكل الهرمونات إللي تصدر من جسمج عن العصبية و النرفزة و الحزن و ضيقة الخلق ، تصير بالحليب بدرجة بسيطة جدا ، بس ما اتوقع تأثر عالبيبي نفسه
و إللي فعلا يزيد الحليب ، هي عملية الرضاعة نفسها ، يعني كلما رضعت بنتج أكثر ، كلما زاد الحليب تلقائيا ، لأن عملية المص بالرضاعة هي إللي تحفز الهرمونات بانتاج كميات الحليب
أنا رضعت ولدي الأخير رضاعة طبيعية كاملة لمدة سنتين إلا شهر ( يعني سنتين هجريتين كاملين تقريبا ، و هي الفترة المذكورة بالقرآن الكريم – و فطامه في عامين أن اشكر لي و لوالديك و إلي المصير )
وايد نصحوني بالحلبة و الرهش و المكسرات و البقدونس و السمك و الحليب ، بمعنى آخر الأكل إللي يكون غني بالسعرات الحرارية ، و البروتينات و السوائل
و كنت أحس ساعات إن الحليب إللي بصدري شوية و ما يكفي البيبي و لا يشبعه ، و رحت حق دكتورة أمراض نساء ، غير الكتب إللي كنت شاريتهم عن الرضاعة ، لأني كنت مصرة على اكمال فترة الرضاعة بدون الصناعي نهائيا ، اكتشفت أن الأحساس بضغط الحليب يقل تدريجيا ، لأنج تتعودينه ، مو لأن الحليب قل فعلا ، و قالي الدكتور : دام الياهل ما يبجي عقب الرضعة ( البكاء دليل عدم الشبع ) ، و دام صحته ممتازة و وزنه يزيد ، فالأمور ماشية تمام
و جهاز الشفط : فعن تجربة ، جهاز ميديلا إللي ينباع بمذركير ، أحسن جهاز شفط ، ( سعره مو هين ) ، لأني كنت أشفط الحليب بعد ما أرجع من الدوام مباشرة و أحطه بالفريزر حق اليوم الثاني لما أكون بالدوام
و النفسية عادي تصير xxxx بعد الولادة ، بسبب تغير الهرمونات
و لا تحاتين سفر الوالدة ، إنشاء الله تروح و ترد بالسلامة ، و أنتي قدها ، تقدرين تدبرين أمورج بهالفترة البسيطة
و الله يسهل عليج و ييسر أمورج يارب
ونظمي وقتج مع اعيالج اذا نامو ارتاحي نامي على نومتهم
ولا تعصبين ولا تتنرفزين وايد انتي بنفاس لازم تراعين نفسج وتغذيتج
انا اول ماولدت حليبي كان شويييييييه بعدين مع الرضاعه كل يوم وبدون صناعي طبعا زاد الحليب .. بس انا ماكنت اكل وايد بس كنت اشرب حليب وماي .. وفكري باشياء حلوه تتغير نفسيتج وخلال الرضاعه غني حق البيبي و سولفي معاه
اي انا الدكتوره وصفتلي حبوب تساعد عالرضاعه بس بصراحه خذيتهم شهر بس ماكملت عليهم ماحسيت انهم اثرو وايد
اذا ماخاب ظني كان اسمهم فيتولايت