|
|
اشلونكم يا حلوات
في سالفه لرفيجتي ماثره فيني وايد اهي حبوبه وطيبه وظاهريا الي تشوف زوجها تحسدها عليه بس ياما تحت السواهي دواهي سولفت لي قصتها واستاذنتها اني اعرضها بالمنتدى بس رجاءا الي بتتمادى بالرد وتهاجم لا ترد توفر الرد لنفسها لان راح اطلب من المشرفه تعطيها انذار
انا تعرفت عليها عن طريق رفيجتي وصرنا حيل مع بعض وسولفت لي قصتها اهي متزوجه من 9 سنين تقريبا سنه 2024كان عمرها 19 يوم تزوجت البنت ماعليها قاصر مملوحه وجسم وشهادتها دبلوم ووظيفتها حلوه تزوجت واحد يصير لها من بعيد ومن صغرتها كانت تتمناه واثاريه اهو بعد يبيها واصر يتزوجها طبعا جامعي وحلو وطويل وجسمه حلو وكل وحده تتمناه حالته الماديه ممتازه يعني ابوه حالته احسن من خوانه وخواته كان منصب قبل لا يتقاعد وعنده املاك ضاعف ثروته وعنده عقارات وتجاره وولده طلع عليه خالتها حبوبه وحمواتها ثلاث حبوبات وكلهم متزوجات وحماها العود متزوج ومرته تغار منها وكله تقارن بين زوجها وزوج رفيجتي لان اهو مو بذكاء ابوه بس العود اشتغل عقب الثانويه وزوجته هم دبلوم بس دورات خاصه
عاد زوج رفيجتي يشتغل مع ابوه العصر بتجارته والابو عطاه اهو واخوه مبلغ محترم وكون نفسه بس العود فسفس بالفلوس لكن زوج رفيجتي ذكي طبعا تزوجها سوى لها عرس بفندق ريجنسي وشهر العسل امريكا وكل سنه يسافرون اوربا يا المانيا والنمسا يا فرنسا وسويسرا وايطاليا وهولندا وطبعا لندن ولبنان خو لندن ودبي تروح لهم بالسنه على مرتين وثلاث وطلعاتها على كيفها وعندها بنت وولد وولاداتها بالمواساه بارقى جناح وطبعا ماركات بالهبل بالسنه تشتري 3 او 4 جناط ماركات غير اللبس والجواتي وانتوا بكرامه وسيارتها مرسيدس ولها دور عند اهل زوجها يهبل خصوصا ان حماها وزوجته طالعين بشقه واهي ماعندها الا حمى واحد تزوج قبل اخوه بسنه وزوجته اكبر من رفيجتي بالاشهر
وبنات خالته وعماته يغارون منها واهو جدام الناس مدللها ياعمري ويا حبيبتي اشكره مايهمه يقول لها جدام عماته وخالاته وبناتهم وكله يقول جدامهم لو تطلب لبن العصفور يبته لها يعني مدللها على الاخر
بس مايدرون شنو الي بينهم طبعا اول سنتين عاشتهم معاه سمن على عسل وعقب عين ماصلت على النبي اعتفس حالها معاه اهو يعطيها كلام حلو ورومانسي وزين معاها بالفراش مدللها بس جم مره تطيح عليه يخربط بالماسنجر وتلفونه خيانات وبلاوي تطيح على ارقام بنات وتتهاوش معاه ويتاسف انه مايعيدها لكن بوطبيع ما ايوز عن طبعه ومره طقاها وزعلت عند اهلها بس رد يبجي ويتاسف لها ورجعت عشان العيال ولاتقدر تطلق لان ابوها عصبي وامها سلبيه وحريم خوانها مو هينات واختها الي اكبر منها متزوجه ولاهيه بحياتها فمالها الا المعاناه والصبر وكله تساله انا بشنو مقصره يقول لها كامله والكامل الله بس نزوه واوعدج ما تتكرر ويراضيها بجنطه ولا بوك ماركه ولا سفره حق لندن وعقب يرجع لطبعه
تقول هذا الي سوى المستحيل عشان ياخذني وانا كنت ميته عليه والكل حاسدني عليه والحجي يوصلني كله يقولون شلقى فيها فيه اجمل منها صاير خروف لها ومايرد لها طلب مع ان ماعليها قاصر بس الحره وماتسوي تقول يضحكون جدامها ويسولفون معاها ويسالونها عن لبسها ومكياجها وعطورها وجناطها ومن وراها يذمون ويتحلطمون تقول خل يشوفون عيشتي معاه تقول اليهال كاسرين ظهرها صج اهو ماينام مع بنات ابليس بس ممكن باجر يسويها وابليس مامات
واهي من نوعها ماتتكلم عن مشاكلها ولا تمدح زايد بس اهو طاير فيها بالعالي جدام الناس
صج الدنيا مظاهر ولا تغترون بالي تشوفونه البيوت اسرار
كسرت خاطري وانا كنت اقول يابختها عليها بالعافيه صج من شاف مصيبه غيره هانت عليه مصيبته
الله يفرجها عليها ويسخره ويهديه
انتوا لو مكانها تستمرون بهالزواج ولا تطلبون الطلاق ؟انا قلت لها تتقاضى عشان العيال
أكيد أكيد أكيد تتقاضا علشان العيال و علشان نفسها
وهم بعد تدعيله بالهدايه
ما تدرين يمكن ايتوب
الله ايهديه وايسخره لها
الله يهديه ويسخره لها ..
وايد تغرنا المظاهر حسبالنا الي عندهم بيزات وكل شي متوفر لهم مرتاحين لاهذا مرتاح ولاذاك مرتاح ==خل تصبر علشان هاليهال كلنا صابرين علشان عيالنا
اكيد استمر .. بعد 9 سنوات الحين تبي تطلق او تسوي هوشه معاااه .. بس لا تفقد الامل خل تدعي له يمكن الله يهديه
خليها تصلي وتقرا قرآآآن .. خليها تحسسه ان الجنطة والبوك والسفر ما صار يغني عن الامان والحب اللي لازم يكون موجود بالبيت ..
لا يصير طمع الدنيا كل همها …
باجر لو احد شافه مع وحده من رفيجاته والله رفيجتج هذه بتنفظح واللي بيتشمتون فيها واااااايد
الله يعينهااا تعاني برووحها ومحد حاس 
يبيلهاا قووة وصبر تهجرة بالبيت وتحاول تسنعه اكيد صعب هالشي بس تحاااول
واضح يحبهاا بس يحب يخربط لانه تعوود على هالشي الله يهديه ووصيها بكثر الصددقه والاستغفارر والدعاااء
فدديتج يالذرربه احب سوالفج وطريقه سردج للموضوع
الله يعينها و يهديه
خليها تصلي بليل و تدعي ربها و لا تروح معاه العمرة
كنا كلنا نحسدها من كثر الماركات و السفرات و السيارات اللي تتغير كل سنه
و الدلع
كان زوجها يدق عليها مليون مره بس عشان يقولها أحبج
تخيلي بعد ثلاث سنوات
تطلقت
عاد ليش؟؟؟؟
يوم سألناها
قالت :
والله يابنات من ليلة عرسي و أنا ساكته وصابره لايغركم كل اللي تشوفونه
زوجي مابقى وحده خربانه إلا وجابها لي فراشي
و بدال التليفون عنده سته ,,
صايع حده ,,
وكل ماشاف وحده اعجبته قالي ابيج تسوين نفسها و اتخيلج بالفراش اهيه
صراحه اصدمتنا ,,,
صج البيوت اسرار
مالها شغل بالناس
وتزيد اهتمامها فيه
وباجر لو يصير شي كل من بيضحك عليها
هاللي شايلة همهم اول ناس بيتشمتون
عالعموم شدراها انه ما يخربط مع البنات بالفعل
الرجال مو طوفة الي يخربط بالكلام يخربط بالفعل
ومعروف الرجال لما يدلع مرته بالتشري والهدايا تخافين منه اكثر
سبحان الله محد خالي لاتقولين
وفعلا ابليس مامات
انا بودي اعرف جم اعمار عيالها وعددهم
افضل حل
الهجر بنفس البيت
تكشخ وتلبس وتعيش حياتها
بس ما تخليه يقرب صوبها
ولما يناقشها او يسأل شفيج
تقوله
انت تمثل جدام الناس انك تحبني وانت من وراي تخربط وتلعب بذيلك
خلاص انا بكمل معاك التمثيلية
عشان عيالنا مايتفرقون وماينحرمون من امهم وابوهم
بس دام انت تزني وتلعب لاتقرب صوبي
يكفيك الي ماخذينك مني ويلعبون معاك بالحرام
وتصد عنه
صدقيني كـ نصيحة اشد من هجر الزوجة عالزوج مافي
ترى النقاش المتعقل والهاديئ يجيب نتيجة رائعة
خاصة بحالة الخيانة
بالأول راح يكمل لعب ويعيش حياته
لازم هي تكمل مسيرتها وتصبر
شوي شوي راح يتغير
واذا جاها ندمان تروح معاه عمرة وجدام بيت الله يتعاهدون عالاخلاص
خل يحلف لها ويعاهدها انه يتوب ويترك الخرابيط
ودعواتي لها
هو يحبها
بس الخرابيط تسري بدمه الله يهداه يارب ويسخره لها
باجر لو تطلقت الناس مايدرون عنها بيقولون عنها فسقانه ورفست النعمة برجولها
مسكينه محد عارف عن حالها
الله يصبرها