صباح الخير

صباح الخير

حبيباتي بغيت اسالكم اذا بقدم هديه بس فلوس حق اختي توها والده برايكم اشلون اقدمها ابي طريقه حلوه وفنتق ماعليكم امر

انا يوم اولدت اختى خذيت مجسم بيبى من محل الحلويات فيه دبدوب وبيت ورود انا مسكت الدبدوب فلوس ولفيت الفلوس وحطيتهم بالبيت كل وحده لفتها بروحها والورود حطيت عليهم فلوس كان شكله روحه وكل من شافه نصدم طبعا المبلغ 100 دينار وانا مسويتهم خمسات
———————
ومره سويت لاختى وحده والده طبعا بعد ماكملت شهر لعبه تجميع وجوب البيبى كانت فكره حلوة حتى خواتى تفاعلووو معانا بالعبه

طبعا المبلغ 100 وعلى 10 دنانير وخشيت كل عشره بظرف بدار اختى مالت النفاس بمكان وعطيتها ظرف فيه بطاقه

انصدمت وقلت تبين فلوس روحى جمعيهم وفتحت الظرف الاول يقول هل تردين تجميع 100 د ابدئى الان ابحثى بالقرب من السرير وتروح هى للسرير ودورر وتلاقى الظرف وفيه عشره وورقه مكتوب فيها معك الان عشره هل تردين ان تكون 20 ابحثى تحت السرير وهكذااا لين تلاقى الاظرف بالتسلسل ظرف ويديج لظرف لين تكملى د100والله كانت حركه حلوة تونس اختى تقول اول مره احس بطعم الفلوس لانى تعبت بتجميعهم ههههههههههه وسلامتج

لووووووووووول ضحكتني طريقه البحث عن الفلوس حدها فان.. بس مو جنا الموضوع هاذا له قسم خاص فيه

انا كانوا ثنتين مسوين لي حركة حلوة فيها و بسيطة

لافين الفلوس جنها سيجار و رابطين كل 10 دنانير بشريطة حلوة و حاطين قش حواليه

وحده حاطتهم ببيضة كبيرة شوي .. و الثانيه بعلبه صغيره بس تشوق

انا وحده يوم ولاده اختي جابت لها استاند ورد.. وشفتي العود اللي يركبونه عالاستاند ويحطون فيه البطاقه..

هي حاطه كذا عوود وثبته فيه الفلوس.. وايد حلوو

ماشاء الله خوش طريقة طريقة الاظرف وايد عجبتني وان شاء الله بطبقها تسلمين حبيبتي

مشكوره حبيبتي سويت نفس طريقتج بس بدال القش حطيت بخور ومره ورد مجفف

خوش طريقه تسلمين حبيبي

ييبي بوكس كبير شويه
حطي داخله دبدوب و ورد جوري او قرنفل بس خليهم واقفين
وحطي لها بوكس صغير فيه الفلوس

الله حلوه طريقتج مشكوره حبيبتي