صاير معاي امساك وامس نزل دم مع الخروج خففففت

السلام عليكم

بنات انا حامل بآخر السادس وامس نزل علي دم مع الخروج تكرمون

ولونه احمر غامج وحسيت بألم بعدها !!

خفت مادري شسوي انا معاي امساك صارلي جم يوم طبيعي يعني اكثر سوائل ولا اروح الطبيب

بليز ردوا انا بجريه ومتوهقه 

لا يا عمري روحي الطبيب خل يعطونج ملينات وو تفادي الإمساك إكلي خس شربي ماي وايد فواكه

هذا الدم تكرمين شرخ بالبواسير عالجيهم عشان لا تتأذين بالولادة

الله يسهل ويتمم عليج يا رب

روحي اكيد حبوبه احسن

روحى للطبيب تطمنى افضل

بس خروج الدم يصير مع الامساك لكل الناس وان شاء الله ما فيج الا العافية

الدكتورا صرفت لي بس قالت عند اللزوم خلاص باخذه وبكثر خضرا وفاكهه

ومشكوره حبيبتي علا الدعوا الحلوه ولج بالمثل

حبيبتي شربي ماااااااي حتئ لو تغصبين نفسج صدقيني راح يروح الإمساك انشالله

حبيبتي هذا يكون من البواسير راجعي الدكتور يعطيج كريم او تحميله وكثري ماي وبرتقال وان شاءالله مافيج الا العافيه

مشكورين حبايبي الي ردو
وانشاء الله بروح الطبيب

واااااي الله يعيييينج حااسه فيج كثري سوائل وبرتقال والله يشفيج ويهون عليج ياقلبي

شقرا كويتيه

مشكوره حبيبتي وهذا الي بسويه

بواسير ياقلبي
كثري من الخضار والفواكه عشان لا تكبر معاج

اكلي فواكه وحده بوحده
كرز و مشمش و خوخ و شمام و رقي
و خضروات

و ان شاء الله بتروحين الحمام على طوول

حبيبتي هذا معناته بدايه لشرخ في الشرج فإذا لقيتي مره ثانيه دم حاولي تتنقعين في ماي وملح ثلاثه الى اربعه ايام عشان يلتأم الجرح وان شالله مافيج الاالعافيه وكثري من اكل التفاح والجزر والبرتقال وكثري سوائل
وعلى الله الشفا ان شالله

ام قدور هذا اسمه شرخ شرجي
يعني مو بواسير
سألي مجرب …. انا عانيت ليما نصحتني وحده بالعسل الطبيعي الاصلي
عقب الخروج تكرمين جيبي عسل ودهني فيه المكان وحاولي تدخلينه لداخل كثر ماتقدرين
استمري اسبوع وادعيلي
وشوفي هالموضوع كتبته عن تجربتي ……
حامل وتعانين من البواسير …. الله يعينج

كثري ماي عالريج قلاصين ويفضل فاتر مو بارد
كثري فواكه
كثري خس رووعه
وعنب عجيب
وعصير برتقال المراعي اشتري العلب الصغار وشربي لج باليوم علبتين
مووووووووووووصج