|
|
السلام عليكم
كل عام وانتوا بخير بمناسبة العوده الى المدارس
امهات ذوات الخبره بالحضانات ابي منكم اتفيدوني واتقولون لي اشلون تغلبتوا على هالمشكله؟؟؟؟؟؟؟
طبعا انا اعيالي دخلتهم حضانه وقاموا يبجون قالولي عادي ّ!!!بس الحين مع بداية الاسبوع بعد قاموا يبجون مايبون يروحون الحضانه بس البسهم الصبح يبجون يقولون لي ماما مانبي (سكوووووول).gif "Eh S(11)")
.gif "Eh S(16)")
ولما اوديهم هم بعد يبجون ويعورون قلبي ووايد احيانا الوم نفسي ان وديتهم الحضانه بس بعد ارد اقول خليهم يستفيدون واحسن من قعدتهم عند الخدم اللي مامنهم امان .gif "Eh S(14)")
ابيكم اتطمنوني عادي جذي؟؟
اشكثر طولوا اعيالكم وتاقلموا مع الحضانه؟؟
وراح يحبون الحضانه بعدين؟؟
وهل اتحسون ان اعيالكم استفادوا من الحضانه وتغيرت شخصيتهم؟؟
يعطيكم العافيه وسامحوني اذا اذيتكم بأسئلتي
ان شاللة البنات بيفيدونج
يقولون عقب 3 أسابيع بروحهم يركضون يبون السكووووول
الله يحفظهم
لان مايبون يقومون الصبح اذا عيالج اسبوع انا عيالي اشهر يبجون مايبون الحضانه مايبون يقوومون الصبح تالي رقص وغناوي ويا الابلات
نصيحه جدمي نومتهم
انا سلمت المهمه حق امي اهيا بتوديه لاني حامل وماقدر اطلع من البيت من الثقل ادعوووووووووووووووووووولي بنات انه يتاقلم بسرعه.gif "Eh S(9)")
وانا فعلا انيمهم امبجر الساعه8 ونص اهما بفراشهم الحمدلله
بس اتمنى انهم يتعودون على الحضانه
الحضانه مفيييييييده
انا ولدي مو بس يبجي الا يرجع تقولي الناظره ماعليج طبعا اغسله واخليه عندهم ماصار اسبوع الا الاخ يبي الحضانه وحتى الخميس والجمعه
بس انا ما انومه من يرد من المدرسه لعب وغدا ولويه والعشا 6 بالكثير 6.30
ماتصير 7.30 ولا 8 الا اهوه في سابع نومه وطبعا لو تيين بيتنا الساعه 9 جنج داشه علينا الفير
…وكل شي ولا اليوم وديته جان ينحاش مني ويركض بالشارع وتمقطلي عالقار ما يبي يدش…لما يه الحارس شاله ودخله ووديته داخل بصفه وتالي طلعت …واسمع صراخه لي اخر الشارع….
والعجيب انه الابله تقولي انه عقب سكت وقام يشارك
بس ياربي ليش هالحركات من الصبح ولي متى!!!!!!
بس بيني وبينج جنه هالاسبوع احسن من اللي قبله والله المستعان
بس شسوي انا وابوه دوام الصبح
وما ودي اخليه مع الخدامه
بسم الله عليه الحين يلقط ويفهم خل يدرسوونه احسن من مجابل الخدامه
اهي مو مساله مايحبون الحضانه مساله قومه الصبح ترا
والحضانه ا حفظ واحسن من الخدم
احنا الحمدالله خف علينا البجي ويا السكول الله يعافي البقاله اللي يم مدرستهم كل يوم اشوقهم حق شي هناك واقص عليهم بنص دينار
بنتي الحين عندها جملين وزرافه وخواتم وتراجي
الثانيه عندها يمكن اربع مادري خمس ستات من بطاقات يوغيو (مادري شنو اهو بس جنه جنجفه) وعده لعبه الغولف وكرات والوان
و على قولتكم ابيه يتعود و يتعلم .. احسن من البيت
بس والله سالفة الحلاو نفعت معاي
صار البجي اخف
والاقتناع بالحضانة زاد
اعطيه بايده 3 او 4 حلاوات اقوله (هذي حقك وهذي حق عبودي وهذي حق عواشة) هذولا معاه بالصف
ويتشجع
وهم اخلي معاي وحدة احتياط اذا دخلنا الحضانة واحسه بيبطها بجي اعطيه وانحاش
بعدين يفقد الطفل الثقة فيج
اشري بايدج باااااااااااي بعدين انحاشي
هههههههه
بس عشان يكون يدري انج بتطلعين