صار لي 5 اشهر بعد عملية خشمي

هااااي بنات ولهت عليكم من زمان عنكم ومشكورين على هالرسايل واايد وااايد
حبيت اكتب هالموضوع لان بنات وايد الي مسوين خشومهم ولي بيسون يدزون لي رسايل فهالجواب للكل؟؟؟
الخشم يبيله سنه عشان تحصلون النتيجه الشبةة نهائيه يعني صبرووووووو
انا صارلي 5 اشهر ويتغير شكل خشمي ومع اني ماجست فتحات خشمي فيه اختلاف فيهم بالشكل ولحجم وفيه داخل اورام احس فيها وصارلي 5 اشهر شلون انتو الي صارلها يومين وشهر …
انا الحمدلله النتيجه وايد مرضيه مع ان عمليتي علاجيه بس دكتوري اجنبي فمصمم اعالج خشمج ومره وحده اعدل شكله شويه فخليته على راحته لان الاجانب مومثل الي عندنا الله بالخير جمال الخشم يصفقونه مرا وحده ويخلونه زلاقيه فيبين حده تجميل..
الحين مثل ماقتلكم صارلي 5 اشهر وشق العمليه تحت خشمي واضح فيه خط وختلاف بالفتحات بس حيل بسيط محد لاحظ انه فيه اختلاف غير الي يدقق فيهم ..تقريبا اهو فش صار ضعيف وعلى الجنب مرتب بس مابينت النتيجه كل يوم احس خشمي غير مرا ينتفخ مرا يفش

واي استفسار انا حاضره لكم

الحمدلله على سلامتج و ماشاء الله 5 اشهر يعني غدا الشر ,, انا ادري ان ليلحيين الخشم وارم بس متى حسيتي ان شكله صار مقبول عقب شهر شهرين ؟ ولا شكثر

الحمدلله على سلامتج ,,,, بس ما قلتي منو دكتورج و باي مستشفى سويتيه ؟؟

اب اب

تدرين من فترة الى فترة تطرين على بالي
لما كنت متضايقة اول ماسويتي العملية

اذكر لما قلت لج لا ادققين حيل بخشمج ولا بتطلع بلاوي زرقة بسبب الملاحظة الزايدة
الحمدالله ان امورج تمام وكل شيء تمام

الله يوفقج حبيبتي

واي حبيبتي الله يعينج خمس شهور وليلحين تعانين يعني النتيجه ما تبين بهالسهوله انزين متى بديتي تطلعين وتزوووورين الناس بخشمج الجديد وتحسين حالج صرتي احلى بخشمج بعد خمس شهور يعني مو مثل اول شهر
متى بديتي تحطين مكيااااج ؟؟؟
شنو التغيرات الي حسيتيها صارت بخشمج يعني من اول يوم بالعمليه ليلحين شنو الفرق بعد خمس شهور ؟؟؟
وليش حبوبه اثر الغرز ما راح الي تحت خشمج ادكتورج ما يعطاج مرهم يوخر الجرح؟؟؟
حبوووووبه الله يووووفقج ويسخرلج اهلج ويجملج خشمج اكثر واكثر ابي الرد بالتفاصيل الممله لاني انا مسويه خشمي من 10 ايااام بس وليلحين ما شال الجبيره بيشيلها لي بعد 4 ايااام والله حدي خايف خشمي مرفوووع وشكل الارنبه مدلقم رغم ان الجبيره فووووقه ب احس جذي انتي اول ما شلتي الجبيره اشلووون شكله كان والحين اشلووون شنو الفرق بينهم تكفين نوريني """"""

ياحياتي تيتانوم
انا هم مثلج الفتحه اليسار غير وفيها من داخل تورمات وملتهبه عشان جذي اظن شكلها غيير .. بس انتي 5 شهور وماراح التورم الي داخل؟؟
انزين الارنبه فشت جم بالاميه اللحين؟ صغرت عن اول ماسويتي العمليه وايد والا نسبه بسيطه؟
الله يعينج على اسئلتي بس تحمليني عفيه

الف الحمدلله على سلامتج ولو انها متأخر ^_^

بس ان شاء الله بحول واحد أحد ماتمر الـ 6 شهور الا خشمج يهبل

مثل ماتتمنين واحسن وانتي بصحه ان شاء الله

وماخبرتينا عند منو سويتيها

حمدلله علي سلااامتج

الحمدالله على سلامتج ياقلبي
ويطلع خشمج صغنون ومثل ماتبين
بس حبيت اسألج شكله اختلف من اول شهرين من سويتي العملية

خشمي مقبول بعد العمليه بسبوع انا اطلع وتمشه …لان فترت سبوع تروح الزروقه ولورمات تحت العين وخلاص الخشم شكله مرتب وحلو وايد ومن شال الجبس طلعت وتمشيت وولا احد حاس بشي ….انا اتكلم عن اشياء طفييفه انا الاحظها بس غيري مستحيل يلاحظها واغلبها تحسين فيها داخل الخشم… ولخشم مع الاشهر تحسينه يصغر اكثر واكثر ويترتب … تحسينه ينكمش فهمتي قصدي

برونزيه بديت اطلع ثاني سبوع بعد العمليه وشكلي تمام ولمكياج عادي من شال الجبس احط مكياج … لا وبعد رحت استقبالات وعروس وانا صارلي شهر بعد العمليه وخشمي اصلا متغير وايد فيه ناس حسو وحشو طقاق يطقهم وناس مايدرون عن شي لان خشمي اساسا وايد صغير وعمليتي تصحيح حاجز ولدكتور مثل ميقول صقل الخشم يعني برده ورتبه … وبالنسبه للخرز ماكو اثر غرز تحسين تحت خشمج مثل خط ولدكتور عطاني بس مرهم مبيض احطه عليه عشان ميصير غامج لان مكان الندب يغمج بس مرهم للعلاج لاء ماعطاني يقولي كل شي طبيعي وحطي فازلين ..
وبرونزيه اول ميشيل الجبيره راح تنصدمين من شكلج انا بجيت بجي وبنتحر وامي واختي ناطريني بالشارع يبجون عبالهم تشوهت لوووووووووووول لما شافوني قالو يهبل ينيتي شويه منفوخ بس بايت حلو… انتي راح تنصدمين لان متعوده على شي وراح تشوفين شي حتى مو متوقعته بس بعد 3 ايام تتقبلين نفسج بس عادي تقبلي الخرعه))))

الفرق فرق السما عن الارض من صج تغير حده ولطبيب يقولي ماشفتي شي نطري سنه وكل سنه يترتب اكثر يعني مطولييييين

الارنبه عندي فشت وايد وعاجبتني جذي مابي اكثر تفش انشالله..اي وايد تغير خشمي عن اول مثل ماقتلج نمولتي يترتب…وانتي روحي للطبيب اذا كنتي مستعيله يعطيج مرهم يفش لورام بسرعه وتمارين ممكن تساعد على تساوي الفتحتين

اي صج اتحسين الاختلاف ايي بطيييييييييييء بس تحسين جنه الجلد قام ياخذ شكله ..تحسين مثل جلده الخشم بدت تنشد على الخشم ولخشم ينكمش

من اول شهرين ..لاء مايختلف وايد مايعطيج نتيجه مطمئنه ولا نتيجه قريبه بعد يبيلج فوق ال5 اشهر انا صارلي 5 اشهر وحس توه بادي يتشكل عدل ولطبيب يقولي بعد خشمج بسرعه راح تبين عليه النتيجه لان جلدج وايد خفيف على الخشم وهذا نادر عندكم لان الغالبيه جلده الخشم شويه دهنيه وسميكه… وانا صارلي 5 وحس متعدل عدل شلون الطبيعي يعني نطرو سنه لوووول..ووللعلم ابطى نتائج عمليه جراحيه تجميليه الخشم