شي غريب الي قاعد يصير بالشهر التاسع تعااالووووووووو

شلونكم ياااكروشات ….. انا الحين صارلي 11 يوم بالتاسع ومن دخلت الاسبوع 37 بدت تصير معاي افرازات بيضه والمنطقه عندي رطبه لدرجة سببت لي حكه قويه وتضايقني حيل ليش المنطقه رطبه وليش هالحكه وليش هالافرازات وانا محافظه علي هالمنطقة بالذات !!!!!!!وشي ثاني يفترض بالتاسع يبدا يخف الحارج والحموضه لان راس البيبي صار تحت انا من دخلت التاسع وانا شاب علي الحارج نار تشب بلعومي لدرجة تكرمون الترجيع ومافي دوا نفع معاي زين ليش زايد بهالوقت الي المفترض انه يخف ؟؟؟؟؟؟…بليز الي عندهااا خلفيه ترد علي لاني صج تعبانه حيل وموقادره اتحمل التاسع واعراضه الغريبه وشكرااااا

اشدعوه بنات ١٧ مشاهده ولا وحده علقت علي موضوعي !!!!!!

ودي افيدج بس ماعرف لان انا قاعد يصير فيني نفس الشي وانا الحين ببداية التاسع لا وزياده على هالاعراض فيني لوعه موطبيعيه جنه توني حامل. ياااااارب اولد وارتاح والله يسهل علي وعليج وعلى كل الحوامل

حبيبتي ديري بالج من الترطيب
ترا انا اختي نزل منها ماي وهيا ماتدري
روحي جيكي ع عمرج
ومن ناحية الحارج عااادي انا كان معاي من الثامن
واستمر لي التاسع
وكان راس البيبي تحت
يمكنها بنوتة وشعرها طويل
عاد انا ولدي كان شعره شوي وسبب لي حارج
اختي اسم الله ع بنتها شعر وماخلاها الحراج الا بعد الولادة

والترطيب اعتقد ان ينقص ماي البيبي
روحي سوي سونار تاكدي من كمية الماي
والاكسجين !!
لان لازم بالتاسع سونار كل اسبوع او اسبوعين
وربي يقومج والبيبي بالسلامة

انا توني داشه ال 9 بس الافرازات شوي زادت بس مو اللي رطوبه بس الحارج ذابحني ومعدتي وحرقه مو طبيعيه وحموضه انا بعد تطلع بروحه بس مو ترجيع يعني يطلع شي خفيف صرت ماتعشى بس عشان يخف علي وانا نايمه وصايره تعبانه بشكل مو طبيعي وانام وايد ولا اشبع كان اول ماحملت
بس اللي يخفف علي الحرقه الايس كريم وخاصه ايس كريم الموز مثلث القديم اسمه لولي ماينفع ويخفف الا هو جربت كل شي وبكره بكمل اسبوع فال 9 وموعدي ان شاء الله باشوف شنو تقولي الدكتوره لان من اخر ال8 ذابحني الحرقان احس نار لازم بس اكل او اشرب بااااااااار او مثلج

يمكن معاج التهابات …تاكدي منها….والحارج نوع الاكل حتى اللي مو حامل وخربطت بالاكل من قهوه وعصاير حامضصه تسبب حارج….اكلي خس وخياروحليب بارد يخفف الحارج

يمه خرعتوني وانا للحين مادشيت التاسع
الله يقومكم بالسلامه يارب

اختي الترطيب هذا صاير معاي انا الحين
لي عشرين يوم بالتاسع … وبالثامن كان تنزل معاي افرازات
بيضا وترطيب بشكل مو طبيعي وعالجتها لان هذي بدايه فطريات
عادي امر طبيعي .. بس حاولي تحافظين وراجعي دكتورتج
بس لا تفكرين شي طبيعي وكل حامل يصير معاها هالشي

وبالنبسه للحارج .. هم بعد شي طبيعي وماخف عني الا بعد
مانزل بطني … للمعلووميه >>> الحارج مايجي من شعر البيبي
هذي سالفه قالوها اهلنا قبل وهي بالاساس … الجاهل مغطى بكيس
ويجي من ان الجاهل يرفع المعده فوق من حركته ويسبب حارج

اكلي ايس كريم على قول وحده من البنات المثلث الموز او التوت
واخذي موز والا خيار << عني انا مانفع معاي الا المووز

تسلمون حبايبي علي الردود والله يهون علي كل حامل تولد وتقوم بالسلامه انشاااااالله

عادي الحارج انا الحين بثاني اول ثالث اسبوع من التاسع وذابحني الحارج حتى لو الراس تحت الرجول فوق لاتنسين ههههه

الله يهون عليج

الله يهون عليج وتولدين بالسلامه

انا صار معاي نفسج وكل يوم والثاني يقل ماي البيبي ليما ولدوني وترى هذا قبل لا ادش التاسع بنهاية الثامن ولدت
شيكي ماي البيبي افضل لآن لو قل تصير المشيمة ماتوصل غذا للبيبي وماينمو بشكل طبيعي
الشي الثاني الحارج شي طبيعي مع ثقل البيبي وجذية تصير لوعة لأن يصير ضغط على المعدة وماتهضم الاكل زين
اتمنى افدتج ^^

انا حسب تجربتي انه كل اللي معك عااااااااااادي وطبيعي وخاصه الحرقاان(سعوديه)

والافرازات انا تصير معي بحملاتي الثلاثه وقالتلي الدكتوره انه سبحان الله يصير معك التهاب بالرحم اثنا الحمل واخذ تحاميل وغسول والحمدلله ارجع طبيعي بعد الولاده

وخاااصه بالتاسع اقرف من نفسي الله يعينااا بس ادعولي