شيب رااسي وانا باول العشرين

الســــــــــــــــــلام عليكم ورحمة الله وبركاته

خواتي الله يرضى عليكم انا جيتكم بمشكله ممكن انها اذا استمرت تهدم حيااتي وضاااقت فيني الدنيا والله تعبت من اني اشكي لأي شخص بالعالم ابي الرااي الصح….
ماعليش انا رااح اطول عليكم شوي بس ابغى اشرحلكم المشكله بالتفصيل لعل وعسى القى عندكم ياحبيباتي الحل اللي يريحني…….

انا انسانه حساااسه جدا جد وصارتلي اموور في حيااتي اثرت فيني وبشخصيتي حيل حيل..واهتزت ثقتي بنفسي وبالناس اللي حولي كثير….اتمنى انكم فهمتووني لكن مع ذلك قلبي طيب جدا وشفافه من دااخل واي شخص يحتاجني بتشوفيني اركض له……
المهم لما صار عمري 20 تزوجت والله رزقني بولد هو نور عيني واغلى مااعندي……والشخص اللي تزوجته انسان عادي جدا من الناحيه الماديه ومن الناحيه الشكليه لكن تبارك الرحمن عنده ثقه خياااليه بنفسه

ما اقولكم انه شخص مو زين بشكل عاام فيه اشيا كثيره زينه وفيه اشيا شينه لكن هالاشياء ماثره فيني كثير….عموما انا حبيت هذا الشخص لا ما حبيته انا ادمنت هذا الشخص وعندي ان اي زعله بسيطه بينا بيطلقني يعني افكر حييل بهالموضووع وماعندي ثقه بنفسي من هالنااحيه ولاا تلوموني يا بنات لأن اشوفه انساان باايع <<<وقلت هالكلمه لاني شفت اشيا اثبتتلي هالشي منها انه ماا يهمه دمووعي ولو امووت قدامه من البكي بتلقوونه راايق ويطالع التي في ولا يروح ينام او اذاتضايقت وحزنت مستحييل يسأل عن اللي مضاايقني ومتعبيني واشيا كثيره بعد..وعلى ان عمر ولدي سنه و7 شهور مايبيني احمل ولا شي وما اهتم يعني ماافيه ذااك الحنان..الخ>>>………

وعشان ما اتفرع بالموضوع كثير زووجي يعرف ومتأكد مليوون %اني امووت فيه ولو يتضايق تضيق فيني الدنيا باللي فيها وقد مره قلتله انا عاادي عندي افقد ولدي ولا افقدك من كثر حبي له وادري هذا الشي غلط ياابنات لكن وش اسوي….انا الحين يابنات كاتبه لكم اليوم عشان مشكلتي اللي انا فيها زوجي صاارله كم يوم ماايحب يجلس بالشقه وهو بشكل عاام حتى اذا جلس بالبيت يجلس نص ساعه ويروح ينام …ورحت عند اهلي زواره وقعد كذا يوم <<مع اني ما كنت انام>>ورديت مررره تعباانه ونمت على طول وهو جلس شوي وراح نام….واليوم اللي بعده سهر الا الساعه 2وجا ولما جاا انا كنت متضااايقه وخانقتني العبره….جا ولا كأن شي صااير عاادي جلس ويقلب بالقنوات يوم شفته كذا حسيت خلااص ببكي دخلت الحمام وبكيت شوي عقب طلع ودخلت غرفتي وانسدحت عقب جاني قاللي تعالي ساعديني بشيل اغراض بالصاله قلت مابي تعبانه خلها انا بعدين اشيلها قال والله انج مو صااااحيه ومريضه نفسيا ومجنونهتخيلووو………قلت ليش شنو صااير قال وش اللي يبكيج الحين.؟؟قلت بس كذا من السعاده اللي انا فيها..جايني الساعه 2 وانا 5 ايام مااقعدت وياك ولا شفتك ولو عتبت عليك بتعصب وتسب شتبيني اسووي اضحك
………..قال انا امس جايبج من بيت اهلج مبكر وقعدت وانتي رحتي نمتي<مع العلم انه ماقعد اول ما نزلني جلس في الدوانيه الا الساعه 9 ونص وانا جايه 5عقب صعد الشقه…….وانا يابنات كنت ميته من التعب وجايني ارق يومين مو نايمه….قلت له انت ماتجازيني انت ماتشتاقلي ما تفقدني…قال انتي جبتيلي قرف جبتيلي الهم اووووف منج…….والله يابنات انا مدري شسوي والله جيته قلتله انت ليه تعاملني كذا ليه انا اشوف فلانه وعلانه رياجيلهم عندهم من المغرب مايتعدون البيت وانت اشوفك واسولف معاك بالحسره…….توقعو شقال؟؟؟

انا ما احب اقعد معاج خلصتي…………………………………..؟؟؟؟ ؟

قلت شنو؟؟قال انا ما احب اقعد معااج بس كذا ما احب وانا يابنات ورب الكعبه اني قااايمه بكل وااجبااته وحااشمه كل شخص يقربله وحاشمه بيته وطااايعته ومايطلب شي الا اقوول امر وتم وربي مااعلي قصوور وعلى فكره ياابنات اناااا واعوذ بالله من هالكلمه جمييييييله ولا امدح نفسي لكن من جد وبشهادة الكل يعني ماايجي شي عندي …لكنها مسالة ثقه وبس
ادري ازعجتكم…….الله يجزاها خير من تشور علي …وعقب يابنات ماقالي انا ما احب اجلس معاااج قلتل ليه يافلاان وش اللي قصرت فيه حرام عليك قال انتي ماتفهمينوين كبرياائج وين كراامتج احفظي كرامتج وانقلعي عن وجهي ……..تخيلو

قلت انت اللي ما تفهم وربي ماراح تلقى وحده مثلي تسويلك اللي انا سوويته كراامتي اللي تقول عنها حطيتها تحت رجوولك وانت عادك تكلم تعبتني والله ……

وخلصت السالفه على هالامر يابنات فيه عيب شرعي ماايحب يتناقش ويحل الاموور ما ادري ليش يا يسكتني ولا يسكت مايرد علي

بنات الله يجزااكم الف خير ويجعله بميزان حسناتكم تكفوووووووووووووووووون لا تحقرووني محتااجه النصيه تكفوون وانا انطر احر من الجمر الله يرضى عليكم؟؟؟؟؟؟؟؟؟؟؟

والله يابنات توقعتكم تردوون علي باسرع وقت توفعت انكم بتحسوون فيني>>>والله انصدمت

حبوبه خلي ثقتج بنفسج اكبررررر من جذي بوايد ولا تضعفين جدامه ترى الريال مايحب المرا الي شخصيتها اضعيفه والله

عشان جذي كله مستهين فيج ويعصب ويسب ولايهتم لج

انتي اول شي لازم يكون عندج ثقه بنفسج وبكل شي اتسوينه دشي النت بقوقل دوري مواضيع عن الثقه بالنفسه اشلون اتقوينها فيج او دشي دورات للثقه بالنفس

ترى والله هالشي راح يزيد عليج اكثر واكثر اذا جذي ظليتي لازم تسعين للشي وتقوين الثقه الي داخلج اكثر بمليون مره

لازم اتكونين شخصيه جدامه ولج راي وكلمه وحضور

وحاولي تكسبينه كثر ماتقدرين غيري استايلج غيري طريقة لبسج وشعرج

اهوا امبين من كلامه ان مل منج سوري بس هذا اليفهمته من كلامه يبي شي يديد وكل شي بيدج

دلعيه اكثر اهتمي بنفسج اكثر اهتمي بشخصيييتج اكثر غيري الاشياء الي اتحسينه اتنرفزه فيج

قعدي وياه فهميه عن شنو اتحسين بدون تجريح وعن مشاعرج كلها وقوليله خل نفتح صفحه يديده اذا مو عشاني عشام ولدك

خليه يحس الفكره الي براسه عنج تتحسن للاحسن وبذكائج بتقدرين ترى وماكو شي صعب وكل شي له حل

والله يوفقج حبوبه

حياااااااااااااااااااتي فديتج وفديت دموعج انتي ماعندج خبره بالدنيا وعلى نياتج وبعدين مو زين تبجين بالحمام تعرفين مكان نجس وتسكنه اللهم ياحافظ سكنهم بمساكنهم ههههههههههههه ضحكي عاد حبيبتي افا بس افا تبجين وانا موجوده راح اعلمج شنو تسوين ريلج واضح ان مايحب الوحده اللى تركض وراه ويحب البنت الصعبه شوفي اول شي … خلج دووووووم كاشخه وغيري من لبسج خليه شوي خلاعي وتعطري ووغيري من لون شعرج واستايلج شغلي وقتج ف البيت ومع ولدج طلعي مع اهلج ومن يرجع البيت حطى اكله وتمى معاه لما يخلص ولا تتكلمين ولا تعاتبين خلج واثقه انه لج وين مايروح راح يرجع بيتج الحين عندج النت دشي مدونة تسلي بس مو محادثات مع احد خلج معانا وربي راح تستانسين وبعدين ليش كله انتى اللى تبينين له انج شاريته خليه يحس انج قويه وغيري معاملتج شفتي شنو قال مابي اقعد معاج ووين كرامتج معناها ان واثق ان مهما شنو سوا معاج راح تراضينا دام انج مسويه كل واجباته ومو مقصره معاه خلج ثقيله شوي لا تحسسينا انج راح تظيعين من دونه انا ما اقسيج عليه بس بعض الرياييل يحبون الوحده اللى تتغلا وتزعل وماترضي الا لما يراضيها خلي حبج بقلبج وكافي ما ياج وخلج في بيتج ولا ادقين عليه ولا تشرهين عليه لمدة اسبوع وربي راح يحس انج متغيره ومن نفسه راح يتقرب منج عزي نفسج حبيبتي عشان ما يملج شغلي وقتج بأي شي فديتج

حبيبتي انتي قلتيها مسألة ثقة

ليش عودتيه من الأول انه يكون " محور حياتج " ؟

اشغلي نفسج بامور ثانية وخليج طبيعية عيشي حياتج بنفس الوقت لا تقصرين معاه

عمومــًا الله يسخره لج ان شالله

هلا بالغالية الجاذبية شوفي انا متزوجة صارلي 11 سنة وياله من 3 سنوات قدرت اتفق ويا زوجي طبعا لازم نتحمل بعض وغالبا المرة الي اتحمل والمرة الي تطوف بس بالنسبة لج جربي انك تعاملينة بالمثل يمكن نوع زوجك مايحب ان احد يحسسة انه قاط نفسة علية أنتي لاتبينيله هالشي ولاتكثرين احبك وتبينيلة يمكن تنفع هالطريقة يعني انا نوعية زوجي يتمنى يسمع مني كلمة احبك غصب تطلع مني لأني انا نوعيتي ما احب اعبر بالكلام طبعا مو دايما احب اعبر بالفعل اتمنى اكون فدتج وعسى ربي يسخرة لج ويهديه ويصلحلج وليدج ويحنن قلبة عليكم ولاتنسين اهم شي اهم شي الدعــــــــــــــــــــــــــــــــــــــــــــــ ـــــاء عليج بالدعاء وقراءة سورة البقرة يوميا وشوفي اشلون حياتج بتغير.

لا حول ولا قوة الا بالله ياروحي والله تكدرت من هالسالفه

ياروحي عليج بالدعاء والل يسخره لج ان شاءالله

لكن انتي شوي اثقلي ولا تعطينه وجه هالايام وحسسيه انه مو مهم وحاولي انك ماتهمتن

ولا تبينين انك ميته عشانه

الرياجيل يا روحي لا شافو الحرمه حمدالله والشكر مايته عليه يغترون واجد

انا اشوف انه تسوين كذا احسن لك والله ياربي يفرج همك

لكن قبل هذ كله خلي ثقتج بنفجسج اكبر

وايا على قولتك انتي مجنونه يا روحي ولا مريضه نفسيا قوليه والله انت اللي مريض مو انا اللي مريضه على الاقل انيت فيج احساس

مو هو اللي مافيه ذره احساس اسمحيلي يا قلبي لكن جد الل كذا ماينعطى وجه وربي

الله يفرج همك ياروحي

والله صراحه ريلج قلبه خجر لي هدرجه مايحس ابزوجته أم عياله ليش شايف نفسه عليج بس تدرين ليش لأنج فاطه نفسج عليه حيل ويدري انج تبوسين الارض الي يمشي عليها وهذا اكبر غلط انج اتحسينه انح ميته موت عليه لازم ادري هذا ريلج وعادي يمكن تقطين نفسج عيه لأن حلالج لكن نوعية ريلج كل ماحبيتي ودللتيه زياده شاف نفسه واهوا ضامن لوشنو يسوي من غلط لو لاسمح الله ايب وحده عندج البيت انج ماراح تخلينه وبتسكتين عنه لأنج انحبينه غيري معاملتج معاه خلي يحس انج متغيره يفكر شفيها متغيره جذي ماكانت اول تسوي جذي وجذي شغلي باله بحركاتج وعلى طول سوي فناتق ايشكلج على طول غيري بس ثقلي حيل عليه.
وتقولين مايحس بولده ومايبي غيره صج حرام عليه هذا شلون يبي يحرمج ويحرم نفسه من اليهال مولهدرجه هذا ظناه لازم يموت ويتشفق عليه اكثر منج بعد الله يهدي
تقولين مايحب يقعد بالبيت عادي هذا طبع الرياييل مايحبون يقعدون ببيوتهم يفضلون الدواويين (انامع قرار ازالة الدوايين ههه)

لكن ريلج ليش بيطفشج اخاف ناوي على نية قشره وقاعد يطفشج تأكدي أو يمكن ماخذج غصب فا للحين ماتاقلم يمكن
الله يهدي ويصلح باله وادعي ربج انه يغيره وكل شي جايز ويريح بالج

حبيبتي تدرين ليش يسوي جذي لانه يدري انج ماتقدرين تبعدين عنه وتموتين فيه والدليل قولتج انا يموت ولدي ولا افقدك اهني الاخ كبر راسه وشاف حاله اساليني انا انا من كثر مايدري اني اموت فيه بكل بساطه يقولي يلا روحي لاهلج وورقتج تجيج باسرع وقت تخيلي واحنا عشره سنين وبينا عيال وكان يسكر التلفون وياخذ خدامتي ويكان يسب ويخربط بحجي ماله لازم الين بينت له اني بايعه وان الدنيا ماوقفت عليه وصرت حتى احبك ماقولها بس اقوم بواجباته على اكمل وجه وعادي ليالي رومانسيه ومدلعته وهدايا اما اني اقط نفسي عليه لا … لاني جربت وانقرصت منه عشان جذي ماكررها لاني عاملته بالمثل وبعدين مافي ازواج الحين يقعدوون في بيوتهم انا زوجي هياته طوول اليوم وللامانه يجي مبجر بس عشان ينام تخيلي لوووووووووووووول صار عندي مناعه والمره اللي تطارد الرجال وتحن وتشتكي يمل الرجال منها … اسمعي نصيحتي خففي التشره واهتمي بنفسج وابتسمي وادعي ان الله يهديه … ترا البيوت اسرار لو اقوولج شلون عشت مع زوجحي تقولين عفيه عليج للحين قاعده عنده .. الحمدلله على كل حال

والله اني كل بين فتره وفتره اغير بستايلي وقمصاني وبجايمي من ارقى البوتيكات……وشقتي بين فتره وفتره اجددها وش يبي اكثر والله مو مقصره معاه لكن وربي مااااايبين بعينه يااربي اغفرلي وش كثر احبه…..ما ادري وش الحل والله تعرفوون اللي لما اجيه بتفااهم مععاه عن المشكله يلتزم الصمت ولاا يزفني يعني مافي مجال تتفاهمين معاه ……….يااابنات والله اني اشوف نبرة الباايع الله يستر يااربي……والله انكم صادقين ياابنات هو ضااامني ودااري انه مهما يصير ماراح ازعل وان زعلت رضااي سهل…..الله كريم ياربي

مشكووورين ياحبيبااتي فديتكم واللله عسى ربي ما يحرمني منكم……..برونزيه شقره والله يوم قريت ردج خنقتني العبره والله

لاتبخلون علي بالراي الله يوفقكم………..ومااااقصرتوو والله ماقصرتوووو………………

خلي عندج شي يشغلج غيره

صراحه قؤيه هاذي كرامتي تحت رجؤلك ؤلؤ يمؤت ؤلدي اهم شي انت

انتي ارخصتي نفسك عنده ؤدليل اهؤ قالها
ؤين كرامتج ؤعزة نفسج

اهم شي خلي الثقه في نفسك كبيييره
ؤلا تخالينه اهؤ حيااتك كلها
لا اهؤ جزء من حيااتك
انتي اشغلي نفسك اهتمي بنفسك حق نفسك مؤ حقه مؤ كل شي تسؤينه حقه

مادري صراحه
الله يعينج ؤيريح باالك ؤيسعدك

سوو سوو ياليت تقدرين تحسين فيني اكثررر وربي احبه ودااريه اللي اسويه غلط احس مرااات ان اللي داخله مو قلب لا احس داخله حجر والله لان مايتأثر ولاا يهتم……….مشكوورين على الرد والله المستعان

اممممممم اختي أنا مب متزوجه .. بس شفت تجارب حواليني .. و حبيت أقولج شي ..

في حديث للرسول عليه الصلاة و السلام يقول ((احبب حبيبك هونا ما عسى ان يكون بغيضك يوما ما ؛ وابغض بغيضك هونا ما عسى ان حبيبك يوما ما ))..

المعنى .. الاعتداال مطلووووووب فكل شي .. حتى فالحب ..

كرامه الانسان و اعتزازه بنفسه أمر مطلوب حتى من الجانب الديني ..

أنا حاسه فيج الحب احساس قــــــــــوي .. يمكن صعب تتجاهلينه .. أنا ما أقولج لا تحبينه .. بس حاولي تعبرين بطريقه ثانيه .. غير الكلام اللي يحسسه إنج بين ريوله و ممكن تنداسين !!! .. و غير اسلوب الاستعطاف و الدموع .. لأن هالنوعيه من الناس دموعج بتبعدج منه أكثر .. ما بتحنن قلبه .. صدقيني ..

كل كلامه معناه إنه يطلب اسلوب ثااني ..

شوفي أنا بصراحه ضد فكره إن بين الريال و الحرمه مافي كرامه .. لااا .. الاحترام مطلوب .. مثل ما الحب مطلوب و يمكن أكثر ..

حبيبتي أنا أكلمج و حاسه فيج .. بنت خالتي تمر بظروف شبه ظروفج .. و مقطعه قلبي ..

و إذا عن خوفج من الطلاق .. الأمــــــــان عند الله سبحانه و بس .. مافي ريال تضمنينه فالدنيا .. و خوفج ما بيجدم و لا بيأخر شي .. الزواج و الطلاق بأمر إلهي .. صــــدقيني مو بايد الانسان بروحه .. أعرف واحد يقربلي .. كاره زوجته .. و يبى يطلقها بأي شكل و فأي وقت .. بس الله معسرها عليه !!!! .. و عايش فدوامه لها أول مالها تالي .. المعنى إذا الله كاتب عليج الطلاق لاسمح الله بتشوفيه .. إذا الله مب كاتب عليج ما بتتطلقين .. الخوف على أقل شي ماله دااعي ..

آخر شي حبيت أقوله .. لا تقولين ما أقدر أتغير .. تقدرين إذا انتي قررتي و بديتي .. البنات عطوج كم اقتراح .. حاولي تجربينهم .. لحد ما تلقين اسلوب حياه يريحج

الله يوفقج حبيبتي .. و يسعدج و يقرب ما بينج و بين ريلج إن شا الله