|
|
قوه بنات شلونكم انشالله كل شي اوكي ؟؟؟؟
ابي ابدا بالموضوع على طول 
واتمني كل اللي يولدون قيصري يدخلون ونبي نتكلم عن البنج العام وابره الظهر واي احسن فيهم بعد التجربه طبعا؟؟؟
انا عن نفسي 3 قيصريات يولدوني عام لاني اخاف من ابره الظهر….
والله لايوريكم حالتي بالقيصريه الثالثه كانوا محددين لي التاريخ مثل ماتعرفون بعد قيصريتين 
والله سويتها مناحه وبجي من الجناح لين غرفه العمليات 
لا وبعد لين سرير العمليات وانا اقرق ما ادري شخربط والله النفسيه لها دور ههههههه
طبعا كانوا بيحطون لي ابره الظهر بس لما شافوني منتهيه من الخوف
هونوا وعطوني بنج عام بيفتكون من الحنه والرنه 
والله كل ما اتذكر شكلي اموت من الضحك استغفر الله والله ياجرني انشالله….
بالقيصريات اللي قبل الثالثه ما يمديني اخاف بسرعه يودوني للعمليات اوصل 8 سانتي بالطبيعي
وبعدين يخف النبض عند البيبي ويحولوني قيصريه يعني مافي وقت للخوف كل شي بسرعه !!!!
والحين ابي اعرف اي احسن الكمام العام والا ابره الظهر من ناحيه كل شي .gif "Eh S(1)")
والله ما عندي خلفيه عنها واتمنى تفيدوني لاني من الحين احاتي القيصريه
بالنسبه للعام الكحه تذبحني وكل ما ابي اكح اقول لخواتي وزوجي ياااااااااااااو ياويلي ابكح ؟؟!!
يعني بالعربي الكحه اللي تعذبني وانا اساسا فيني ربو
والحين ابي كل وحده خذت ابره الظهر تكتب تجربتها وشنو تفضل وشنو تنصحني فيه ابره الظهر والا الكمام العام 
امانه لاتدخلين وماتردين لأ ردي ابي استفيد منج يالغاليه
وشكرا على كل شي.gif "Eh S(6)")
اتمنى اكون قدرت افيدج
حزه اللي بيطقونج الابره يوقف قلبج و لازم ما تتحركين .. و مت من الخرعه بس بعدين الحمدلله .. ما تحسين بشي ؟؟ قاعده و اهمه يشتغلوون فيني
.. بس لما يفج البنج ماكو لا كحه ولا شي .. احسن بوايد من البنج العام بس انا اذكر اختي وبنت خالتي يموتوووووووووون من الكحه والبلغم
وماشاء الله من فتره رحنا حق وحده والده وقازه ابرة الظهر واسم الله عليها ما فيها هالاعراض
انا ما ادري الصراحه ما خفت
لان كنت بعالم ثاني ابي اولد وبسسسسسسسس
رفيجتي جربتهم الاثنين … اتقول الابرة اريح لأن ما تتعبين من اعراض البنج العام عقب … وعلى قولتج الكجة اللي عقب البنج تذببببح مع الجرح ….ومع الابرة ، اتشوفين البيبي اول ما يطلع وتفرحين مع اهلج … وممكن اترضعينه … وماكو دوخة وتعب
الحين تحملت 9 شهوور مغثه واخر شي وقت الصجيه انام
ماااعندي سالفه
أبره الظهر بدووون تفكيـــر .. بس اختاري الشاطر اللي يعطيها لج …
ويحطون لج بربيش معلقينه بجهاز كل ماحسسيتي بالألم تضغطيين عليه يعطيج جرعة تخدير … تخدر المنطقة وماتحسين بشي..
وأحلى مافيها انج تعيشين لحظة الولادة وتشوفين البيبي لما يطلعونه …
وماتعانين من البلغم والكحة اللي تشق شق …
للعلم افضل ناس في أبره الظهر مستشفى الصباح … صج صج شطار
انا اللي عطانياها دكتووور من مستشفى الصباح تتعامل معاه الدكتورة خالدة المجيبل وتييبه بكل عملية لها برويال حياة … فخذيتها برويال حياة وانا مطمنه
احتمال اجرب المره هذي ابرة ظهر اذا زاد العوار معاي
بس انا اعرف وحده ماحاشتها الكحه بعد القيصرى لانها خذت ابرة ظهر
بس في بنتي خذيت بنج عام و حسافة ماشفت شي و بعد عقب ماقمت من البنج أحس جني فقدت الذاكره واااايد أنسى
وإن شالله هالمره بعد باخذ إبرة الظهر بس إدعولي الله يسهّل علي يااااااااارب