|
|
السلام عليكم ورحمة الله وبركاته
انا مصدومة من اللي صار معاي اليوم .gif "Eh S(10)")
مع وحده من رفيجاتي بالدوام
دقت رفيجتي معاي بالدوام علي اليوم قالت شرايج نطلع مخنوقة حاسه بغته قتلها اليوم لا في احتفالية والشوارع مسكرة وزحمة
قالت انا اييج منطقتكم
انا ساكنه بالجابرية و وايد اماكن بالجابرية شوفة عينكم قالت أي كافية او مطعم او أي شي
اتفقنا ننقعد بإحدى الاماكن ويتني وسولفنا وقرقنا وايد شميت فيها ريحة زقاير قوية واهي ريلها ما يدخن هذا اللي اعرفه ولما قربت يمي ريحة حلجها زقاير استغربت
اخر شي قتلها بقولج شي بس ماتزعلين قالت قولي
قتلها انتي تدخنين ؟ تبققت عيونها وانحرجت وخدودها قلبو حمر
البنت جدا جدا محترمه حيل مؤدبة متحجبه ولبسها ساتر احبها في الله
وانا اعرف البنت من سوالفها وهذي مثل طبعي وطيبه
من جذي سالتها .. قالت لأ قتلها بس ريحتج زقاير قالت زوجي يدخن قتلها ريحة حلجج سكتت وقالت بقولج الصج .gif "Eh S(2)")
بنات انا حسيت اني ملقوفة حيل وتحسفت اني احرجتها بس مادري انصدمت واثقه فيها واحبها في الله وتدخن ؟ وانتو تدرون منو اللي تدخن !!!!
المهم
قالت انا زوجي اللي حيل يغريه وعشقة المراه اللي تدخن
اسأله يقول لا تقولين لي ليش انا جذي طبعي جذي انا حاولت اعرف السبب مو عارف بس شي يثير غريزتي
قتلها صح الرياييل دايما يحبون شي معين منهم من يحب الكلام البذييئ ومنهم من يطلب شغلات ماتخطر عالبال و وايد قريت بالمنتدى جذي
اهو محترم تزوجووو عمرهم 19 بالجامعة كانو طلب الزواج لانه ما يبي يروح للحرام ولا مره سافر وابوه غني حيل وو صرف عليه لما عمره 22 وتخرج
المهم قتلها على طول تتدخنين قالت لا بالشهر مرتين وقت الجنس بس عشانه
هالشغله مو حرام سويتها ابي رضاه الدخان ما ادخله بصدري كلش يعني ما يوصل رئتي
حاله من حال التدخين سلبي ( التدخين السلبي اهو اللي لما تشمين هوا المدخن )
قالت لي ادررري نقدتي وطحت من عينج بس انتي وايد اثق فيج وقتلج الصج لو غيرج جان ظليت انكر
قتلها تبين الصج ؟؟؟؟
كلش مانقدت وبالعكس عفيا عليج طعتيه طالما ما سويتي شي حرام ولانه مرتين بالشهر على قولتج و مايدش داخل صدرج مايعتبر حرام
ومحد بيدري لا تعلمين أي انسان غييري الرياييل عيونهم زايغه باجر لي نترتي بويهه هدج وراح لبنات الشوارع هذي غريييزة فيه ويبيها بقوة اظن مافيها شي لو سويتيها بس عفيا لحد يدري غيري يمكن انا فهمت وضعج وحسيت فيج بس لو غييري بيهب بويهج
بنات شرايكم بالموضوع خل نحط نفسنا مكانها شنو كنا بنسوي !!
الريال محترم ماعنده كيري ميري
طلب شي يشتهيه بقوة وماراح للحرام طلبه من مرته حلاله
اهي لبت الطلب بالموافقه خوفآ من انه يروح للحرام
ادري في بنات بيقولون والله لو اموووت و قطع و ويع ولو شنو ….. إلخ !!
حطي نفسج مكانها صجججج بتردينه ؟
انا مادري ليش عشت الدور وياها ومن رديت وانا افكر واقول لو طحت بنفس الموقف صج شنو بسوي !!
اتوقع اوافق
انا ماعرف شوالدخان السلبي
بس واضح ان مضر بالصحه انتي قلتي نفس البخور
والبخور معروف ان يضر بالصحه وبالجهاز التنفسي
يعني لو يحبها ماظن بيطلب منها هالطلب
مادري البنات كيف تفكيرهم اتسوي شي واتعرف ان غلط وبيضرها في سبيل ارضاء الزوج
( الزوج ) والله ماعرف شو اقول خنقتني العبره ..
وريلها الله يهديه ان شالله
وأي شي يطلبه ريلي يحبه اسويه الا الحرااااام يولي ما اسويه
بس باجر بتحمل وحتي لوتدخين سلبي يضر البيبي وتدخين سلبي تولع زقاره زتخليها هاذي ريحة حلجها زقاير يعني دخنت
الله يعينها هذا ابتلاء
وهذي وجهة نظري
اهو خليضبط نفسه شوي !!!
الله لا يبلينا ان شاء الله
شنو اخلي مرتي تدخن وريحتها خياس !!!
المشكله فيه اهو مو طبيعي
بدال لا يخاف على نفسه ومرته من هالسم يخليها تدخن!!!!
هالرياييل غريبين عجيبين الحمدلله والشكر
بس انتي قلتيلها عفيه لحد يدري وييتي كتبتي سالفتها جدام العالم !!!!
والله انتو يالحريم ماكو سر ينخش عندكم غبيه اللي تقول لحرمه سرها حتى لو كانت اقرب القريبات
وهذا الدليل جدامكم فضايح ونشر غسيل
ولاتقولين البنت ماندري منو اهيه حتى لو ماحد يحب تنتشر اسراره والكل يدري فيها ويحجي فيها غير انج خنتي ثقتها فيج
قال صداقه قال