|
السلام عليكم خواتي
بصراحه احترت أحط موضوعي بقسم الطب والصحه
ولا الحمل والولاده
بعدين قلت أنتو أكثر ناس محتاجين لهالموضوع
بنات انا كان فيني عوار في رحمي
ورحت سويت سونار داخلي وقالي الدكتور هذا كيس دم وفي داخله شي بس مادري هل اهو ألياف أو شي ثاني
بنات حتى الدكتور ماعرف شنو داخل هالجيس اللي حواليه دم
وللعلم انا ترى مطلقه يعني لاحمل ولاهم يحزنون
المهم ما استعجلت ورحت دكتوره ثانيه وقالت نفس كلام الدكتور
وقررت أسوي عملية منظار قلت بخليها بعد أسبوع
بنات صليت صلاة الليل ودعيت من رب العاليمن وقلت ياربي ياأما هالجيس ينزل مع الدوره أو يختفي وانت قادر على هالشي
رحت بعد اسبوع وكنت مصممه ان يسوي العمليه وقالي اوكي بسوي سونار وبشوف الحجم كبر ولا للحين 5 سم
بنات
أقسم بالله العظيم
أقسم بالله العظيم
الدكتور حط السونار الداخلي وحاااااااااااااااااااااس لين بغى يطلع من مخي
والله يابنات ان انصدم وقال الجيس ماله أي أثر ومختفي
قلت له نعم
قال انتي محظوظه وين الجيس
والله يابنات من الوناسه والفرحه مادريت شنو أسوي غير اني ألبس ملابسي والسستر تقولي مبروك
انا قاعده أكتب والحين حزة أذان
يارب يارب يارب ترزق كل محرومه بالذريه
وماكتبت هالموضوع الا علشان أقولكم
عليكم بصلاة الليل عن جد معجزززززززززززززززززززه
(((مشرفاتنا ياحلوين اذا مكان موضوعي غلط على راحتكم حطوه بالمكان المناسب)))
لا والله مو غلط مكانه اهني موضوعج
وسبحانه ربي قادر على كل شي
ويارب يثبتنا ويصبرنا ويقدرنا على قيام الليل
ومشكوره يا قلبي على طرح تجربتج لنا
وربي يعطيكم اللي في بالكم ان شاء الله
الله يحفظج من الشر
وفعلا سهام الليل ما تخطئ
وشاكره مروركم وان شاء الله نسمع أخبار حلوه منكم انتو بعد وأشوف كل وحده حامل بتووووووم يااااااااارب
يزاج الله خير و ماقصرتي
يعني كل وحدة اذا طبقت كلامج تاخذين اجرها ان شاء الله..
انتي مثلي بالضبط بس انا مو جيس دم انا جيس ماي
والحمداللله علي كل حال
الحمدالله على سلامتج
ويعطيج العاافيه على ذكر قصتح
وفعلا صلاة الليل لها فضل كبير بحل المشاكل