|
|
تعرفون المثل اللي يقول الدار دار ابونا والقوم حاربونا……
اليوم بعد نهاية الدوام واحنا قاعدين نتغدا قال ولدي يمه يبه اليوم بعد ماخلصت امتحان الرياضيات قمت وسلمت ورقتي للمدرسه جان تقولي((((((((( روح ياقزمه ))))))))).gif "Eh S(14)")
تخيلوا بدوون اي سبب ولا مبرر وحتى ل في اسباب ماتنقال هذي اللفاظ مع العلم ان ولدي من افضل الطلاب عندها بالصف وشافها قاعده تصلح الامتحان وقالها ابله جم جبت؟؟؟ سفهته ولا ردت عليه يقول انا لما قلبت الورقه شفت علامتي فل مارك .
الصراحه صعقنا انا وابوه ولنا احتمال انها منقهره انه احسن من المصري اللي بالصف مع ولدي والصراحه خفنا ان نروح نشتكي تقعد تحط الحره فيه بدرجات الشفوي وطبعنا لها رساله كتبنا فيها.
السلام عليكم ورحمة لله وبركاته
مدرسة الرياضيات الفاضله
نشكرج على جهودج الطيبه طوال العام الدراسي
ولكن عندنا عتب على حظرتك على موضوع……………………………………… …….
………………………………………..
وكتبنا الموقف وكتبنا تحت ان احنا ما نبي نصعد الموضوع للاداره حت لايكبر وحبينا ان يكون بينا وبينك ونتمنى ان تكوني في مكانا هل ترظين ان اي شخص يتلفظ بهذي الالفاظ لابناءك؟؟؟؟؟!!!!!
وتقبلي عتبنا بسعة صدر
والد و والدة ……………………..
وسلامتكم
اوكى دام خلاص طرشتى الورقة نطرى شوفى شنو ردت فعلها؟
ولا ونى احب المواجهة يعنى تكلمينها وحها لوجة وتستفسرين منها وتعطينها مجال ترقع الموضوع دام تخافين لاتظلم ولدج بالدرجات
بس يالله الجين شوفى ردت فعلها وعلى اساسها تصرفى
ليش الموقف لهذي الدرجه سخيييييف بعينكم.
بس الشرهه مو عليها على الوزارة اللي قامت تعين اللي يسوى واللي ما يسوى
روحو شوفو الجامعات الخاصة وشوفو الدكاتره اللي معينينهم والله ما عندهم شهايد
لانها راح تفسرها انها تهديد فروحوا وكلموها يمكن تكون مو قاصدة او شي
الله يعينج
عمى بعينها من ابله حسبيالله عليها
لالالالا مو سخيف حبيبتى بس الافضل اتواجهينها احسن من الورقه …ماتوقع راح اترد عليكم بشي
ولا ابي منها رد بس اللي راااااااافع ظغطي شنو هالتخلف !!!!!!!!!!
ولو بواجها ادري ماراح امسك نفسي لاني بسرعه اتنزفز قلت الورقه احسن.
وسلامتكم
والله انج ظحكتيني لاتلوميني اساسا انا كاتبه الموضوع وانا مرتفع ظغطي.
تحياتي
الله يهداهم بعض المدرسات يحرون آنا عن نفسي عجبني تصرفكم واشوف انه وايد راقي والكلام الي كتبتوه ماكان فيه كلمة تجرح او كلمة غلط
ووسعي بالج دام عيالنا بالمدارس ياما بنشوف ونسمع
اشكر مرورج
تحياتي
أختي سمو الأميرة بصراحة مو العيب في المدارس العيب في التدريس والمدرسيين والمشاكل النفسية الي عانون منها المدرسيين صراحة ماكو مخافت الله وانتهت المحبة والاحترام في نفوسهم ماكو رحمه في قلوبهم بطلعون هل الأبلات حرتهم في عياني والحرة ذابحتهم ماكو عقل بدل ما تخلي الطلبة يكنون لها الاحترام والتقدير وتعلمهم وتوجههم وتربيهم اهي مفروض تكون معلمة ومربية فاضلة عيالنا عندهم قاعد يتربون ويتعلمون على ايدهم ليش هذا الحقد ليش تخلي روحه حقيرة وتقلل من شأنها مفروض اذا عندها مشاكل شخصية ما طلعها في الطلبة والتلاميذ حطو الله بين عينكم اتقوا الله بس بعد كل الهل كلام لازم تواجهينها وتكلمينها وتتأكديين بنفسج ليش قالت هذه الكلمة؟؟؟؟؟؟؟؟؟؟؟
مو قصدي ولدك يكذب بس شنو المشكلة سمعي منها والسلام ختام
مشكوره اختي هاله لصباح على المرور
انا اعرف نفسي بتنرفز بسرعه واعرفها بتنكر ولا عندها مبرر يعني شنو بترد وحتى قلبي مايسمحلي احرجها بالوجه قلت اقرصها من بعيدها بقول لي بعيد علشان يكون عندها خبر ان ولدنا بلغنا وعلشات ترأف بحال هالطلبه المساكين والمصيبه ولدي يقول انا كنت بقولها ليش تقولين لي قزمه وانا ماسويت شي يقول بس خفت ماسكه عصات وخفت تطقني.
وسلانتج
أغلب المدرسات أسلوبهم مع الأطفال سوقي وقليل أدب حتى مرات بيعلمو أطفالنا السب والأفاظ البذيئة
أنا واجهت مشاكل مع مدرسات بنتي مع أن بنتي مؤدبة وهادية بس بنتي مشكلتها تروح الحمام كتير ومرة مدرسة من المدرسات ما خلتها تروح وسوتها على نفسها ولهالوقت وهيه متعقدة من موضوع الحمام والبول (أعتذر عن التوضيح)
ولما زوجي راحلها ما عجبها الموضوع ويقولي صارت تهز أكتاف وتقول أنا ما أكرها أنا موحاطة حطتها ولما دخلت الفصل نادت على بنتي وقالتلها أنا رح أحطلك صفر جدام كل بنات الفصل؟؟؟!! طيب ليش هالأسلوب السوقي والحاقد؟؟؟ على العلم إن بنتي بتاني ابتدائي بس
صراحة ما في أي طريقة الواحد يتعامل فيها مع المدرسات بتعاتبيهم بيزعلو وما بتحكي معهم بيتمادو؟؟؟
أنا ما بقول غير حسبي الله ونعم الوكيل في كل ظالم