شوفة الصدفة .قولوا لنا قصصكم

هذا اول مشاركة لي في المنتدى مع اني كنت متابعة له من زمان…وتمنى ترحبون فيني

حبيت اطرح هذا الموضوع للضحك والفرفشة….
وتدرون ان حنا نحب هالسوالف…

ابي كل وحده تقول …أذا شافت من قبل شاب بالصدفة.يعني عين بعين..واذا كان حصل نصيب من هذي النظرة….

انا بابدأ..

انا يمكن من الناس الي راح تتزوج من شوفة صدفه..
قصتي…
انه يوم العيد ((( عاد تعرفون العيد وكشخته )))
كنا في بيت خالي وقاعدين في الصالة…
المهم قالوا فلان يبي يجي يسلم ع خالاتي..

عاد قمنا يا البنات ع الغرفة الي جنب الصالة ع شان نبي نطل عليه..لانه حدددده مزيووووون واخلاق ودين…
عاد الغرفة ما بينها وبين الصاله الا ستارة
وحنا قاعد نطل وكل وحده سرحانه فيه هههه
ولا بنت خالي ادزني وهي ما تدري..
ويوووو ولا انا برا الغرفة.
كان يشوفني وانا انحرجت ع طول رجعت الغرفة.

البنات حسدوني قالو يا حظج شافج..
بعدها بجم اسبوع ولا يقولون لي انه خطبني وانا وافقت ع طول حتى اهلي…
والحين قاعده ادعي حق الي دزتني في ذاك اليوم….