شوركم يا اهل الخبره اللي عندها 3او4 يهال اواكثر

مثل مااهوه باين بالعنوان انا عندي ولد وبنت الله يحفظهم ولدي 3سنوات وبنتي بعد اسبوع تكمل 9شهور وودي لي كملت سنه ونص او سنتين احمل وبنفس الوقت خايفه من المسئوليه اذا صارو 3 الله يحفظهم ابي من اهل الخبره واللي مجربه لاتبخل علي بنصايحه:
1- متى انسب وقت عشان احمل؟
2- اشلون انسق بين اليهال وخاصه انه التربية على مااعتمد على خدم؟
3- واذا انتي مجربه جم الفرق بين عيالج ؟ وهل حسيتي اب صعوبه او تعب بالتربية اوبالجسم؟

تكفون فيدوني ولاتبخلون على اب اي نصيحه وخاصه انه عمري 25 يعني مو صغيره وبنفس الوقت مااحل اعتمد ع الخدم بالتربية وزوجي يحن يبي بيبي………..تكفون لاتخلوني بدون نصيحه
عسى الله يفتحها بوجهها ويحفظ عيالها ويجملها بعين زوجها اللي ترد علي قولو امين.

للــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــرفـــــــــــــــــــــــــــــــــــــ ــــــــــــــــــــــــــــــــــع

شوفي اختي انا عن تجربه الكل كان ينصحني انه البيبيات يكونون ورا بعض بس ما قدرت لظروف دراستي يعني
عموما احس انه يكون الفرق بينهم سنتين افضل يكبرون مع بعض وتعطين حق الرضاعه
وربي يوفقج……….

الله يجزاج خير يعني برايج انه افضل شي سنتين
ومشكوره وايد وايد ع الرد

اب
ان شاء الله البنات يفيدونك

وينكم يا امهات

صح انا اقول سنتين احسن عشان جسمج بعد حلو انج تضعفين وبعدين اتحملين

وبعدين انتي مو كبيره بالعكس عمرج حييييييييل حلوووووو

مو انا عمري الحين 29 وولدي عمره 7 شهور وودي احمل الحين بس اقول انه صغير وماشاء الله عليه يبيلهم طولت بال الجهال فحرام بنتج خل تاخذ حقها يعني عمرها سنتين راح تعتمد على نفسها شوي

يسلمووووووووووو ع الردود السنعه
وينكم يا اهل الخبره

ام حمد انا كنت نفسج كلللله افكر اذا حملت بالبيبي الثالث شلوون بيكون وضعي معاهم

انا عندي الحين بنتين بينهم سنتين بالضضبط وكلهم بنفس الشهر بعد ياحلاتهم
يعني حملت بالثانيه وكان عمر بنتي الاولي سنه و 3 اشهر تقريبا
بنتي الكبيره عمرها 3سنوات و7 اشهر والثانيه سنه و7 اشهر
والحين انا حامل بالبيبي الثالث وخلاااااااص عقبها بحط لولب خل يكبرون مع بعض

واذا علي سالفة الجسم الحمدلله مازاد وزني حيييييل عقب الولاده مساج ورياضه يرد الجسم وضعه الطبيعي باذن الله

الله يعينا علي تربيتهم ياااارب

هلا حبيبتي انا عندي 4 ربي يحفظهم

اول اثنين الفرق بينهم سنه وشهرين تعبت حيل معاهم لأنهم صغار

واصلا كنت ما ابي احمل بس سبحان الله رزقة ربج

الفرق بين الثانيه والثالثه 4 سنوات لما ولدت الثالثه حسيت روحي بجريه لأن عيالي كبروا شوي

والفرق بين ال3 وال4 هم 4 سنوات بصراحه اريح

والحمد لله مرتبه اموري وللعلم خدامه ماعندي من اول بيبي لي يومج هذا ما ادانيهم

حتى بنفاسي ما اجيب الخدامه وربي مساعدني وموفقني بتربيتهم

نصيحه لوجه الله خلي فرق بينهم على الاقل سنتين وحاولي تخلصين من الحمال على ال30

لأن بعد هالعمر يصير تعب على المرا الحمل وصحيا راح تتعبين

الله يجزاج خير يا ام عامر انتي وكل من رد على موضوعي على جذيه الاغلب يقول سنتين زينيعني ع ال27 احمل وع ال30 احمل ان شاء الله ويكونون خير ونعمههذي حق كل من رد على موضوعي

والله شوفي اذا ماراح تعتمدين ع الخدم خلي الفرق بينهم

3 سنوات مو سنتين ,, لأن ابو سنتين للحين يبي أحد يغسله

ويغير حفاظته لحد مايتعلم تكرمين ع الحمام ,, وبجذي تتفرغين حق البيبي

الجديد ,, وبصراحة أهنيج على اهتمامج بعيالج والله يعينج على

تربيتهم التربية الصالحة ,,

الله يجزاج خير