شنو يعني لو تأخرتي بالزواج ؟؟

اسمحوا لي بطلع اللي بقلبي

شنو يعني نظرة الناس؟؟؟؟؟؟؟؟؟

اهم شي راحتج … وارضاء الناس مستحيييييييل

شنو يعني الزوااااج ؟؟؟

كود يهال وكدر وقهر ومرض وخيانه وعاطفه مفقوده في الغالب

وشنو يعني ريال ؟

ياخذ معاشج آخر الشهر ويطلع برا يغازل ماتشوفينه الا آخر الليل لا وماله خلقج !

والله حاشتني غلقه من المجتمع والناس توني راده من قسم المشاكل في منتدى ثاني وكله مآسي الزواج وهذا غير المشاكل اللي اشوفها كل سبت ببرنامج فوزيه الدريع واتصالات ناس شخصيه من كل انحاء الدول العربيه

صارت عندي قناعه الزواج يا اما يكون او لا يكون

يا اما الوحده تاخذ ريال كفو او تقعد عزوبيه احسن لها من الهم والنكد

وتصرف على روحها ومال احد شي عندها

دام هالرياييل صارو .. امثال رجال وبسسسسس

وهذا شويه من اللي بقلبي طلعته وباجي بعد بعدين اطلع الباجي

وارحب باي معارضه واي تأييد شديد

يسقط الرجل يسقط يسقط يسقط

ههههههههههههههههههههههه يسقط الرجل احلى شي

لا اختي مو كل الرييياييل مثل ماقلتي في ريايييل سنعييييين
وبعدين شنووو كود يهال << ياحلاتهم هالكوود على القلب
اللي صح بكلامج مرات يكووون النصيب مو شي للمراة فيكون لو قاعده ببييت اهلها وايد احسن لها بس نصيب يعني الواحد مايدري شنو الاحسن

اي احلا شي يسقط الرجل انا مقهوره منهم كل شي عليهم حلال حتى المحرمات

كلاااامج صحيح والله شباب اليوم يبيون الوحدة تعيد التفكير فيهم الف مرة قبل لا تقول ياااااا زواج

اي والله وانتي صاجه

اهلين حواء الكون علي هالموضووع
اي صح النصيب يا يصيب يا يخيب صح انه كل شي نصيب و الوحده لازم ترضي بنصيبها .. بس طبعا كل وحده تفكر بالزواج واتشووف مستقبلها لانه اهلها مو دايمين لها

لالالالالالالالالالالالالا انا نصيرة الرجل
اول شي الي الله كاتبلج يها بتاخذينه زين ولا لأ الرياييل مثل الخدم انتي وحظج
بس الحياة الزوجة لا بد منها والمراة نخلقت حق هالشي
اذا الريال مو زين الله يعوضج بالعيال الزينيين الي اكونون دار مدارج لي كبرتي و العكس صحيح
واحساس الامومة ما يتعوض
وماكو ماحد ما في عيوب وماكو واحد كامل
والله رزقج بولد الحلال الي اريحج
آآآآآآآآآآآآآآآآممممممممممممينننننننننن
بس ها بعدين قوليلي الزواج حلو ولا لأ؟؟؟؟؟؟؟؟؟؟

النصيب و المكتوب هو اللي يصير .. و المكتوب على الجبين لازم تشوفه العين ..و التوفيق من رب العالمين .
مو كل الريايل مثل ما كتبتي .. و مو كل الحريم مساكين
ياما ريايل سنعين و يقدرون الزواج و المسؤوليه و محترمين و ما عندهم خرابيط و مغازل و هياته و لا يعتمدون على معاش المره و مصلي و مسمي و خلوق وعارف ربه .
و ياما حريم حتى الزواج ما يعقلهم للحينها ياهل و لاهي قد مسؤوليه و لاتعرف شنو الزواج و بالها مع روحها و عبالها الزواج دبله بالايد و صوره اجتماعيه و لا تعرف لليهال و التربيه و عايشه حق نفسها .
و بعدين لا تنسين شي ..
( لو خٌليت ..فٌنيت )
لو خلت الديره من الناس السنعه .. انتهت .
و سلامتج

كلامج صحيح 100% وانا معاج في كل كلمه قلتيها …
اصابع اليد موسوا

ليش اللي مو متزوجه دايما اطالعونها بنظرة نقص؟ الصراحة هذي السالفه باطه جبدي

والله معاج حق تنبط جبدج من الزواج انا وياج ومو وياج لان الزواج شي اساسي بحياه كل انسان لانه سكينه واستقرار حلو انج تكونين عايله صغيره على كيفج تربينها بالاسلوب اللي تبين بس الي يقهر ان الزواج هالايام لوعه الا مارحم ربي يعني نطالع حاوالينه اللي ريلها زين تتعقد من اهله واذا اهله زينين طلع اهو نفسيه ولا معقد ولا متخلف بتفكيره ولا الي زواجهم يكون مجرد واجهه اجتماعيه جدام الناس وبينهم مافي اي عاطفه او تفاهم

الزواج حلو اذا ارتبطتي بشخص متكافأ وياج عقلياااااا نفس التفكير والاسلوب هني يصير الزواج سعاده واحلى شي بالزواج اهو انج تعيشين الحب والشوق واللهفه الحلال وتعيشين اسمى مشاعر بالدنيا واللي اهي الامومه
وحواء مو شرط يكونون كود

انا معاج من ناحية نظرة المجتمع والله يدورون شنو ناقص عند الوحدة عشان ينظرون نظرة
لوتلاحظين نظرة للي ماتزوجت ونظرة للي تزوجت وماياها عيال ونظرة للمطلقة ونظرة للي زوجها اصغر منها لو بيوم واحد ونظرة للي زوجها احلى منها بوايد ونظرة ونظرة ونظرة ………….. هذا المجتمع والي يبي يعيش ابد لا يهمة نظرة المجتمع ويرضى بوضعة مهما كان واذا انفتح موضوع منهم يخص الواحد مثلا ( تأخر الزواج) لا تتكلم الوحدة وتشتط ان مو مهم وغيرة لان بيقولون فقيرة ومادري شنو خلهاااااااا طبيعية جدا ساكتة تتكلم شوي ( اي والله كل شي نصيب واهم شي راحة القلب ) او اي شي عادي جدا ولا تطلع الي بقلبها

اما من ناحية الريال فمنهم زين ومنهم شين والسؤال الي بسألج اياه : قلتي يا اما زواج سنع يا اما ماكو زواج ؟ او يعني ريال سنع؟ هذي شلون بتكتشفينها ؟؟؟؟؟؟؟؟؟؟؟؟؟؟؟؟؟؟ هذا السؤال فالواحدة ماعليها الا الاستخارة والله وحدة العالم اما ان تنطرين يخطبج مثلا واحد توووووووووووووووووب !!!!
ممكن اييج التوب ،، بس واثقة ان اطباعكم بتتوائم؟ مو شرط
وممكن يكون فعلا توب بشهادتة وشكلة واخلاقة بس عليه اطباااااااااااااع لا تحتمل

فأنا عشان جذي ما انصح ان الوحدة يا تزوج الزواج الي اهو يا لا تزوج لان متى ما ستخارت الله خلاص تتوكل عليه وهذي الدنيا ماكو ريال ولا مرة كاملة

هههههههههههههههههههههههاى
اى والله صاجه ام الخير الريال مثل الخدامه حظ – يسلم بؤج

الله يسلمج روووز الكويت