|
|
السلام اشلونكم معلمات
اليوم اول مره تحظر لي الموجهه
و كان علي مكتبه
و اول مره اقدم مكتبه و احد حاظرلي .. و ثاني شي انا اعرف خطواتها حسب الي تعلمته ..
و انا ثاني سنه توني يديده ، بس اول سنه كنت كله غياب بسبب الحمل و اجازة الوضع ..
بالنسبة لي .. كان ادائي جيد .. لمعلمة جديده .. خطواتي صحيحه ..
اللهم عندي مشكله بتغيير نبرات الصوت .. اجد بعض الصعوبه ..
طبعا الموجهه قالت لي .. اطلت في توزيع الاطفال على المجاميع .. مع اني اشوف اني صح ..
عرفتهم على الاركان و امينة المكتبه و على قواعد المكتبه و ما هي المكتبه .. و ان كل مجموعه تتفضل و تاخذ لها قصه ..
خطوات سليمه ..
و ان طفل يذهب للاستماع .. غلطت من ناحيتي … لم اذهب و اسأل عن الطفل و لم اضع القصة المصوره .. و السبب لم اكن اعلم بذلك .. و لا احد قالي عن هذه النقطه .. مو ذنبي مع ان اشكثر سألت عن خطوات المكتبه
بعد المجاميع ذهب الاطفال لقسم المشاهدة .. .. مشكلتي كانت نبرات الصوت فقط ..
و ايضا .. بعد انتهاء القصه تفضل طفل و سرد لنا نفس القصه إلي قلتها .. طبعا حسب إلي اعرفه
و بالنهايه طلع ان الطفل يقول قصه استعارها .. انا اعرف ان في طفل يقول قصه استعارها بس ما ادري ان ما في طفل يقول نفس القصه الي انا قلتها
بعدها اختار طفلين للاستعاره
ألحين .. في شي غلط كبير ..
لو صححت الاخطاء إلي وقعت فيهم و هم جدا سهلين .. مجرد أني لم اكن اعلم ..
يحتاج انها تقولي احتاج لمتابعه .. و ان اذا ما طورت من نفسي اكتب لج تقرير اداء متدني ..
ليش ..
و الله اني انا عند ربي سويت إلي اعرفه .. و انا جدا حبوبه مع الاطفال .. كله حبيبي و شاطر ..
اشرايكم يا حلوين ..
انا كلمتها لي ان اداء متدني .. قعدت في بالي .. و احاول اني اتلافاها و ما ابي احبط من نفسي لاني انا عند نفسي قدمت زين .. مو ممتاز اقول جيد جدا .. بس مو لدرجه تقول اداء متدني ..
ليش بالله
اول مرة يستخدمون هالجملة
الظاهر يبون يخرعووونج
لانهم مايحولووون اي مدرسة اداء متدني
اداء متدني يخليج تنقلين ادارية
؟؟؟؟
لان انا العام كله غياب .. لان صحيا ما اقدر اداوم الروضه و انا حامل اتعب وايد ..
و هالسنه .. ما غبت غير 4 مرات .. تقول غياباتج وايد .. ليش غايبه …
4 مرات خلال 4 اشهر وايد … .. و ما عندي استئذان غير مرتين .. ؟؟
ماعلييج منها
السنه الماضيه راحت و انطوت .. ليش يحاسبونا على الي راح ..
اشلون يفكرون .. ؟؟
تزوجت و تعينت و حملت بنفس السنة تقريبا و ولدت اخر السنة
طبعا غيابات من الحمال و الزواج و السهر و التعب و بالاخييير طلع حمالي صعب
و غبت صراحة ما اقووولج ما غبت
يعني السنة الدراسية 8 اشهر قوولي داومت بس اربع اشهر متفرقة
والسنة الياية حاسبوني اني غياااابة و مادري شنووو و خلاص و جذي
ودش علي الموجه حصتي
الا بطاقاتي روعة اتينن كمبيوتر و الوان و شغل متعووووب عليييه صراااحة مو عادي
و شغلي و نشاطي
يعني ما لقى علي عذروووووووب
لما يه بيناقشني قالي يعطييكي العافية يا اختي بوبا
و حصتك روعة
بس حبيت ائولك حاجة
الغياب و الغياب و عطااااااااااااني كلااام مامنه فايدة
بس يعني انا بنت اليوم يييت من بعد ولادة و حمال صعب و متعب
وكاني نشيطة
بس اهم لانه اتلاقين مو لاقين عيوووب كثييرة
فا يتعلثووون بغيابج السابق
فا حقري و انسي
اليوووم انا حضرت لي الموجهة
وتخيلي مصلحة دفااااتر البنات كلها
و كلها حتى داخل الحصة
الا بنتين طبعا ما يعطوون دفااترهم الا بشق النفس
عاد طاحت دفاترهم عند الموجهة
هالثنتييين بس
طبعا طلعت اني ما اصلح
وتوني لامة الدفاتر
جان اوريييها دفااتر البنات المصلحة و بالتاريخ و قلتلها هالبنتين ما يعطووون
قالت حصل خير
@@
يالله بعد شنقووول
انا قبل افكر بالتقدير لاني ابي اترقى
بس شفت الحال صراحة مايعطونج مجااال
بعد احنا بشر مو مكاين .. الانسان ما يغيب الا اذا عنده عذر .. و من حقنا نغيب عندنا 15 مرضيه و 4 عرضي .. بعد الماحسبه ليش ..
الله يكون بالعون ..
المفروض الواحد يشجع و يمدح مو يكسر في الانسان .. لان انا من النوع اذا احد حبطني انكسر و يضيق خلقي بيني و بين نفسي فما اعطي بعدين يصير الوضع عندي تحصيل حاصل ..
اما اذا احد شجعني بالعكس استمر على نشاطي ..
كلااامهم غير عن التقرييير ترا
اذا مدحتج كوني متاكدة انها نذلة و بتقهرج بالتقرير
وان ذمتج فيعني بتعكييج تقرير ولا اروع
ههههههههههههههههه علاقة عكسية ياقلبي
يمكن يحولونها في حاله اذ اخذت متدني سنتين ورا بعض مو متاكده
كلمه الاداء المتدني منتشره عندنا في روضتنا
عندنا ثلاث معلمات حاشهم هالتقدير
والسبب الرئيسي الغياااااااااااااااب مايداومون ع سنع
كان غيابهم بالهبل ويمكن الاداره حاقده عليهم بعد
بس ماشالله سنعوا تقديرهم السنه اللي وراها
لان مسكينه صاحبه هالتقدير تلوع جبدها من كثر الدخول
كل زياره للموجه للروضه لازم تدخل ع بنت الاداء المتدني
يمكن وصل دخولها للمعلمه 8 مرات بالسنه
والمراقبه لها دخله وحده
والناظره تكثف حضورها
وبسبب هالدخول سنعوا اعمارهم
واللحين تقاديرهم ماشالله تبارك الرحمن
ابلات عندنا يغيبون بالهبل ماعطوهم هالكلام حصم وبس
لأن كبرياءهم ما يسمح لهم ما يتفلسفون علينا ويعطونا ملاحظات على كل حضور ومرات ملاحظات سخيفة !!
إلا من رحم ربي منهم يخافون الله ويقدرون المعلمة !!
مرات يكون درسج حلو وعيالج فاهمين الدرس ومتفاعلين معاج بس تنصدمين عقب درسج يسطرون لج ألف عذروب
طيب والأطفال اللي فاهمين درسي
وهدفي الأساسي هم الأطفال ومدى استيعابهم !!
خليها على الله شي يحر ويقهر
بس انتبهي للغياب و4 بالشهر وايد لأن بالكورس بتكونين مخلصة 15 غياب !!
ومعاج أبلات بالصف مالهم ذنب يشيلون غياباتنا كافي فتراتهم !!
بس مرات الواحد يكون مضطر بس حاولي الغياب ما تاخذينه الا بالشديد القوي
مو لأن عندي 15 لازم أخلصهم أصلا يأثرون على تقديرج
والله يعينا على المسؤولية وتحمل الضغوطات لإرضاء وجه الله تعالى ,,
والله يوفقج إن شاءالله