|
|
بنات اليوم شفت هالقطوه بمحل قالي انها هملايا و يبي فيها 80 وانا اصلا ً موبي هاللون فقالي باجر بتييله طلبيه ثانيه وانا عليميه ماعرف فقلت اسألكم قبل لا اقط فلوسي وانا بخاطري ابيض او مشمشي فيدوني بنات بليز …
وهذي صورتها …
بس احسها تخخخخرع
وانتي كيفج
خووو انا موبي هاللون … بس ترى بالصج وااااايد احلى ريلي اللي ماكان راضي عجبته و وافق …
بس ماقلتيلي شنو نوعها صج هاملايا و تسوى سعرها 
الهملايا ايي نفس السيامي بس شعره طويل لانه اصلا ناتج عن تزاوج شيرازي من سيامي على مر سنين لين طلعو الشكل هذا وهذي صورهم
ودرجه الالوان تختلف في ايلج جوكليت بوينت هذ تكون اطرافة بنيه في فليم بوينت تكون مشميه في بلوبوينت تكون رماديي مثل اللي بالصوره هذا الي اعرفه والهملايا اسعاره 100 وطالع
مادري اشلون اعرف وخايفه لا ينصب علي
مو هملايا هذي وهاف بيكي بعد مو بيور
لا تستعيلين
ترى يستغلونج اذا كنتي متعلقه بالقطوه وتبين تشترينها ويصلخج بشعر خيالي لان يدري ان عاجبتج وراح تشترينها
اذا وصلت الطلبيه واخترتي كاسريه وقعدي وبسطي حني على راسه لما ينغث وينزل
انا لما خذيت قطوتي نزلي من سعرها خمسين دينار تخيلي من كثر ما حنيت وزنيت على مخه
انزين ماتعرفين وين احصل و بسعر حلو و تكون نظيفه ؟
انا ابي بيضه او مشمشيه و تكون صغيره و بيكي فيس اللي خشمها بالنص و ويها بيبي فيس و عيونها بريئه
اتمنى تفيدوني
عرفت المحل مال ولد الدهراب بو مبارك او بو براك او شي جذي اسمه على دهراب اسم المحل سكوبي دو صح
كان عندهم محل قبل يم البقالات اللي عند حديقه الشعب بس فل اهو وشريكه وكل واحد طلع بصوب
شوفي ترا والله اسعاره غاليه
روحي سوق الحمام صدقيني تلفين الوان احلى وارخص
وانتي كيفج
وانا قالولي ماتلاقين بسوق الحمام نوع الهملايا مادري هذا اللي سمعته
بس دامج تقولين فيه اقول حق ريلي يشوف …
وايد شكرا حبيبتي على المرور ماقصرتي 
وحتى لو لقيتي ما انصحج مو زينين وصحتهم تحت الصفر لاحضو لما تروحون ثلاث ارباع القطاوه مسدحين ونايمين ومالهم خلق
اتوقع انهم يخدرونهم عشان ينامون ويسكتون يفتكون من حنتهم
تلاقين اكثر شي في المنتديات لان البيكي مو منتشر مثل المون فيس
ونادر تحصلينه
الهملايا صعب تحصلينه اقل من اميه وان حصلتيه تلاقينه مضرب
وعندج المستشفيات البيطريه في هم اعلانات عندهم وانا انشالله اذا شفت راح اقولج
انا بنطر باجر اشوف الطلبيه اللي قالي عليها اللي كان بالمحل و اشوفهم و اقعد احن عليه على قولتج لين ينزلي بالسعر و اذا مالقيت راح اقولج وانشالله يارب تلقيلي شي حلووو من النوع اللي ابيه …
و تعبتج معاي حياتي ماقرتي و جان زين تعطيني المواقع اللي عندج عالخاص حبيبتي
حياج الله ياعمري
هذا واحد طبعا في كل الدول وفي هم اعلانات من الكويت بس لازم تدورين