|
|
السلام عليكم ورحمة الله وبركاته
اهلين خواتي
انا كنت بجامعة الكويت من 4 سنين ، بس كانت عندي مشاكل عائلية كبيرة وايد بالاضافة الى ان الكلية اللي فيها ما كانت رغبتي إنما رغبة الأهل ، فا هالشي تعب نفسيتي مع مشاكل الاهل فا مستواي الدراسي نزل حيل و وقفت قيدي فترة و داومت و رديت وقفت قيدي و بعدين حولت الى التربية الاساسية في الهيئة العامة للتعليم التطبيقي و التدريب .
ادري بتقولون ان وايد بنات يحولون من جامعة الكويت الى التطبيقي . و انا شفت وايد بنات معاي بالتربية الاساسية كانوا معاي بجامعة الكويت و بعضهم توهم يحولون ، و انا صار لي تقريبا سنة محولة .
بس يا خواتي تعبت من تعليقات البنات
لما يعرفون انني توني سنة أولى و بروح ثانية ان شاء الله ، و صار لي 4 سنين بجامعة الكويت .
عاد شوفوا الاسئلة اللي تغث :
1- وي انتي متأخرة وايد ، ليش ؟
2- ليش ما عادلولج مواد ؟
3- وي يعني تتخرجين كبيرة تقريبا 27 سنة والا 26
4- اللي كبرج تخرجوا و اشتغلوا وي الله يعينج
5- وي كنتي بالجامعة 4 سنين و وقفتي قيدج فترة طويلة و بعدين رحتي التطبيقي ليش ما رحتي التربية الاساسية على طول ليش نطرتي 4 سنين
و غييييييييييييييرها من الاسئلة الغثيثة
يا خواتي مليت من تكرار الاجابات و تكرار الاسئلة . ما صار فيني حيل . مالي خلق .
و ما ابي احقرهم عشان ما يقولون عني نفسية و الا شي
فا شالحل ؟ شنو ممكن اقول لهم و يسكتهم بسرعة ؟؟ بدون لا يحسون ان مالي خلقهم ؟؟
سؤال ، انتو شنو نظرتكم للي نفس حالتي ؟ يعني تتأخر بالدراسة ؟
والله قمت اتحاشى اقعد مع بنات . عشان محد يسألني اسئلة خاصة . جني مسوية جريمة !!
الباب اللي ايي منه الريح سده وستريح مالج شغل فيهم خلصي محاضراتج ورجعي البيت
ترا بنات وايد مثل حالتج عادي طنشيهم ان شاءالله اتخرجين و ترتاحين وتصير كلها ذكريات
الله يعينج همهم التجريح .. ماتدرين باجر ربنا
يبتلهم ويطولون بسنوات التخرج
بس نفستج هذه تصادف كل المتاخرات عشان جذى
بحاولن قد مايقدرن مايتعارفن حتى مايقط عليهن هالجمل
الله يعينج ويخرجج ان شاءالله ولاانتى اول ولا حتى اخر وحده
حولت وماتخرجت بسرعه انا كنت اعرف وحده مخلصه كل المواد
الا انجليزى معطلها على التخرج وتوها باول مادة110 وبس تعيده
بس ربنا فرجها لها وقعدت ست سنين وصفي ل 111 ونجحت مالج الا الصبر
وابشرج انا تخرجت الحين وسويت حفله وكتيت نون وونست عمري ولا همني شي والفال لج انشالله هاجوفي كيكتي اشحلاتها وكل هذا بيصير ذكريات
[IMG]
[/IMG]
انا تخرجت 5 سنين وطولت ولا ماطولت ماحد يحاسبني لان اصلا علاقاتي محدوده وماسمح لاي احد يطرح علي اسئله شكلج معطيتهم ويه لا تسولفين مع اي احد اهمه شكو وماله داعي تقوليلهم بالتفصيل قولي جم باقيلج وبس مو جم صارلي وجم عمري اهمه شدراهم ان صارلج وايد الا لانج تسولفين ومعطيتهم مجال
خليج شوي رسميه
|
المشاركة الأصلية كتبت بواسطة ريومه75
 حبيبتي لا اتضايقين عمرج الصراحه في بعض البنات ما يستحون ولا اقدرون ظروف الواحد
الباب اللي ايي منه الريح سده وستريح مالج شغل فيهم خلصي محاضراتج ورجعي البيت ترا بنات وايد مثل حالتج عادي طنشيهم ان شاءالله اتخرجين و ترتاحين وتصير كلها ذكريات |
اي والله صاجة اختي ريومة75
يزاج الله خير
|
المشاركة الأصلية كتبت بواسطة grey
السلام عليكم
الله يعينج همهم التجريح .. ماتدرين باجر ربنا بس نفستج هذه تصادف كل المتاخرات عشان جذى |
يزاج الله خير اختي grey
مشكورة
|
المشاركة الأصلية كتبت بواسطة gamory01
وي عادي حبيبتي جوفيني عمرت بجامعتنا 5سنين ونص واختي الي اصغر مني تخرجت قبلي وتوظفت قبلي بعد والناس تطل بويهي وي ماخلصتي هااهاهاها جفتي ولا انا حولت من كليه لي كليه وضاعت علي 7مواد والي حولت عشانها اسحبت اوراقها من الجامعه وخلتني جفتي القهر بس ماهمني لان الناس مشكاهم على الله المهم انتي ونفسج دايما صيري ثقه في ناس خلصوا الجامعه 50 عمرهم العبرة في النهايه
وابشرج انا تخرجت الحين وسويت حفله وكتيت نون وونست عمري ولا همني شي والفال لج انشالله هاجوفي كيكتي اشحلاتها وكل هذا بيصير ذكريات |
يزاج الله خير اختي gamory01
صورة الكيكة حدها تشووق و ترفع المعنويااات
مشكورة على مشاركتج
|
المشاركة الأصلية كتبت بواسطة الاسطورية
وايد مكبره الموضوع حيل عادي
انا تخرجت 5 سنين وطولت ولا ماطولت ماحد يحاسبني لان اصلا علاقاتي محدوده وماسمح لاي احد يطرح علي اسئله شكلج معطيتهم ويه لا تسولفين مع اي احد اهمه شكو وماله داعي تقوليلهم بالتفصيل قولي جم باقيلج وبس مو جم صارلي وجم عمري اهمه شدراهم ان صارلج وايد الا لانج تسولفين ومعطيتهم مجال خليج شوي رسميه |
يزاج الله خير اختي الاسطورية على مشاركتج
اختي اهمة يسئلون هالاسئلة عقب ما يسئلوني جم عمري . فا اقول لهم 22 . و اهمة اغلبهم 19 و 18 لأن موادي مستوى أول فا اكون معاهم . فا يستغربون و تبدأ الاسئلة .
و خايفة ارد عليهم بطريقة نفسية و ياخذون فكرة مو حلوة عني . فا مضطرة اجاوب .
الكل يسـأل عمرتي ماصارت العمداء تقاعدوا وانتي لا
تدرين شنو ارد
اقول ويييييي لازم اطمن على الدفع القادمه واضبطهم
ولا يهمج
كاني الحين ابله واقول يااااااااااريت ارد لايام الدراسه استانسي وماعليج من احد
طاااااااااااااف انطعتيني!!
يعني مالج يد فيه
اما تجريح البنات ترى مايقصدون انهم يجرحونج صدقيني بس من الميانه ومن شنو فكروا فيه
قاعديين يقولونه لج صدقيني مو قاعد يجرحونج يعني شنو يستفدون لما يجرحون لج؟
نجي للاهم
انت حساسة+عدم ثقة بنفسج وهذي هي مشكلج
لا البنات اغلطوا ولاشيء لانهم يقولون (واقع)
علاح مشكلج
1- تقبلي انج طولتي بالتخرج + انج كبيره لما تتوظفين (لازم يكون عندج تقبل)
2- لازم بعد م اتتقلين هل النقطة لازم تؤمنين بقضاء الله وقدره
3- لازم تعرفين شيء 27 سنة هي نفسها ام 22 سنة لانه ب الوظيفة مايبين الفرق
وترى لاانت اول وحده ولا اخر وحده بالعكس استمتعي بدراستج ترى الدراسة افضل من العمل
نرجع لسؤالج
نظرتي للبنت الى تاخرت بالتخرج؟
اول شيء اشوف سبب تاخرها؟
بعدين
احكم
اذا محولة
فهذا يدل انها م احبتت تخصصها الاولاني
ولما تتخرج راح اقول براااااافوا عليها
مو تقليل من قدرج أو إحتقار .. بس شي طبيعي إذا صادفت وحدة جذي بفتح معاها نقاش وأسألها عن كليتها قبل وشنو الصعوبات اللي واجهتها
أنتي حساسة حييل 
أشوف مافيها شي صراحة وموقف البنات اللي يسألونج مثل موقفي عادي
ومثل ماقالت ام عفاااااااف .. قولي مايهون علي أترخج الا لمن أشوفكم متخرجين و بعدين أرتاااااااح واتخرج…!!