شنو معنى هال سالفه؟؟

بناتت عفيييه سمعو شنو صار….

الخدامه وصيتها تسوي شغله معينه حق بنتي و رحت و رديت ( طبعا زوجي كان هناك) لما سالتها ليش سويتي جذيه ؟ ليش ما سويتي مثل ما قلت لج؟؟ ردت علي شي ثاني جان ينط زوجي و يقول انا قلت لها!!!! قلت له و ليش اهي ما قالت انك قلت لها تسوي جذيه؟؟؟ جان يصارخ علي و يهاوشني جدام الخدامه تخيلو!!!! و اهو كله يدافع عنها و يقول لي لا تضغطين عليها و انا يشوفني شلون قاعده اعاملها .. يعني ما ظنتي بتلاقي دلال مثلي… و في اكثر من مره كله يقول لي خفي عليها و لا تضغطين عليها قلت له شرايك اقعدها و انا اشتغل بدالها .. حرنيي

بنات قولو لي شنو معناه هذا؟؟ تهقون السالفه فيها شي جايد؟ او عاديه؟؟
ردو علي بليييز

وي عاد انتي لايروح بالج لبعيد بسم الله
اغلب الرياييل ادافعون عن الخدامه علشان مالهم خلق اطنقر ولااتسافر وما تشتغل وتطيح فوق راسهم مصاريف وفلوس
ماالومهم والله الحين الخدامه بالغصب اتيي
وانصحج لاتخلين ريلج يتدخل في اوامر الخدم بعدين ماتسمع منج
فهميه بالعدال انت اي شي تبيه قولي بالاول وانا اقولها ترى حبيبي بعدين ماتسمع كلامي واتعب انا

حبيبتي سفريها احسن
الرجال مالهم امان

انا اتفق مع شادن33

ترى صج بعدين ماتاخذ ابكلامج .. وكله تتشكاله

عاد اتحر حر اليهد

تعوذي من بليس انتي اكيد عارفه ريلج عدل لا تخلين الشيطان يدخل بينج وبينه ..

اغلب الريايييل ترا يخافوون علي الخداامات يمكن لانه فيهم رحمه اكثر من عندنا لووول

وثاني شي الريال دايم يخاف انه تصير مشكله بينج وبين الخدامه عشان ما يضطر انه يقدملج علي وحده ثانيه وتعال سفر وتعال طق اقامه وعباااله ..

اغلب رياييلنا جذى ترا والرحمه زينه ..

حتي لو انج مدللتها علي قولتج الريال دايم فيه رحمه عليهم اكثر ..

مو شرط انه يكون من الاشيااء اللى في بالج .. تعوذي من بليس يا قلبي ..

.,

عادي ي قلبي ماكو ريال ما يكون مع الخدامه كلهم جذي
فـ لا تحطين في نيتج طاف حبيبتي وما عليج.,

لفت انتباهي شي واحد بالموضوع كله ،

كيف بقلل احترامك قدام الخدامه ؟؟ فهمي زوجك انه ما يدخل بينك وبين الخدامه وما دخلو بشغل البيت نهائي هو عليه بس يجي يشوف البيت نضيف ومرتب

لا حول ولا قوة الا بالله ، الله يعينك حبيبتي

ان بعض الظن اثم ……………… احسن حل اهو لا يكلمها ولا يحتك فيها الي يبيه خل يقوله لج وانتي قولي لها شنو تبين بس مهما يكون مهما يكون ماتوصل ان يزفج جدامها
الريال لازم مايكون كلامه وايد مع الخدم الخوف مو منه من الخدم بعضهم الله يكافينا شرهم وولازم تكلمينه عن سالفه الخدم لاتخلينه يزفج جدامها

اذا زفج جدامها راح يقوي شوكتها عليج :
قوليله ترى انا وياها مو شرايك عشان جذي اداحر بينا !!
انا ماحملها فوق طاقتها وقاعده امرها بالشي الي اهيه يت تشتغل عشانه
بالله اهيه مو يايه تشتغل؟
تبيني اقعدها واخليها تحط ريل على ريل

غريب موضوع بعض الريايل
مايبي الخدامه تسوي شي نهائيا
او بس يبيها تسوي شغله معينه واذا امرتيها بشي ثاني قالج انتي تعبتيها
نعم نعم :

رييلك يحررر

يبي لك وقفه معاها وتتكلمي

والبنات كفوو ووفووا

يبا ريحي مخج بيعيها و ييبيلج وحده عيوز احسنلج
و گـِْ♡̨̐ـِْلِْ الرياييل يدافعون عن الخدامات
‏​​بَـßÊـسّ وقفيه عند حده څيڑ ان شالله تزفني جدام الخدامه
مٍْْـٍْْ♡̷̴̬̩̃̊ـٍْْنٍْْو الخدامه ‏​​بَـßÊـسّ لٱ يكون ٱ‏​نـِْ♡̨̐ـِْا
و م̷ـــِْט هالحجي
الريال أإأذأإأ زفج أَۆلْ مَرّھٌ جدامها بيزفج دايم ۆلٱ مانها موجوده

المفروض ما يدخل بشغل البيت
ولا تعودينه يتامر عليها
يعني لو يريد شي يطلبه منج انتي مب من الخدامه
وحاولي ما تكون متواجده جدام عينه وقت ما هو يكون فالبيت
اتنظف فمكان ثاني و الا اتكوي
بعيده عن عينه

عـااادي حبيبتـي يمكن إنتي جـدامة تخلين الخدامة تسوي كل شي
واااي يا حريم عوووب و جيدين جدام الريـال جنها اهي الي مرتبة البيت
والخدامه تخليها جدامه وحده ما تستحي و ما تشتغل
ومن يطلع تخليها تكمل شغلها

البنات كفؤ ووفو

بسيطه…
قعدي معاه و فهميه ان ماله داعي يقلل من قيمتج جدامها و يقوي شوكتها عليج
فهميه ان اذا يبي شي منها يقولج انتي تقوليلها عشان ما توسوسين
فهميه ان شغل البيت انتي ادرا فيه و اهوا للحريم فقط ماله داعي يدخل نفسه فيها
و الخدامه قوليلها اي شي اقولج سويه بابا قال شي ثاني تعالي قوليلي بابا قالي سوي جذي شنو اسوي ؟