شنو كانت مواصفات زوج المستقبل . لقيتيها بزوجج الحين ولا لا

في قلبي سؤال يقررررررررررررررررقع

ودي اسألكم وياريت كل وحده تدخل تجاوب

طبعا كل وحده قبل لا اتزوج يعني بايام العزوبيه تحط ابالها مواصفات لزوج المستقبل

وبعد ماتزوجتووو لقيتو بأزواجكم المواصفات الي كنتو حاطينها ابالكم ولا طلعت مجرد احلام

وياريت الي تجاوب تقولنا شنو كانت مواصفات زوج المستقبل سواء من شكل ولا طبع

انا كنت حاطة بالي اني اخذ راشد الماجد بس الحمدلله صحيت من الصدمة

ههههههههههه حلوه

ههههههههههههههههه حلوه منج ضحكتيني والله عالاقل احسن مني انا لما كنت صغيره اقول حق امي ابي اتزوج كابتن ماجد

والله اتصدقين ولا شي

كنت احلم اتزوج ملك جمال الكل يحسدني عليه
زوجي مسكين مو ملك جمال بس حلو فديته
بس اشياء ثانيه ماكنت افكر بغير الجمال

وانا بعد كنت احلم اخذ واحد مزيون طوووول وعرض وملامح تذبح وسبحان الله ولا شي من هذا كله بزوجي جيكر لوووووول بس الحمدلله حبيب وطيب ويحبني هذا الحين والله يستر من بعد العرس

اهم شي كنت ابيه ان يكون رومانسي…….بس تكسرت مياديفي…الحين انا صرت مو رومانسية

السلام عليكم

خوووش موضوع بس يقلب المواجع ههههههههه

انا كنت مفكره اخذ واااحد طويييل جمسه حلووو معضل واسمر وصووته خشن لووووول << شكو الصوت الحين

بس الحمدلله على النعمه الله عطاني زوج عكس كل اللي تمنيته لوووووووووووول

تقبلي مروري

الفجر البعيد ……

كنت احلم بواحد اسمر وطويل ومعضل وجامعي وغني مو شرط غني حيل بس المهم انه حالته الماديه زينه يعني مو شرط مليونير ويدللني ويسفرني كل يوم ديره لوووووووول لكن ليس كل ما يتمناه المرء يدركه
زوجي زين بس مو مثل ما انا ابي واعرف وحده عليها بالعافيه ياها زوجها بالضبط مثل ما انا ابي ساعات احسدها عليه بس اتعوذ من ابليس عليها بالعافيه بس يمكن الي اشوفه الظاهر مايندرى اشلون العيشه بينهم بس الله يهنيهم
الحمدلله على كل حال

انا كنت ابي واحد يلبس نظارات طبيه … (متاثره باخوها ) لووووووووول

ومادري ليش كان ودي ان يشتغل بالقطاع النفطي … وكنت ابيه طويل ..

فديته ياني على المواصفات الحمدلله

بس كليتها الحين دوامه طويييييييييييييييييييييل مع ان طلع من القطاع النفطي وراح قطاع ثاني بس هم دوامه طويييييييييييييييييييييييييل

كنت احلم بريال يحب السفرات والطلعات

وللاسف طلع العكس ..

الحمدلله على كل حال..

ههههههههههههههه انتي نفس معاناتي والله لووووووووووووووووول كان ودي اسمر ومعضل وعنده سييكل لووووول ":

الله يوفقج حبيبتي

بنات انتو لمن تقصدون اسمر يعني برونزي تان يعني نفس الامريكان؟

انا اتمنى واحد طوييل وشوي عريض يعني وابيض وابي ملامحه تكون ملامح براد بيت خخخخخخخخخخ وين احصله ياربي

ههههه اي اسمر يعني حنطاوي جذي

وبعدين ملامح براد بيت بالكويت ؟؟ انسي لووووول

بالكويت تلقين ملامح عبدالناصر درويش ولا رابح صقر لووووول تبين براد بيت روحي امريكااا واذا حصلتي واحد شوفيلي معاج واحد واحجزيييه لووووووووووووووووول