شنو عنايتكم لاجسامكم بوقت الحمل؟؟خلونا نكافح السمار تساقط الشعر وزيادة الوزن هالفتره

مرحبا حبايبي

ربي يثبت حمل كل وحده في بداية حملها

ويسهل على كل وحده قريب قرب فرجها

طبعا في تغيرات وايد تحوش الحوامل وهالشي اكيد طبيعي
وطول 9 شهور مانعطيها بال لكن بعد الولاده تبتدي المعاناة والصراع

وهالشي صارلي في حملي الاول
شعري تسااااقط وصار خفيف
وايد اماكن بجسمي صارت غامجه >>منها الصدر الرقبه اندرارم وغيره
وطبعا المصيبه الاكبررررررر زيادة الوزن

نبي نتساعد وكل وحده تعطي الثانيه افكار وحلول جربتها او سمعت عنها من ناس ثقه وشافت النتيجه بعيونها
علشان نطبقها

ابي نقلل ونكافح هالسمار الي يصير بالجسم (كلف الحمل)
وشنو تاخذون ادويه تزيد كثافة الشعر>>>مشكلتي ماحب الادويه وما اخذها بوقتها حتى بالحمل

ومنو جربت رجيم خفيييييف للحامل عطاها نتيجه حلوه >>>انا جربت بحملي الاول بس مااستمريت عليه لانه مرضني اغلبه رقي وبروحها الحامل ماتصبر عن الحمام(عزكم الله) ومع الرقي يماااااااااامي

يالله حمتكم معاااااااااااااااي

علشان مايتراكم كل شي بعد الولاده ان شاءالله
ساعتها ماتنفع فينا لا حمامات مغربيه ولا رجيمات
والنتيجه تاخذ وقت

ناطره اراءكم الحلوه

هلا ام مضاوي
انا بالنسبة لي شريت كريم الستريتش مارك من بوتس وقاعده احط يوم بلأسبوع حدي مكسله
بس ان شاءالله بلتزم يومياً
ومو قاعده اسوي شئ ثاني كنت استخدم كريم ريكسول للويه وبعد الحمل وقفته مادري يضر ولا عادي…
ومره بلأسبوع استخدم صابون مغربي بدون بخار و اسوي سكراب لويهي وجسمي

وبس…ناطرين البنات

ام مضاوي
بما انج حامل لازم كل شي يكون طبيعي
يعني للشعر عليج بالسدر والحلبه المطحونه واذا جيتي تعجنينه حطي ماي مع حلبه وخلي الماي يغلي مع الحلبه بعدين لما يبرد اعجني فيه السدر
هذا روووووووعه للشعر وعشان ريحة الحلبه تخف حطي قفشة نسكاافيه مع السدر توخر ريحة الحلبه
وفي زيت وحده حطت بالمنتدى طريقته واختي سوته وعطتني منه روعه لللشعر يوقف الطياح
__________________________________
للتفتيح انا مدحوولي كركم الجسم مع الفازلين
كركرم الجسم تلاقينه بالحواج
او استخدمي خلطة مزيونه وشقرا الصابونيه

وسلامتج

الله يتمم عليكم حمالكم يارب

هلاااااااا بستايل

خوش انتي اول وحده ترد رفيقة درب الحمل
بالنسبه لكريم السترتش مارك احس تو الناس يبيله بعد شهرين عالاقل اخذه
وشنو احسن نوع ؟؟؟؟

وبالنسبه للصابون المغربي وهالسوالف مادري ماحسيت مفعولها وايد قوي هالفتره

عموما انا توني في بداية دربي السمار ماراح يبدي الحين يبدي خفيف السادس او السابع ويزيد اخر شهر

ويالله انا وستايل ناطرين باجي البنات

والله أنا بأول الاشهر شعري يبدي ايطيح تالي من أبدي أخذ الفيتامينات لا بالعكس ايصير أحلا واستخدم شامبو كرستاس لتساقط الشعر
و على طول اسنفر جسمي لمن اخذ شور واتفرك بمفراكه خشه بس هل المره طلع لي سواد تحت الصدر ما نفع معاه التفرك الله يستر اشلون بوخره
اي وعلى الرجيم صراحه ما أسوي مع أنه وزني ايزيد بسرعه وصرت بطططططططططططططه بس عندي كتاب فيه خوش نظام غذائي حق الحوامل بس صراحه لمن تحملين تشتهين أشياء عجيبه
وانا ألاحظ أنه شعر الجسم صار يطلع أسرع من قبل بسبه الهرمونات

وتذكرت على طول أدهن جسمي بكريم 21 بفيتامين e مع أنه شلخوني تعيب ايقولولي أنتي على هل الكريم سيلانيه بس صراحه عجيب أنصحكم فيه
حتى سمعت الدكتوره نجمه يوم رحت أراجع عندها اتقول حق وحده مسويه قيصريه دهني بطنج فيه زين >>>> جان أقوم واشتريه وصارلي فتره عليه عجيب أتدهن بليل قبل النوم وبعد الشور
وكل كل ما طلع الصبح واذا طلعت للضروره أحط حمايه شمس لأنه مكتوب بكتاب (ماذا تتوقعين عندما تكونين حاملا ؟ ) أنه الجسم يتفاعل مع الاشعه الشمس بصوره غير عن الايام السابقه بسبت هرمونات الحمل وهذا ايسبب الكلف والبقع وصراحه ويهي موقاصر يتبقع

انا معاج غلاي انه كل شي طبيعي
والله يخلييييييييييييييييييييييييييج سوالف سدر وحلبه انا ماحبها واصلا ما التزم فيها(رحم الله امرإ عرف قدر نفسه)
عطيني كريمات وزيوت
وادوووووويه طبيه افضل
وبالنسبه للكركم والفازلين اخلطهم مع بعض؟؟ومتى احطهم؟؟
وخلطة مزيونه جربتها بعد ولادتي من اكثر من سنه ونص ماااا فادتني اصلا نشفت جسمي

ومشكووووووره يالغلا عالاضافه الحلوه

امين يارب

ويرزقج ويرزق كل محرومه اختي

حياااج ليلاث
اسعدتني مشاركتج
بالنسبه للفيتامينات تستخدمين الفيتامينات الي تاخذها كل حامل؟؟ولاشي مخصوص للبشره والشعر؟؟

وعلى التفرك الزايد ترى يزيد السمار لانه يسبب جفاف
والجفاف يسبب اسمرار للجسم

واكيد الحامل تشتهي بس الرجيم انا اقصده بعد الوحام وفي وحده قالتلي انه الدكتور نصحها تزوره بالسابع لانه الاكل يكون للام مو للجنين

وكريم 21 واااااااي ما اواطن ريحته لووووووووووووووووول بس في نيفيا سوفت الي علبته كبيره بيضه هذا وايد حلو لترطيب الجسم بعد
بس انا اقصد الشغلات الي حسيتوها فعاااااااااله ضد عوامل التعريه خلال الحمل لووووول

والحمدلله انا فترة الصبح عندي سبااااات ما اطلع نادر ما اطلع بالنهار

وحياج مره ثانيه

لووول أهم شي عوامل التعريه
اي الفيتامينات مالت الحوامل وفيها كل شي
صراحه من أبدي أخذها شعري بتعدل واااايد فرق
وطبعا مع الشامبو مال كرستاس

انا يوم حملت احس نفسي صغيره ماعندي خبره كان عمري19 ولا احد نصحني لدرجه جتني تشققات في منطقه الحوض لان خصري حيل ضعيف عكس تركيبت جسمي بس انشالله بالحمال الثاني اشدد على بشرتي وصحتي لاني مسويه فايل خاص بهالشغلات وحاطته بالاب بس حبوبات ابي اعرف تروح التشققات اللي فيني والا دائمه؟؟؟؟؟؟

وعلى البشره وربي عالنفسيه انا حمالتي كلها نفسيه وبكي ومشاكل دراسه ومسؤليه بين الله لايعودها والحين الحمدالله بشرتي ردت نظارتها احلى من اول..

هلا وغلا ام مضاوي ،، شلونج يالغالية ؟ : )
والله انا سمعت انه خطررررررررررررررر بالشهور الاولى تسخدم الحامل كريمات
لانه يروح عالجلد علطول ومو زين للجنين

والله اعلم ،،

ام جود
اسعدني مرورج يالغاليه

وانا قاعده اسجل كل الي تسوينه انصدمت انه مانفع السماااااار لوووووووووووووووووووووول عيل شالفايده هذي مشكلتي
وان شاءالله ربي يقدرني واستمر على الفيتامينات يمكن شعري يتحسن

بنت الذيب حياج يالغلا

وبالنسبه للتشققات ماتروح لكن مع الوقت يخف لونها وتصير قريبه للون الجسم
وعلى فكره تشققات الحمل حتى مع الاستخدام كريمات الستريتش مارك شر لاااابد منه تطلع
يعني نادر ما الاقي وحده مافيها
انا استخدمت الكريم لي اااخر السابع ومع تعب الثامن والتاسع تركته وصار فيني شي خفييييف ولونه الحين تقريبا قريب للون جسمي مو مأثر وايد

ام عبادي
صاجه حبيبتي احنا بهالموضوع نبي نستفيد من شغلات طبيعيه استخدمتوها وطبيه بانت نتيجتها معاكم من خبراتكم
واذكر حق الويه كنت احط بس كريم مرطب ماحط شي ثاني

وييييييييييييينكم