|
|
مساء الخير عليكم
انا اليوم اخلص شهري واييني عوار بظهري بس متعودة عليه لانه من زمان اييني بحملي هذا
اليوم قمت من النوم وعوار فظيع بالحوض وعوار بالظهر مع ضغط وثقل
المشكلة انا ولاداتي اللي قبل كله طلق صناعي يعني اروح للمستشفى ما فيني شي وهمه يولدوني بطلق صناعي
يعني ما جربت الطلق الطبيعي كلش
الاسبوع اللي طاف رحت للدكتورة وفحصتني لقتني مفتوحة 1 سانتي بس وقالتلي امشي
تهقون احين انفتح الرحم أكثر ؟؟؟
والافرازات عندي عادية يعني مو كثيفة ووايد وسط …
عفية ساعدوني يمكن فيني طلق بس باارد وانا ما ادري ….gif "Eh S(10)")
وادعولي اولد الليلة لأني زهقت استغفر الله …
وان شاء الله سهااالااات
ولا تشربين خروع الا لما يبدي فيج الطلق
والله يهونن عليج حبيبتي
مو تنسينا بالدعاء الله يسهل علينا ولادتنا
يقولون الدارسين والخروع مو زين اذا مافي طلق …
|
المشاركة الأصلية كتبت بواسطة سفيرة العشق
 انزين يعني اللي فيني هذا طلق ؟؟؟
يقولون الدارسين والخروع مو زين اذا مافي طلق … |
بيبتي اذا ما فيج طلق لا تهولين بعمرج الخروع ممكن يسوي ماعافات الطلق الطبيعي انا مجربته مرتين و ايي منتظم مو عشوائي اذا كلش تعبانه توكلي على الله و اخذي طلق صناعي سهالات مع الكمام انشاءالله و انشاءالله ربي يقومج بالسلامه و تولدين بسهاله يارب
حبيبتي انا سمعت انه الزعفران زين يجيب الطلق والتمر بعد والله اعلم
الله يسهل عليج ويوصلنه الى الولاده ياااارب
وفيني عوار
انا سمعت ان الجماع يساعد وايد صج ان الواحد ماله خلق بس دوري الطرق السليمة لان الخروع في حالات ماينفع معاها على كلام الدكتورة
بس شلون انا متزاعلة مع ريلي الحين شلون ؟؟؟شكلي مطوله عيل لين يرضى الحجي ..
المشي على رمال البحر نص ساعه
اكل رطب وليس تمر رطب
جاي وحليب وزعفران
الاناناس
اقعدي القرفصاء ( كأن بحمام عربي اعزج الله )
الله يسهل عليج ويهون عليج يارب
عيل انا مسافر يدرس برا وماراح يرجع الا وانا والدة وخالصة حاولي تراضينه باي طريقة لمصلحتج وعقب الولادة خل يزعل كيفه