شنو علاج شد العضلي لي صار بالكتف والرقبه؟؟

السلام عليكم خواتي أنا حامل في الشهر الثامن ويايني شد عضلي بكتفي ورقبتي اللي قعدت من النوم ماقدر احرك رقبتي ، ورحت بعدها اسبا تايم ومسجتني ومن عقبها زاد زيادة ، دقيت على دكتورتي قالتلي اخذي مسكدول ، صبح وليل وخذيت وقاعده احط مطارة حاره وكامادات وقاعده ادهنها بس ماكو فايدة ، والعوار واصل لي أصابيع ايدي والله تعبت صارلي 6 ايام الحين ،

كافي علي عوار ورجي من الشهر الثامن والله ماكو نوم شورو على شنو أسوي؟؟؟؟ يزاكم الله خير

جربي لزقات الفلفل تحصلينهم بالجمعيه والصيدليه
تعرق المنطقه ويبرد الشد
ما عليج الا العافيه

والله حبيبتي عيزت وانا احط لزقات ودهان وماكو فايده تعبت

للرفع للرفع

اشجااان هالحاله لازم تطول اشوي اصبري اشوي
بس عليج بلزقات الفلفل وحده بوحده
والله يهون عليج

حبيبتي ماتشوفين شر ان شاء الله و الله يسهل عليج يارب
شوفي انا من كلامج اتوقع ان رقبتج طويلة و لما تنامين يصير فراغ بين راسج و كتفج
و هالشي اهو اللي يخلي رقبتج مو مرتاحة و يصير عندج عوار مثل الشد العضلي بالرقبة و الكتف
انا عندي نفس المشكلة و كنت اخذ كورسات علاج طبيعي و قالت لي الروسية مالت العلاج الطبيعي لما تنامين حطي مخدة خفيفة او فوطة مصفطتها مثل الاسطوانة او اي شي بحيث يملي الفراغ بين الرقبة و الكتف و الراس و لازم تنامين على جنب مو على ظهرج
او تقدرين تشترين المخدة الخاصة مالت الرقبة اللي يستخدمونها بالسفر عشان تسند الراس عرفتيها ؟ اللي جنها حرف سي بالانجليزي
بس لا تاخذين التفخ مو شي.. اكو وحدة داخلها قطن انا مرة شريتها من ماركس اند سبنسر و لقيت نفس الطريقة في الكترونيات الغانم
روحي قوليلهم ابي travel pillow
بس تأكدي انها مو تفخ.. اخذي اللي داخلها قطن و انا انصحج تاخذين من ماركس اند سبنسر لانها وايد ناعمة و خفيفة ما تأذيج.. مالت الغانم شوي متينة
انتي شوفي و جربي و ان شاء الله ترتاحين و ادعيلي

انا رقبتي مو طويله والعاده لي ياني شد عضلي يروح بسرعه هالمره فوق الاسبوع والله عرجي ناط من الرقبه لي اصابع ايدي ورحت اليوم الهادي قالي المساله بطول لانج حامل وجسمج مجمع ماي مادري شنو دخل هذا بجتفي ورقبتي ومشكورين حبايبي الشر ماييكم

أنا حاشنى نفسح اشجان وماراح الا لما سويت علاج طبيعى بالهادى بس ماكنت حامل ياليت تسألين اذا يصلح لج سوى من ٦ الى ١٢ جلسه وماتشوفين شر

الرقبه حساسه المفروض ما اسوين لها مساج بس تحطين لها كريمات بدون مساج

الرقبه مالازم تنجاس ولا يسوون لها مساج

خليج على الكمادات الحاره وحطي لزقة الفلفل

ولو انتي موحامل في ابره وحده بوحده تلين العضلات

انا مجربه الجتف والرقبه تذبح وتطول وبين فترة وفترة ترجع