|
|
هاي بنات ديرتي
سؤالي واضح؟؟؟؟؟؟ اليوم الي ملجتي فيه شنو شعورج استانستي ولا لا نمي يومها ولا لا
صراحة انا هاليوم انطرة من زمان ادعولي ايي هاليوم عن قريب احس الدنيا وقتها ماراح تشيلني
ردوا على سؤالي خن اتخيل نفسي مكانكم ولما تخلصون ادعولي دعوة صادقة من عندكم لي ولبات المسلمين
صراحه انا كنت نايمه الظهر طبعا
يتني اختي عالمغرب جذيه
تقعدني تقولي قومي قومي ملجتي 
مادري احس وقتها مت من البرد مادري ليش
وشعور حلوو لما تشوفين تيلفونج مايسكت كل اللي يحبونج يدقون يباركون خاصه لادقوا واقعدوا يلولوشون
والناس ادق اتبارك وتوصل لي البيت تبارك
بصراحه انا للحين >>>>عزووبيه
ويارب الله يرزق الجميع بنات المسلمين يارب
انا محد علمني..
رفعت التلفوون جااان خالتي ام زوجي قاالت منو معاي قلت فلاانه .. قالت مبررررررررررروك ملجتي على ولدي … استاانست من داخلي
على طوووووووول رحت صليت ودعيت وحمدت ربي .. @@
مسجاات وتلفونات يباركووووووون .. شعوور حييييييب حلووو .. عقبال العزوبيات يارب الله يرزقكم ..
انا مثلج جتني فتره تمنيت هالشي وسبحان الله صار ربي لك الحمد
شعوري
والله ماادري
هم راحوا يملجووون وانا انطرهم
لوووووول
بعدين يوم جا ابوي واخوي انحرجت وصعدت لغرفتي << يعني مستحيه
والله ماادري عادي ومش عادي
سبحان الله صار كل شي بسرعه بسرعه
يلاا الحمدالله عسى الله يوفقني معاه ويسخره لي والله يوفق الجميع امين يارب
.,
الله يرزقج بالزوج الصالح اللي يفرح نظرتج ويسخره لج ويحقق لج كل امانيج يارب
وتبشريني عاد انا اول وحده << شكووو
.,
بصراحه انا يومها كنت متنحهه وماكان في اي شعور يمكن لأن موضوعي كله صار بسرعه بسرعه
بس انا كنت طبيعيه عادي ما جني بملج بعد جم دقيقه وماسكه الريموت واغير بالتلفزيون وشوي ما دريت الا كل وحده تسحبني من صوب يسلمون ويباركون والله وكليج من الصدقه حتى ما رديت عليهم بس كنت @@ << جذي اطالعهم وبعدها تعشيت وحطيت راسي ونمت
وما باقي على عرسي شي وانا للحين مو مستوعبه اني عروووس يا جماعة تهقون ما عندي شعور واحساسي ميت 
؟؟!!
انا ملجتي عادي الوضع طبيعي بس كنت مرتبكه شووي .. ولما بارك لي ابووي وباسني وقال لي مبروووووك
دنيتها بجيـــــــــــه يمكن ساعه وبعدها فليتهاا من المسجات والتباريك لي وصلتني والحمدلله على كل حال ..
وعسسى ربي يزوج كل البنات يارب ويسعدهم يارب ..
انا بصراحه يوم الملجه الظهر توني قاعده من النوم و الا تقول لي امي ترا بعد مايملجون بيجي ويقعد معااج و راح نسوي حفله صغيره بس احنا يعني خواتج و خواته و امه و خالته وجدتي و خالاتي <<كلهم اهله و اهلي لانه ولد خالي :$
وانا هااا@@ اعتفست قلت لامي اوكي بس شسوي يعني بنفس اليوم تقولون لي في حفله !!
واروح الساعه 3 الصالون ومابقى شي ماسويته ايييييييييييه بعد كنت توني قاصه اظافري هههههههههههههههههه توقهت حدي اختي قالت لي اشتري من الصيدليه اظاافر و خل الصالون يركبونهم لج و انا حدي مختبصه ماعرف اخاف من التركيب المهم ورحت شريت و ركبتهم و ضبطوهم لي ومادري شلون مر هذاك اليوم بس اذكر اني مانمت من الصدمه كل شي صار فجأه عندي بس للحين اضحك على الاظاافر ههههههههههه
الله يرزقج بالزوج الصالح انتي وكل بناااااااااااات المسلمين يااااااااارب
>> انا للحين آنسه
بس اتوقع بتحوشنا شويه خرعه مع شويه فرحه مع تفكييييييييير طويل
الله يجيب ذاكـ اليوووووووووم يااااااااارب اللي املج فيه
هههههههههه
انا كان برمضااان ملجتي
ابوي دش علينا الساعه 11 يضحك .. قالي مبرووووك صرتي عروووووسه
وانا من المستحـا وماادري شلوون حسيت
قعدت ابجي واضحك لوووووووووووول وجهي احمر وابجي واطالع اختي اضحك
وتقعد تلمني اختي وامي
عقبها عااااد تلفووني مااسكت رفيجاتي واهلنا يبااركون
وبيتنا كل يوم زحمة جيرانا وعمامي وخوالي واهلنا
واحلى شي الكيـــــــك لوووووووووول يم يم :$:$
الله يوووفقنا ويهنينااا ويرزقنا ويسعدنآآ
ويرزق كل البنات بالزوج الصالح :$:$