شنو شعورج و شعور اللي تحبينه بهالسالفه ؛؛؟

صباح شلونكم
حابه اتناقش معاكم اكثر عن شعور البنت اللي تملج و اهي على علاقه حب ب غيره
هل مجرد ما تملج تنساه او تتمسك فيه اكثر او شنو الشعور بالضبط

بالنسبه لي كننت محطمه و حزينه وبالنسبه لشخص اللي كنت احبه فرحلي وايد وتمنالي الخير و بنفس الوقت تضايق لكن شاء الله ماقدر فعل

ما جربت هالشعور بس أحس لو الواحديحب صج بيكووون شي صعب .. بس الخيرة فيما أختاره الله

الزواج والعشرة تخليج تنسين الماضي كله بس الدور عليج انتي

لازم ماتتذكرين الماضي وتفتحين صفحه يديدة مع الانسان الي انتي عايشه معاه

لان حرامً تظلمين الريال وياج

والله الشعور صعب والإصعب من ذلك تحضرين زواج شخص كنتي تحبينه بس اللحين الحمد متزوجه ومآسيه كل الماضي لان الحب من طرف واحد ماينفع والحب الحقيقي بعد الزواج

بيضيق خلقها شوي .. بس ماتدرين يمكن خيره ان مااخذته …وعسى ان تكرهوا شيئا وهو خيرا لكم ..

وتبدى صفحه جديده اهي بذمة واحد وغلط انها تفكر في غيره او تكلمه او تتمسك فيه على قولتج

اكيد بزعل وتصك الدنيا بوجهي لكن بنفس الوقت ايقن ان هذا مومكتوب لي والخيره فيما اختارها الله
والحمدلله
والحب يجي بعد الزواج والعشره

اعرف وحده حبت واحد حب و تمت سنيييين ولا تقدم لها بحكم انه يدرس و يشتغل .. و ياها النصيب و استخارة و وافقت و اهي بجي بجي و أهوا صكت فيه الدنيا و لمن ملجت لهت و نست طوايف اهله الي يابوه و كاهي قاعد تجهز عرسها .. مو لأنها ما تحبه لااا بس طعم الحلال غييييير والله ولا الي ربي يرزقها بزوج والنعم فيه بتحبه غصبن عليها .. هذا رأيي

يعتمد على صدق مشاعر كل طرف
بالنسبة لي مااسمح لنفسي أحب شخص إلا إذا كان زوجي فقط
لأن الحب الحقيقي يجي بعد الزواج

وعسى ان تكرهوا شيئآ وهو خيرآ لكم .. بالنسبه للحب اكيد الشخص يتألم انه عاش ايام وتفاصيل حياته مع شخص يحبه ويشاركه حياته اليوميه وكأنه جزء من حياته او حياته كلها ويحلم انه يكون مع هالانسان باجي عمره ويتخيل حياته معاه .. بس لو الله شايف انهم مناسبين لبعض كان تزوجوا وسهل امورهم من يدري؟ ممكن يتزوجون وتبتدي المشاكل ويكرهون بعض وكل واحد يتمنى لو انه ماعرف هالانسان ويمكن تتزوج غيره وتكون حياتها اسعد الف مره مع الي اختارته بالحلال وبالاخر كل شي قسمه ونصيب والله يسهل عالجميع ويهون عليهم

الخيري فيما اختاره الله فصدقيني يمكن زوجج يقدر ينسيج الماضي كلله ويحبج اكثر من حبيبج كافي يحبج بالحلال وزوجج واهي فتره وتعدي صح راح تتعبين اول الايام وتتضايقين

أعرف وحدة كانت تمووت بواحد واهوه بعد
وتقدم لها كذا مرة بس أهلها رفضوا ،،، وبعدها بفترة تزوجت ثاني والحين يموتون في بعض ماشالله
يعني يعتمد عليج ،، وكل شي خيرة

مافي. احلا. من الحلال

كل شي نصيب واتوقع لازم تنسى وهو ينسى حرام يظلمون الاطراف اليديده بالموضوع

غلطااااانه الي صج يحب لو شنووووووووووو يسوي ماراح ينساج !!!!!!!!!!!!
يا بنات انا مريت بهالتجربه ولو اقولكم قصتي والله يا بنات بتنصدمون لانه ماتوقع احد صار معاه نفس سالفتي ولا اتوقع احد وصل مواصيل سالفتي بس الله كريم
وعلى فكره مو انا الي تزوجت اهو الي تزوج