|
|
السلام عليكم شلونكم بنات
حبيت اخذ رايكم بموضوع بيني وبين زوجي
السالفه صارت بدبي كنت مسافره معاه ومره كنت اتسوق بستي
سنتر طبعا كالعاده مل وكل شوي يسال خلصتي قلت لا جان يقول انا بقعد بكوفي على ماتخلصين المهم خلصنا وطلعنا على الفندق
دخلنا غرفتنا وانا قاعده اشوف اغراضي ولا رجلي فتح الكبت جان التفت عليه والا بايده علبه شكلها هديه يبي يخشها بالكبت انا استانست وسويت نفسي ماشفته
دخل وانتوا بكرامه للحمام جان اركض للكبت بطلتها ولا طقم اكسسوار
خاشه باعلى رف يعني مايبيني اشوفها
رجعنا الكويت وهو ماعطاني الهديه
انا بديت اشك سألته قلت له شفتك تخش علبه بكبت الفندق لمنو جان يقول اي هذا
لولد اخوي قلم ومسباح
ومر اسبوع ولا بينت الهديه امس سالته قبل لا انام قلت انا شفت العلبه بدبي ومو قلم على قولتك اكسسوار
جان يرتبك جان يقول هذي بضاعه قلت بجرب ابيعها بالكويت وبعتها بالفحيحيل قلت والله صج جان يحلفلي انا ماصدقته وتهاوشت معاه ويحاول يراضيني جان يقول تبين الصج هذي لولد جارنا قال جيبلي عينه من شغل دبي عشان انتاجر وهو قام يحلف
اهنيه احتريت بزياده يعني مرتين حلف تهاوشنا وكل واحد نام بمكان
اليوم الصبح داوم ويطرشلي مسجات انا ابيج وانا شاريج وهذي بضاعه
طيب البضاعه ماياخذ رايي فيها مو انا حرمه واعرف اللي يعجب الحريم
وليش تخشهامن الاساس
بنات رجلي طلعاته واجد بحجه انه اجتماعي
وانا حيل خايفه انه الهديه تكون لرفيجته انا بس مره طحت على مسجاته بتلفونه القديم يسولف مع وحده بس تاريخ المسجات قبل العرس وحلفلي انها سوالف قديمه وماسواها بعد زواجنا
بنات شوروا علي اصدق كلامه ولا شسوي
هذا اذا كنتي حدج متضايقه وماتبين تطنشين الموضوع .. بس اذا بتطنشين خلاص انسي ترا الرياييل ياكثر مشاكلهم
والهدية أكيد لرفيجته ههههههههههههههههههههه اهو كلامه مو مقنع .. بس في احتمال يكون خاش عنج شي بس مو رفيجته
يمكن احد موصيه ومايبي يقول منو
في احتمالات بس لازم تواجهينه بهدوء او اذا بتشترين راحة بالج عديها بس حسسيه ان فيج شي
ويارب يكون صادق
رومانس مستحيل اعديها انا في شغلات واجد مطوفتها بس الا هالشغله
وربي لا يعطي مصروف ومقصر بشغلات واجد حتى تكاليف السفر علي
مايقعد بالبيت وبس يسهر برا
اطوف كل شي الا انه على علاقه مع وحده
وتصرفه حده مريب
يعني اهو مسكت معاه كلمة بضاعه وكل شوي يقولها بطريقة غير فمادري مايدش المخ كلامه
عموما مابيدنا شي غير انه ندعي له الله يسخره لج ويعميه عن غيرج
|
المشاركة الأصلية كتبت بواسطة أمووووله
 بنات شوروا علي اصدق كلامه ولا شسوي
|
اذا قلنالج صدقي كلامه
انتي بتصدقين!!
انتي تهاوشتي معاه وعارفه انه جذاب والدليل الاول لجذبته قال مسباح وقلم
بعدين لما خريتيها قالج بضاعه
انتي براسج شنو بتصدقين؟؟؟؟
والمصيبه داق يتعذر ويقولج انا شاريج شنو معاج مميه يقولج هالكلام واضحه الجذبه
مبين من كلامج عنه
انه مو هين وراعي بنات
بحكم انه طلعاته واجد
واجتماعي
طيب انا ابوي قبل لا اتزوج
يطلع بس امي كانت واثقه انه بالمكان الفلاني وفعلا يكون فيه
رب الأسره السوي ما يطلع لمكان الا اهله عارفين وينه صار بالبيت شي بالله اشلون
طبعا هذا جيل أبهاتنا غير عن جيل عيال اخر السبعينات
والله يعين اللي بتاخذ من جيل الثمانينات زين ما يكون عارف 100 غيرها الله المستعان بس
وسط هالتكنلوجيا والايفون والبي بي…………………وزمن اليوتيوب يخرع
شنو مفتاحه وعالجي الوضع
اذا زوجك يمشي مع اللي تطنقر طنقري عليه
اذا يمشي معاه اسلوب الوضع عادي بس مبين عليج شايله
اذا يمشي معاه اشلوب عيشي حياتج وقللي اتصالج فيه ومسحي رقمه
اعرف وحده زوجها قام يدق بالدقيقه عليها من عرف انها مسحت اسمه ولي دق صار رقم بينت للرجال انها تحتقره ومو مهم عندها صارت للاسف غاليه من هالحركه هذي
وهذا فيظ من غيظ
الله يعينج ويفرجها عليج