|
|
ودري اعرف منكم شنو سوت كل وحده عقب ماطلعت من النفاس
يعني اقصد؟؟
شنو سوت بشكلها من تغير قال صبغ قال قص من هالسوالف يعني
وشنو لبست حق اول ليله تروح فيها لبيتها مع زوجها
وابي منكم اسماء عطورات حلووه
غير عطر فيندي والين وستيلا وهذولي المعروفين ابي شي جديد
ويلله كل وحده تدش تسولف لنا
لان باقيلي على طلعتي 10ايام وابي احوس بعمري بس ماني عارفه شنو اسوي وبشنو ابدا
فقلت ابي ارئكم الحلوه …
وارجو اني مااتعبكم بالردود….
ولا وحده فيكم ردت
علاقل قولو اي شي اي كلمه عشان الكل يستفيد ويفاد
انا توني طالعه شعري كان اسود وصبغته بلاتيني ^^حده تغير
وطبعا اخر 20 يوم بالاربعين سويت رجيم وقطيت جم كيلو
ونقشت حنا مع اني مااحبه بس زوجي يحبه
حفيت وسويت مغربي وشريت جم قميص جنهم كورسيهات غصب تحلي الجسم من محل بالافنيوز فوق
ولما رديت مع زوجي بيتي كنت لابسه فستان قصير نفس ستايل فساتين حصه اللوغاني
والعطور الحلوه ألور من شانيل-قوتشي الجديد-نيرسيسو -بولغري الاسود-جويسي كوتور-لوي البنفسجي
وحمام مغربي وعطر يديد وقمصان نوم يديده وشوية دلع غيري ستايلج مال الدلع اكثر خلييج حديج ولهانه على ردتج وعلييه
بس انصحج شوفي اذا امج وله اختج يقدرون اول ليلة ياخذون الياهل وروحي فندق والله شي حلو تغيير
وشنو لبست حق اول ليله تروح فيها لبيتها مع زوجهاطبعا شريتلي بدله طلعت فيها مع زوجي تعشينا فمطعم بدله ناعم وحلووه اما بعدين لبست قميص نوووم ابيض ناعم
وابي منكم اسماء عطورات حلووه
غير عطر فيندي والين وستيلا وهذولي المعروفين ابي شي جديد
انا استخدمت عطر ديور ادكت الكحلي لانه اول مره شمها علي كنا تونا مملووجين ويحب هالعطر
وطبعا خلال فترة الاربعين لازم تكون الوحده تهتم بنفسها وتحط هالكريمات اللي تبيض وسنفره وحمام مغربي يعني مثل العروووس
وتشرب هالاعشاب عشان ينظفون الرحم والتحاميييل لازم تستخدمهم عشان تنظف الرحم
وووبس
ماسوي شي غير الصبغه والقص وسوالف الصالون مني مناك
اهتم بلبسي وبنفسي بس مو وايد
لان من اولد واطلع من الاربعين البيبي ياخذ كللللللللللللللللل وقتي
اهتمي بنفسج وحاولي تنسقين
بالنسبة لتجهيزات النفاس
حف حمام مغربي
صبغ ملابس وقمصان جديدة ديكورت جديدة للحمام اعزكم الله عطورات حلوة جذابه نقش حنا ووايد اشيا اذا تبين تبدعين بعد مع تمنياتي بالتوفيق
حياتي شووووووووفي تجهيزاتج لازم تكون قبل لاتطلعين لان بالاربعين ماكو وقت كلش الا للصالون ومجابله
المهم سوي حق شعرج تريت منت علشان يكون طايح على شعرج حتى لو طلعتي من الحمام عزج الله
وصبغيه صبغه ناعمه لاتسوين شي يستغربه عليج
وقمصان نوم عندج اكثر من محل عندهم اشياء رووووووووعه ومثيره لان راح يكون ولهان عليج وايد
والعطور عندج بوولقري البنيه وارماااااااااااني الصغيره روعه وانا احب نيرسيسووووو وماريكال وايد قويه انصحج فيها والله
وانا انصحج اول ليله خلي البيبي عند امج وروحي فندق تغيير ترا من بعد اربعين يوم يبيج الريال خلي الياهل ليله ماتضر هالليله
لبسيله القميص النوم اللي مايدل دربه فيه وتمكيجي احلى مكياج وصبغي اضافرج وتعطري وتبخري وعسى الله يسعدج يارب