بنات شنو سبب الم الظهر بعد التلقيح الصناعي ؟؟ ومنو فيكم حاشها هالألم وبعدها طلعت حامل ؟
والشي الثاني اللي بعرفه لما سويتو التلقيح الصناعي حسيتو أثناء العمليه مقص خفيف بالبطن؟؟
فوفه حبيبتي الله يرزقج يارب
انا صديقتي سوتها برمضان وفعلا ماتت من ظهرها وتالم منه وااايد
وبغت تسوي اشعه بس قتلها لاخطر على البيبي المهم سبحان الله وقبل الموعد المحدد للتحليل بيومين مافيها
صبر راحت وحللت والا هي حامل ماشاء الله تبارك الرحمن الفال لج يارب
والحين هي بالاسبوع العاشر الله يتمم لها على خير يارب ويثبته ويرزق كل منتظر يارب 
بعد عمري ام فوفو يعني متى صديقتج سوت التحليل عقب التلقيح بأسبوع ؟
لا يوم 12 من العمليه ويارب تبشرينه بالحمل قريييييييييييييب الله يفرح قلبج وتقر عينج
مشكوره حبيبتي عالرد ويسمع منج ربي
الله يرزق الجميع بالذريه الصالحه يارب
اللهم امييييييييين ياقلبي
بس وين سويتي التلقييح عند دكتوره هدى ؟؟
لا والله سويته عن دكتور محمود المطاوعه
اي ماشاء الله سامعه فيييه الله يتتملج على خير
بغيت اسالج فوفه عن اشعة الصبغه بالسلام انتي تمدحينهم شلون يعني بالنسبه حق الدكتور
والوضع عادي وله فيها تكشف واايد انا حدي استحي وعمري ماجربت ريال وصراحه ودي اسويها عندهم بس
ماعندهم حريم 
انتي شرايج
والله ام فوفو انا لما رحت اذكر انصدمت لما دش الدكتور اللي بيسويلي الاشعه
.gif "Eh S(22)")
لاني ما سالت منو بيسويلي الاشعه عبالي دكتوره …ومن ناحية فشله صج فشله بس اهو متعود على هالمناظر .. استغفرالله بعد شنسوي وكانت معاه ممرضه
بس شسوي لاني كنت مضطره ودكتوري مخيرني بين مستشفى دار الشفا ولا مستشفى السلام ولما رحت دار الشفا معاملتهم خايسه واجراءات وطواله .. خليتهم ورحت السلام
انزيين شنو اجراءات دار الشفا او عموما شنو اجراات الاشعه
ياقلبي يافوقه عسى ماثقلت علييييج ياقلبي
بس تدرين قاعد احاتي وين اسويها
وانا اعرف واااااااااااااااااااااايد سسوها بدار الشفا
انا كنت طالبتها مع بنج بدار الشفا لان في ناس كانو مخرعيني ولما رحت سويت فحوصات عندهم وكشف علي دكتور البنج وبعدها لازم ادخل على دكتورة النسا عندهم وفحصتني عشان تشوف اذا عندي التهابات وكانت نفس خايسه وكريهه … وسويت دخول وحجزت لي غرفه ولبسوني لبس العمليات والمفروض ان الدكتوره اللي كشفت علي اهي تسويلي الاشعه .. ونزلوني تحت عشان الاشعه وعطوني ابرة تهدي الاعصاب المهم نقعوني تحت بممر الاشعه يمكن حوالي ساعه والممرضه اللي كانت موديتني كل شوي داقه عالدكتوره والدكتوره كانت تقولها كاني يايه وتكشت المهم انا بيني وبينج كنت مو مرتاحه من داخل عصبت عليهم وبعدها ودوني الغرفه وقالولي ميخالف صبري الدكتوره يتلها حاله مستعجله .. وترى اللي راح يسويلج الاشعه دكتور هني حمقت وقلت لهم خلاص ما راح اسويها وغصب خلوني اطلع من الغرفه وهم بعد غصب ردو لي فلوسي وحلفت بعدها ما اعتب دار الشفا
وعلى فكره دكتوره ماجده اليتامي ودكتوره فوزيه القطان يسوونها عندهم هالاشعه بعيادتهم
لا والله صج مو شي
مااحب اللطعه والطواله
انزين ماجده اليتامى بعد طبيبات الي يسونها
اجراءات دار الشفا لازم يفحصونج قبل الاشعه فحص داخلي … بس انا صارت طواله معاي شوي الاجراءات ليش اني طلبت بنج عام مع الاشعه بس اعتقد اذا كانت بدون بنج ما تحتاج اي اجراءات بس لازم تكونين توج مغسله من الدوره
تسلمين ياقلبي يافوفه والله يرزقج ويرزقني ويرزق كل منتظر يارب وبس اسويها بقولكم شصار
الله يسر يارب